Кыргыз Республикасынын Окмотунун «Электрондук цифралык колтамга тууралуу» Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө» Кыргыз Республикасынын Мыйзам долбоору тууралуу»токтому

КР Министрлер Кабинетинин 2022-жылдын 25-мартындагы № 166 токтомуна ылайык КҮЧҮН ЖОГОТТУ Бишкек шаары, Өкмөт Үйү

2009-жылдын 24-июну N 404

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

"Электрондук цифралык колтамга тууралуу" Кыргыз

Республикасынын Мыйзамына өзгөртүүлөрдү жана

толуктоолорду киргизүү жөнүндө" Кыргыз Республикасынын

Мыйзам долбоору тууралуу

Кыргыз Республикасынын Конституциясынын 64-беренесине ылайык,

электрондук документтердин укуктук негиздерин белгилөө максатында Кыр-

гыз Республикасынын Өкмөтү токтом кылат:

1. "Электрондук цифралык колтамга тууралуу" Кыргыз Республикасынын

Мыйзамына өзгөртүүлөрдү жана толуктоолорду киргизүү жөнүндө" Кыргыз

Республикасынын Мыйзам долбоору жактырылсын.

2. Аталган мыйзам долбоору Кыргыз Республикасынын Жогорку Кењеши-

нин кароосуна жиберилсин.

Карањыз:

Кыргыз Республикасынын Жогорку Кењешинин 2009-жылдын 1-октябрында-

гы N 1408-IV "Электрондук цифралык колтамга тууралу" Кыргыз Республика-

сынын Мыйзамына өзгөртүүлөр жана толуктоолор киргизүү жөнүндө" Кыргыз

Республикасынын Мыйзамын кабыл алуу тууралу" токтому

3. Кыргыз Республикасынын транспорт жана коммуникациялар министри

ушул мыйзам долбоорун Кыргыз Республикасынын Жогорку Кењеши караган

учурда Кыргыз Республикасынын Өкмөтүнүн расмий өкүлү болуп дайындалсын.

Кыргыз Республикасынын Премьер-министри И.Чудинов

Долбоор

КЫРГЫЗ РЕСПУБЛИКАСЫНЫН МЫЙЗАМЫ

"Электрондук цифралык колтамга тууралуу" Кыргыз

Республикасынын Мыйзамына өзгөртүүлөрдү жана

толуктоолорду киргизүү жөнүндө

1-берене.

"Электрондук цифралык колтамга тууралуу" Кыргыз Республикасынын

Мыйзамына ("Эркин-Тоо" гезити, 2004-жылдын 30-июлу, N 60) төмөнкүдөй

өзгөртүүлөр жана толуктоолор киргизилсин:

1. Мыйзамдын аталышы төмөнкүдөй редакцияда берилсин:

"Электрондук документ жана электрондук цифралык колтамга жөнүндө".

2. 1-беренеде:

- 1-пункт төмөнкүдөй редакцияда берилсин:

"1. Бул Мыйзамдын максаттары төмөнкүлөр болуп эсептелет:

- электрондук документтерди колдонуунун укуктук негиздерин бел-

гилөө;

- электрондук документтерге коюлуучу негизги талаптарды аныктоо;

- электрондук маалыматтарды алмашуу процессинде электрондук цифра-

лык колтамгаларды пайдалануу үчүн укуктук шарттарды камсыз кылуу, алар

сакталган учурда электрондук цифралык колтамга өз колу менен коюлган

колтамга катары таанылат;

- электрондук цифралык колтамгаларды күбөлөндүрүү боюнча кызмат-

тарды көрсөтүүнүн укуктук шарттарын камсыз кылуу;

- электрондук документтерди жүргүзүү чөйрөсүндө пайда болуучу укук

мамилелерине катышуучулардын укуктарын, милдеттерин жана жоопкерчилигин

белгилөө.";

- 2-пункт төмөнкүдөй мазмундагы экинчи абзац менен толукталсын:

"Мамлекеттик органдар жана өз алдынча башкаруу органдары бири-би-

рине маалыматтарды электрондук алмашуу аркылуу акысыз берип турушат.";

- 3-пунктагы "эларалык макулдашууларга" деген сөздөр "Кыргыз Рес-

публикасы катышуучу болуп эсептелген, мыйзамдарда белгиленген тартипте

күчүнө кирген эл аралык келишимдерге" деген сөздөргө алмаштырылсын.

