КР ШАйлоо жана референдум өткөрүү боюнча борбордук кеңешинин «2021-жылдын 1-июлунда өткөрүлгөн Талас облусунун Талас районунун Айдаралиев айыл өкмөтүнүн башчысын кайра шайлоодо добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө» токтому

КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ ТОКТОМ 2021-жылдын 5-июлу № 609 2021-жылдын 1-июлунда өткөрүлгөн Талас облусунун Талас районунун Айдаралиев айыл өкмөтүнүн башчысын кайра шайлоодо добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө 2021-жылдын 1-июлунда Кыргыз Республикасынын Шайлоо жана референдум өткөрүү боюнча борбордук комиссиясынын 2021-жылдын 17-июнундагы № 503 токтому менен дайындалган Талас облусунун Талас районунун Айдаралиев айыл өкмөтүнүн башчысын кайра шайлоо болуп өттү. Айыл өкмөтүнүн башчысынын кызмат ордуна 1 талапкер - Ниясалиев Маратбек Анарбекович катталган. Талапкер айылдык кеңештин депутаттарынан сунушталган. Талас аймактык шайлоо комиссиясынын добуш берүүнүн жыйынтыгы жөнүндөгү 2021-жылдын 1-июлундагы протоколу менен Айдаралиев айылдык кеңешиндеги баардык 11 депутаты катышып, М.А.Ниясалиев - 11 добуш, "бардык талапкерлерге каршы" позициясына - 0 добуш берилгендиги белгиленген. Аймактык шайлоо комиссиясынын шайлоонун натыйжасы жөнүндөгү 2021-жылдын 1-июлундагы протоколу менен Ниясалиев Маратбек Анарбекович Айдаралиев айыл өкмөтүнүн башчысы болуп шайлангандыгы аныкталган. Талас облусунун Талас районунун Айдаралиев айыл өкмөтүнүн башчысын кайра шайлоодо добуш берүүнүн жыйынтыгына жана шайлоонун натыйжасына арыз, даттануулар түшкөн жок. 2021-жылдын 1-июлундагы Талас аймактык шайлоо комиссиясынын Айдаралиев айыл өкмөтүнүн башчысын кайра шайлоодо добуш берүүнүн жыйынтыгы жана шайлоонун натыйжасы тууралуу протоколдорунун негизинде, "Кыргыз Республикасынын Шайлоо жана референдум өткөрүү боюнча борбордук комиссиясы жөнүндө" Кыргыз Республикасынын конституциялык Мыйзамынын 3, 4, 8-беренелерине, "Жергиликтүү өз алдынча башкаруу жөнүндө" Кыргыз Республикасынын Мыйзамынын 49-беренесине, Кыргыз Республикасынын Шайлоо жана референдум өткөрүү боюнча борбордук комиссиясынын 2017-жылдын 6-январындагы № 3 токтому менен бекитилген "Айыл өкмөтүнүн башчысын шайлоонун тартиби жөнүндө" Жобосуна ылайык, Кыргыз Республикасынын Шайлоо жана референдум өткөрүү боюнча борбордук комиссиясы ТОКТОМ КЫЛАТ:

1. 2021-жылдын 1-июлунда өткөрүлгөн Талас облусунун Талас районунун Айдаралиев айыл өкмөтүнүн башчысын кайра шайлоодо добуш берүүнүн жыйынтыгы жана шайлоонун натыйжасы тууралуу Талас аймактык шайлоо комиссиясынын 2021-жылдын 1-июлундагы протоколдору бекитилсин.

1. Талас облусунун Талас районунун Айдаралиев айыл өкмөтүнүн башчысын кайра шайлоо өттү деп табылсын.

1.2. Ниясалиев Маратбек Анарбекович Талас облусунун Талас районунун Айдаралиев айыл өкмөтүнүн башчысы болуп шайланды деп табылсын.

2. Талас аймактык шайлоо комиссиясы шайланган Айдаралиев айыл өкмөтүнүн башчысына белгиленген үлгүдөгү күбөлүктү тапшырсын.

3. Бул токтом "Эркин-Тоо" газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У.Шайназаровго жүктөлсүн.

Төрага

Н. Шайлдабекова