Чуй айылдык кеңешинин «Чүй айыл өкмөтүнүн жамааттык келишимин бекитүү жөнүндө» токтому

ЧУЙ АЙЫЛДЫК КЕҢЕШИНИН ТОКТОМУ 2022-жылдын 18-февралы №13/4 Чүй айыл өкмөтүнүн жамааттык келишимин бекитүү жөнүндө Кыргыз Республикасынын Эмгек Кодексинин 41-43-беренесине, Кыргыз Республикасынын “Жамааттык келишим” жөнүнүндөгү 164- мыйзамынын 13-беренесине ылайык, кызматкерлер менен иш берүүчүлөрдүн социалдык-эмгектик кызыкчылыктарын макулдашууда жамааттык келишимге көмөк көрсөтүү максатында жана «Жергиликтүү өз алдынча башкаруу» Мыйзамынын 34-беренесине ылайык, Чүй айылдык кеңештин депутаттарынын сунуштарын жана пикирлерин эске алуу менен ТОКТОМ КЫЛАТ:

1. Чүй айыл өкмөтүнүн кызматкерлерине материалдык жардам көрсөтүү жана иштерине алдыга карай стимул берүү максатында 2022-жылдын 1-январынан 2022-жылдын 31-декабрына чейин ай сайын кошумча компенсация 5000 (беш миң) сом өлчөмүндө тамактануусуна, жол киресине, турмуш-тиричилик төлөмдөрүнө, тейлөөлөрдө жана товарларга болгон баалардын өсүшүнө байланыштуу компенсациянын өлчөмү Кыргыз Республикасынын «Жамааттык келишим жөнүндөгү» мыйзамынын 12-13-беренесине жана 2017-жылдын 1-мартындагы №131 Өкмөттүн токтомунун 4.4. бөлүмүнүн «Кыргыз Республикасынын мамлекеттик жарандык кызматчыларынын жана муниципалдык кызматчыларынын ишин баалоо жана эмгек акы төлөө шарттары жөнүндөгү» 4.4. бөлүмүнө ылайык бекитилсин.

2. Эмгек жамаатынын мүчөлөрүнө социалдык колдоо көрсөтүү максатында, кызматтык милдеттерин жоопкерчиликтүү жана натыйжалуу аткаргандыгы үчүн эмгек акы фондусунан кызматкерлердин бир айлык эмгек акысы өлчөмүндөгү акча каражаты 4 (төрт) кварталдык сый акы, Чүй айылдык кенешинин чечими менен төлөнүп берилсин.

3. Ушул токтомдун көзөмөлгө алуу иши Чүй айылдык кеңешинин каржы, экономика жана бюджет комитетинин төрайымы С.Джанузаковага жүктөлсүн.

Төрага

Р.Алиев