# 2714-статья. Кредиторлордун талаптарын камсыз кылуу боюнча чаралар - Документ: [Банкроттук (кудуретсиздик) жөнүндө](https://aqlex.ai/kg/doc/574) - Документтеги орду: 1-ГЛАВА - Толук аталышы: Кыргыз Республикасынын 1997-жылдын 15-октябрындагы № 74 "Банкроттук (кудуретсиздик) жөнүндө" Мыйзамы - Актынын түрү: Закон - Номери: 74 - Кабыл алынган күнү: 15.10.1997 - Статусу: Күчүндө - Редакциянын күнү: 29.10.2025 - Акыркы өзгөртүү: [Закон КР от 30 декабря 1998 года №160 "О внесении изменений и дополнений в Закон Кыргызской Республики "О банкротстве (несостоятельности)"](https://aqlex.ai/kg/doc/167) - Редакцияларды салыштыруу: - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 29.10.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Банкроттук (кудуретсиздик) жөнүндө, 2714-статья (29.10.2025 редакциясы) - https://aqlex.ai/kg/doc/574/st-2714 --- 1. Сот арыз берүүчүнүн өтүнүчү (арызы) боюнча Кыргыз Республикасынын Жарандык процессуалдык кодексине ылайык кредиторлордун талапта- рын камсыз кылуу үчүн чараларды көрүүгө милдеттүү. 2. Кыргыз Республикасынын Жарандык процесстик кодексинде каралган чаралардан тышкары сот төмөнкү чараларды кабыл алууга: 1) арыз берүүчүнүн арызы боюнча иштин негизинде чечим кабыл алынганга чейин анын активдерин сактоо максатында карыз тараптын убактылуу администраторун дайындоого; 2) карыз тараптын карыздарын төлөөгө жана активдерине камак салууга тийиштүү бардык соттук жана башка аракеттердин аткарылышын токтото туруу тууралу аныктама чыгарууга (мында ушул Мыйзамдын 21-статьясынын 8-пунктунда көрсөтүлгөн жактардын иш-аракеттери эске алынбайт); 3) карыз тараптын башкаруу органдарына (жекече ишкерге) соттун же убактылуу администратордун (эгерде ал дайындалса) макулдугусуз мүлктү ээликтен ажыратууга же бөлүштүрүүгө байланышкан бүтүмдөрдү: мүлктү ижарага күрөөгө берүү мүлктү баштапкы (сакталгыч) капитал катары чарбачылык кылган коомдорго жана шериктиктерге берүүгө жана башкаларга; заемдорду (кредиттерди) алууга жана берүүгө, кепилдиктер менен гарантияларды берүүгө талап коюу укуктарына макул болууга, карызды которууга, ошондой эле карыз тараптын мүлкүн ишенимдүү башкарууну түзүүгө байланышкан бүтүмдөрдү жана башкаларды түзүүгө тыюу салууга; 4) карыз тараптын башкаруу органдарына (жекече ишкерге) соттун же убактылуу администратордун (эгерде ал дайындалса) макулдугусуз: карыз тарапты кайрадан түзүүгө (кошууга, бириктирүүгө, бөлүштүрүүгө, бөлүүгө, кайрадан уюштурууга) жана жоюу; жекече ишкер катары иш аракетин токтотуу; юридикалык жактарды түзүү же башка юридикалык жактарга катышуу; филиалдар менен өкүлчүлүктөрдү түзүү; дивиденддерди төлөө; карыз тараптын облигацияларды жана башка эмиссиялык баалуу кагаздарды жайгаштыруу; карыз тараптын-юридикалык жактын катышуучуларынын курамынан чыгуу; мурда чыгарылган акцияларды акционерлерден алуу; ассоциацияларга, союздарга, холдингдик компанияларга, финансылык өнөр жай топторуна жана башка бириккен юридикалык жактарга жана башкаларга катышуу жөнүндө чечим кабыл алууга тыюу салууга; 5) карыз тараптын мүлкүн сактоону камсыз кылууга багытталган башка чараларды көрүүгө укуктуу. 3. Кредиторлордун талаптарын камсыз кылуу боюнча чаралар тиешелүү түрдө сот тарабынан карыз тарапты банкрот деп таануу тууралу чечим кабыл алынган учурга чейин же сот тарабынан карыз тарапты банкрот деп таануудан баш тартуу жөнүндө чечим кабыл алынган учурга чейин колдонулат. 4. Сот банкроттук тууралу иште катышкан жактын өтүнүчү (арызы) боюнча ушул статьянын 3-пунктунда каралган шарттар башталганга чейин кредиторлордун талаптарын камсыз кылуу боюнча чаралары жокко чыгарууга укуктуу. (КР 1998-жылдын 30-декабрындагы № 160 Мыйзамынын редакциясына ылайык) --- Мурунку берене: [2713-статья](https://aqlex.ai/kg/doc/574/st-2713) Кийинки берене: [2715-статья](https://aqlex.ai/kg/doc/574/st-2715)