# 589-статья. Администрациялык укук бузуу жөнүндө иш боюнча токтом

- Документ: [Администрациялык жоопкерчилик жөнүндө кодекс](https://aqlex.ai/kg/doc/6)
- Документтеги орду: 41-глава
- Толук аталышы: Кыргыз Республикасынын 1998-жылдын 4-августундагы № 114 "Администрациялык жоопкерчилик жөнүндө кодекс" Кодекси
- Актынын түрү: Кодекс
- Номери: 114
- Кабыл алынган күнү: 04.08.1998
- Статусу: Күчүн жоготкон
- Редакциянын күнү: 13.04.2017
- Күчүн жоготуунун негизи: [Кодекс КР от 13 апреля 2017 года № 58 "Кодекс Кыргызской Республики о нарушениях"](https://aqlex.ai/kg/doc/111565)
- Акыркы өзгөртүү: [Закон КР от 11 июня 2004 года N 71 "О внесении изменений и дополнений в Кодекс Кыргызской Республики об административной ответственности"](https://aqlex.ai/kg/doc/1457)
- Редакцияларды салыштыруу: <https://aqlex.ai/kg/doc/6#diff=920308..920309>
- Тексттин тили: кыргыз тили
- aqlex'теги барагы: <https://aqlex.ai/kg/doc/6/st-589>
- Расмий булак: <https://cbd.minjust.gov.kg/3-3/edition/920292/ru>
- Башка тилдеги тексти (Markdown): <https://aqlex.ai/doc/6/st-589.md>

> Текст расмий булактын маалыматы боюнча 13.04.2017 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Администрациялык жоопкерчилик жөнүндө кодекс, 589-статья (13.04.2017 редакциясы) - https://aqlex.ai/kg/doc/6/st-589

---

1. Администрациялык укук бузуу жөнүндө ишти караган сот (судья) же орган (кызмат адамы) иш боюнча токтом чыгарат.

2. Токтом: аны чыгарган соттун (судьянын) же органдын (кызмат адамынын) аталышын, ишти кароонун датасын, ага карата иш каралган адам жөнүндө маалыматтарды, ишти кароодо белгиленген жагдайлардын баяндамасын, ушул администрациялык укук бузуу үчүн жоопкерчиликти караган ченемдик актыны көрсөтүүнү, иш боюнча чыгарылган чечимди камтууга тийиш.

3. Администрациялык укук бузуу үчүн ушул Кодекстин 27 жана 48-статьяларында саналган администрациялык жаза чара көрүү жөнүндө маселени чечүүдө сот (судья) же орган (кызмат адамы) тарабынан келтирилген материалдык зыяндын ордун толтуруу жөнүндө маселе бир мезгилде чечилсе, анда иш боюнча токтомдо өндүрүлүүгө тийиш болгон зыяндын өлчөмү, анын ордун толтуруунун мөөнөтү жана тартиби көрсөтүлөт.

4. Иш боюнча токтомдо алынып коюлган буюмдар жана документтер, ошондой эле камакка алынган дагы башка мүлктөр жөнүндө маселе чечилүүгө тийиш.

5. Коллегиалдуу органдын токтому коллегиалдуу органдын заседаниеге катышып жаткан мүчөлөрүнүн добуштарынын жөнөкөй көпчүлүгү менен кабыл алынат.

6. Администрациялык укук бузуу жөнүндө иш боюнча токтомго ишти карап жаткан кызмат адамы, ал эми коллегиалдуу органдын токтомуна төрагалык кылуучу жана катчы кол коет.

7. Кыргыз Республикасынын мыйзамдары тарабынан каралган учурларда администрациялык укук бузуу жөнүндө протоколго жаза чара жөнүндө тиешелүү жазуу жазылат.

8. Администрациялык укук бузуу жөнүндө иш боюнча токтом, эгерде ага даттануу берилбесе, даттануунун мөөнөтү өткөндөн кийин мыйзамдуу күчүнө кирет. Даттануу же көрсөтүү берилген учурда токтом, эгерде ал жокко чыгарылбаса, иш ушул Кодекстин 508-статьясында каралган администрациялык укук бузуулар жөнүндө иштер боюнча жогору турган орган, кызмат адамы, судья же жогору турган сот тарабынан каралгандан кийин мыйзамдуу күчүнө кирет.

(КР 2004-жылдын 11-июнундагы № 71 Мыйзамынын редакциясына ылайык)

---

Мурунку берене: [588-статья](https://aqlex.ai/kg/doc/6/st-588)  
Кийинки берене: [590-статья](https://aqlex.ai/kg/doc/6/st-590)