3. 2-берене төмөнкүдөй мазмундагы абзацтар менен толукталсын:

"машиналык сактагыч - маалыматтарды техникалык каражаттардын жар-

дамы менен жазуу жана сактоо үчүн колдонуучу материалдык сактагычтар;

электрондук документтерди жүргүзүү - маалыматтык жана коммуникаци-

ялык технологияларды колдонуу менен электрондук документтерди түзүү,

иштеп чыгуу, жөнөтүү, алуу, сактоо, өзгөртүү, жок кылуу процесстеринин

жыйындысы;

маалыматтык система - электрондук документтерди түзүү, иштеп чы-

гуу, жөнөтүү, алуу, сактоо жана бүтүндүгүн текшерүү үчүн колдонуучу

программалык, программалык-аппараттык жана аппараттык каражаттардын,

ыкмалардын жана жол-жоболордун комплекси.".

4. Төмөнкүдөй мазмундагы 2-1 жана 2-2-беренелер менен толукталсын:

"2-1-берене. Электрондук документтерди айландыруу чөйрөсү

1. Маалыматтарды түзүү, иштеп чыгаруу, жөнөтүү, алуу жана сактоо

үчүн зарыл болгон программалык жана техникалык каражаттар колдонулган

ишмердиктин бардык чөйрөсүндө жеке жана юридикалык жактар тарабынан

пайдаланышы мүмкүн. Электрондук документтердин жардамы менен бүтүмдөр

түзүлүшү, финансылык эсептөөлөр жүргүзүлүшү, кат алышуулар ишке ашыры-

лышы жана документтер жана башка маалыматтар берилиши мүмкүн.

2. Электрондук документтердин колдонулушун чектөө Кыргыз Республи-

касынын мыйзамдарында каралган учурларда белгилениши мүмкүн.

3. Электрондук документтер байланыштын бардык каражаттарынын, анын

ичинде Кыргыз Республикасынын мыйзамына каршы келбеген учурларда маалы-

маттык системалардын жана түйүндөрдүн жардамы менен жөнөтүлүшү мүмкүн.

2-2-берене. Электрондук документтерди пайдалануу жаатында

мамилелерди укуктук жөнгө салуу

1. Электрондук документтерди айландыруу чөйрөсүндө укуктук мамиле-

лерге катышуучулардын укуктарын, милдеттерин жана мыйзамдуу таламдарын

камсыздоого, аны түзүүдө, иштеп чыгарууда, жөнөтүүдө, алууда, сактоодо

маалыматтарды коргоону камсыздоого жана башка максаттарга багытталган.

2. Кыргыз Республикасынын Өкмөтү электрондук документтерди пайда-

лануу жана электрондук цифралык колтамга жаатында механизмдерди жүзөгө

ашырууга жана ишке киргизүүгө багытталган чараларды көрөт.".

5. Төмөнкүдөй мазмундагы I-1-глава менен толукталсын:

"I-1-глава

Электрондук документтер

2-3-берене. Электрондук документтерге коюлуучу негизги талаптар

Электрондук документтер төмөнкү талаптарга ылайык болушу керек:

программалык жана техникалык каражаттардын жардамы менен

түзүлүүгө, иштелип чыгууга, берүүгө, алууга, сактоого жана жок кылууга;

ушул Мыйзам менен белгиленген түзүмгө ээ болууга жана аны аныктоо-

го мүмкүндүк берүүчү реквизиттерди камтууга.

2-4-берене. Электрондук документтердин түзүмү

1. Электрондук документтер жалпы жана өзгөчө болуп ажыратылгыс эки

бөлүктөн турат.

2. Электрондук документтердин жалпы бөлүгү документтин мазмунун

жана алуучу тууралуу маалыматты түзгөн информациядан турат.

3. Электрондук документтин өзгөчө бөлүгү ушул Мыйзамда каралган

шарттарга жана талаптарга ылайык келген бир жана бир нече ЭЦКдан турат.

2-5-берене. Электрондук документтерди берүү формасы

1. Электрондук документтер ички жана сырткы формада берилиши

мүмкүн.

2. Электрондук документтерди ички формада берүү машиналык сакта-

гычта жазылган электрондук документтерди түзүүчү маалыматтар болуп

эсептелет.

3. Электрондук документтерди сырткы формада берүү электрондук до-

кументтерди дисплейдин экранында, кагаз бетинде же адамдын кабыл алуусу

үчүн түшүнүктүү болгон түрдө (кошумча техникалык каражаттарсыз) жана

формада машиналык сактагычтан ажыратылган көз менен көрө алгыдай башка

материалдык объектте көз алдыга келтирүүсү болуп эсептелет.

2-6-берене. Электрондук документтин түп нускасы

1. Электрондук документтердин түп нускасы машиналык сактагычта га-

на болот. Электрондук колтамга коюлган, машиналык сактагычта жазылган

бири экинчисине окшош болгон документтердин баардык нускалары түп нуска

болуп эсептелет жана бирдей юридикалык күчкө ээ.

