Кыргыз Республикасынын Өкмөтүнүн 2006-жылдын 3 февралында №63 «Кыргыз Республикасынын Президентинин „Агробизнестин Кыргыз Республикалык борборун жоюу жөнүндө“ Жарлыгын ишке ашыруу тууралуу» токтому

Бишкек шаары, Өкмөт үйү,

2006-жылдын 3-февралы, №63

КЫРГЫЗ РЕСПУБЛИКАСЫНЫН ӨКМӨТүНүН ТОКТОМУ

Кыргыз Республикасынын Президентинин "Агробизнестин

Кыргыз Республикалык борборун жоюу жөнүндө" Жарлыгын ишке

ашыруу тууралуу

Кыргыз Республикасынын Президентинин "Агробизнестин Кыргыз

Республикалык борборун жоюу жөнүндө" 2005-жылдын 10-сентябрындагы

№ 371 Жарлыгын аткарууда мамлекеттик башкаруу системасын

өркүндөтүү жана мамлекеттик органдардын функцияларын кайталоону

четтетүү максатында Кыргыз Республикасынын Өкмөтү токтом кылат:

1. Кыргыз Республикасынын Айыл, суу чарба жана кайра

иштетүү өнөржай министрлиги:

Кыргыз Республикасынын мыйзамдарына ылайык Агробизнестин

Кыргыз Республикалык борборун жоюу жол-жоболорун ишке ашырсын;

Агробизнестин Кыргыз Республикалык борборун жоюу боюнча

комиссия түзсүн;

Агробизнестин Кыргыз Республикалык борборунун документалдык

фондун Кыргыз Республикасынын Айыл, суу чарба жана кайра иштетүү

өнөржай министрлигинин архивине сактоого өткөрүп берсин;

Агробизнестин Кыргыз Республикалык борборунун

негизги фонддорун жана каражаттарын Кыргыз Республикасынын

Жарандык кодексинин 83-статьясынын 2-пунктунун негизинде Кыргыз

Республикасынын Айыл, суу чарба жана кайра иштетүү

өнөржай министрлигинин балансына кабыл алуу-өткөрүп берүүнү

ишке ашырсын.

2. Кыргыз Республикасынын Президентинин Иш башкармалыгы

Бишкек шаары, Тоголок Молдо көчөсү, 60 дарегинде

жайгашкан администрациялык имаратты Кыргыз Республикасынын Айыл,

суу чарба жана кайра иштетүү өнөржай министрлигинин А.Дуйшеев

атындагы Мал чарба, ветеринария жана жайыттар боюнча

кыргыз илимий-изилдөө институтунун балансына белгиленген

тартипте өткөрүп берсин.

3. Кыргыз Республикасынын Мамлекеттик мүлктү башкаруу

боюнча мамлекеттик комитети:

ушул токтомдун 2-пунктунда көрсөтүлгөн имаратты кабыл алуу-

өткөруп берүүнү камсыз кылсын;

- Кыргыз Республикасынын мамлекеттик башкаруу органдары

тарабынан администрациялык имараттарды пайдалануу боюнча Топтомо

реестрге өзгөртүү киргизсин.

"Бишкек шаары, Тоголок Молдо көчөсү, 60 дарегиндеги имаратты

өткөрүп берүү жөнүндө" Кыргыз Республикасынын өкмөтүнүн 2003-

жылдын 6-мартындагы № 108 токтомунун 1 жана 3-пункттары күчүн

жоготту деп табылсын.

5.Бул токтомдун аткарылышын контролдоо Кыргыз Республикасынын

Премьер-министринин Аппаратынын агроөнөржай комплекси жана кайра

иштетүүчү өнөржай бөлүмүнө жана Кыргыз Республикасынын Айыл, суу

чарба жана кайра иштетүү өнөржай министрлигине жүктөлсүн.

Премьер-министр Ф.Кулов