2. Эгерде мазмуну боюнча окшош документтер кагаз бетинде жана

электрондук документ түрүндө кандайдыр бир жак тарабынан түзүлсө, эки

документ тењ өз алдынча документ болуп таанылат.

3. Электрондук документтер төмөнкүлөрдүн түп нуска катары колдону-

ла албайт:

1) мураска ээ болуу укугу жөнүндө күбөлүктүн;

2) мурас кагаздын;

3) Кыргыз Республикасынын мыйзамдарына ылайык бир гана түп нускада

түзүлө турган документтин, буга аталган электрондук документтердин түп

нускаларын борбордук сактоо жайдын болушу каралган учурлар кирбейт;

4) Кыргыз Республикасынын мыйзамдарында каралган башка учурларда.

2-7-берене. Электрондук документтердин көчүрмөлөрү жана аларды

күбөлөндүрүү

1. Электрондук документтердин көчүрмөлөрү электрондук документтин

сырткы көрүнүш формасын кагаз бетине түшүрүү аркылуу түзүлөт.

2. Кагаз бетине түшүрүлгөн электрондук документтин көчүрмөсүндө

тиешелүү электрондук документтин көчүрмөсү экендиги көрсөтүлүшү керек

жана ал нотариалдык күбөлөндүрүүгө тийиш.

2-8-берене. Электрондук документтердин юридикалык күчү

1. Машиналык сактагычтагы электрондук документтер кагаз бетиндеги

документтерге тењештирилет жана бирдей юридикалык күчкө ээ.

2. Эгерде Кыргыз Республикасынын мыйзамдары документтин жазуу

жүзүндө таризделишин талап кылса, анда электрондук документ ушул талап-

тарга шайкеш деп эсептелет.

3. Электрондук документтердин түп нускалары жана алардын кагаз бе-

тиндеги көчүрмөлөрү ушул Мыйзамдын 2-7-беренесинин талаптарына ылайык

бирдей юридикалык күчкө ээ.

4. Эгерде электрондук документти Кыргыз Республикасынын мыйзамда-

рына ылайык нотариалдык күбөлөндүрүү жана (же) мамлекеттик каттоо талап

кылынса мындай күбөлөндүрүүгө жана (же) мамлекеттик каттоодон өтүүгө

электрондук документтин өзү, ошондой эле анын кагаз бетиндеги көчүрмөсү

тийиштүү болот.

2-9-берене. Электрондук документтерди сактоо

1. Электрондук документтерди сактоо электрондук документтерди ай-

ландыруунун катышуучулары жана архив ишин жана документтештирилген маа-

лыматты сактоо боюнча иштерди жүргүзүүчү уюмдар тарабынан ишке ашат.

2. Электрондук документтерди сактоо мөөнөтү ушул сыяктуу документ-

тер үчүн кагаз бетинде мыйзамдарда каралган мөөнөттөн аз болбошу керек.

3. Электрондук документтерди сактоонун тартиби, шарттары жана

өзгөчөлүктөрү Кыргыз Республикасынын мыйзамы менен аныкталат.

9-10-берене. Электрондук документтерди коргоо

1. Электрондук документтерди түзүү, иштеп чыгуу, жөнөтүү, алуу жа-

на сактоо менен алектенген жактар ушул документтерди коргоонун зарыл

болгон дењгээлин камсыздоочу программалык жана техникалык каражаттарды

пайдаланышы керек.

2. Электрондук документтерди жана анда камтылган маалыматты корго-

онун зарыл дењгээли электрондук документтерди айландырууну уюштуруу

үчүн маалыматтык системаларды жана тармактарды пайдаланууда ошол систе-

малардын жана тармактардын ээси тарабынан камсыздалат.

3. Маалыматтык системалардын жана тармактардын коопсуздугун кам-

сыздоо боюнча негизги шарттар Кыргыз Республикасынын мыйзамдары менен

аныкталат.

2-11-берене. Жайылтууга тыюу салынган же чектелген маалыматтарды

камтуучу электрондук документтер

1. Электрондук документтер жайылтууга тыюу салынган же чектелген

мамлекеттик, кызматтык же коммерциялык сыр болуп эсептелген маалыматты

камтышы мүмкүн.

Мындай маалыматтарды колдонуу эрежелери жана коргоо чаралары Кыр-

гыз Республикасынын мыйзамдарында белгиленген.

2. Ушул берененин 1-пунктунда көрсөтүлгөн маалыматты камтуучу

электрондук документтер менен иш жүргүзүү функциясына ээ мамлекеттик

органдар, жергиликтүү өз алдынча башкаруу органдары жана юридикалык

жактар, алардын кызмат адамдары аны коргоонун зарыл чараларын Кыргыз

Республикасынын мыйзамдарына ылайык камсыздоого милдеттүү.

2-12-берене. Банк аралык иштерде электрондук документтерди

айландыруу чөйрөсүндөгү укуктук мамилелер

1. Банк аралык иштерде электрондук документтерди айландыруу

чөйрөсүндөгү укуктук мамилелердин субъекти болуп Кыргыз Республикасынын

Улуттук банкы, ошондой эле банктар жана финансы-кредиттик мекемелер

эсептелет.

2. Банк аралык иштерде электрондук документтерди айландыруу

чөйрөсүндө субъекттердин ортосундагы мамилелер макулдашуулардын неги-

зинде түзүлөт.

3. Кыргыз Республикасынын аймагында банк аралык системаларда банк-

тардын жана финансы-кредиттик мекемелердин электрондук документтерди

пайдалануу тартиби Кыргыз Республикасынын Улуттук банкы тарабынан бел-

гиленет.".

6. 5-берененин 2-пунктундагы "эларалык макулдашууларына" деген

сөздөр "Кыргыз Республикасы катышуучу болуп эсептелген, мыйзамдарда

белгиленген тартипте күчүнө кирген эл аралык келишимдерге" деген

сөздөргө алмаштырылсын.

7. 20-берененин биринчи бөлүгүндөгү "эларалык келишими" деген

сөздөр "Кыргыз Республикасы катышуучу болуп эсептелген, мыйзамдарда

белгиленген тартипте күчүнө кирген эл аралык келишими" деген сөздөргө

алмаштырылсын.

8. 21-берене төмөнкүдөй мазмундагы бөлүктөр менен толукталсын:

"Электрондук документ өзүнүн маанилүүлүгү боюнча жазуу жүзүндөгү

далилдерге бирдей болгон далил болуп таанылат.

Сот системасында электрондук документтерди колдонуунун тартиби

процесстик мыйзамдар менен жөнгө салынат".

9. 22-берене төмөнкүдөй редакцияда берилсин:

"22-берене. Электрондук документтерди айландыруу жана электрондук

цифралык колтамгаларды колдонуу чөйрөсүндөгү

мыйзамдарды бузгандык үчүн жоопкерчилик

1. Электрондук документтерди айландыруу чөйрөсүндөгү укуктук мами-

лелердин субъекттери жана Кыргыз Республикасынын аймагында алектенген

иштеринин мүнөзүнө жана менчигинин түрүнө карабастан юридикалык жана

жеке жактар Кыргыз Республикасынын мыйзамдарына ылайык электрондук до-

кументтерди айландыруу жөнүндө мыйзамдарды бузгандык үчүн жоопкерчилик

тартат.

2. Электрондук документтерди айландыруу чөйрөсүндө кызмат

көрсөтүүчү юридикалык жана жеке жактар кардарларга кызматтарды

көрсөтпөгөндүгү же үчүн же ал кызматтардын тийиштүү эмес сапаты, ошон-

дой эле ушуну менен келтирген зыян үчүн Кыргыз Республикасынын мыйзам-

дарында каралган жоопкерчилик тартышат.

3. Электрондук документтерде жайылтууга тыюу салынган же чектелген

маалыматка өзүнүн кызматтык милдеттери боюнча жетүүгө мүмкүнчүлүгү бар

адамдар аны мыйзамсыз жайылтуу үчүн Кыргыз Республикасынын мыйзамдарына

ылайык жоопкерчилик тартышат.

4. Башка адамдын ЭЦКсын мыйзамсыз колдонуучу адамдар, анын ичинде

жабык ачкычты мыйзамсыз алуу жана (же) тийиштүү ыйгарым укугусуз башка

адамдын ЭЦКсын коюу үчүн Кыргыз Республикасынын мыйзамдарына ылайык жо-

опкерчилик тартышат.

5. ЭЦКнын жабык ачкычынын ээсинин күнөөсү боюнча ЭЦКнын жабык ач-

кычына мыйзамсыз кирүүдөн улам ЭЦКнын ачык ачкычынын пайдалануучусуна

зыян келтирилген учурда күнөөлүү адам зыяндын ордун толтурушу керек.".

2-берене.

Бул Мыйзам расмий жарыяланган күндөн баштап күчүнө кирет. Ал эми

электрондук документтерди, алардын кагаз бетиндеги көчүрмөсүн нотариал-

дык күбөлөндүрүүгө тийиш болгон жоболору ушул Мыйзам расмий жарыяланган

күндөн тартып алты айдан кийин күчүнө кирет.

Кыргыз Республикасынын Өкмөтү өзүнүн нормативдик укуктук актыларын

ушул Мыйзамга ылайык келтирсин.

Кыргыз Республикасынын Президенти