Мамлекеттик мүлктү андан ары сатып алуу менен башкарууга берүүнүн тартиби жана шарттары жөнүндө (Кыргыз Республикасынын Өкмөтүнүн токтому менен бекитилди) жобо

Кыргыз Республикасынын Өкмөтүнүн 2002-жылдын 12-сентябрындагы № 624 токтому менен бекитилди

Мамлекеттик мүлктү андан ары сатып алуу менен башкарууга берүүнүн тартиби жана шарттары жөнүндө ЖОБО

I. Жалпы жоболор

II. Мамлекеттик мүлктүн башкаруучусун тандоо боюнча конкурсту даярдоо жана өткөрүү III. Мамлекеттик мүлктү андан ары сатып алуу менен башкарууга берүү IV. Башкаруучунун мамлекеттик мүлктү сатып алуу шарттары

V. Отчеттуулук жана контроль

VI. Корутунду жоболор 1-тиркеме. Арыз 2-тиркеме. Мамлекеттик мүлктү андан ары сатып алуу менен башкаруу жүргүзүүчү талапкердин анкетасы 3-тиркеме. Мамлекеттик мүлктү андан ары сатып алуу менен башкаруунун типтүү келишими

1. Жалпы жоболор

1. Бул Жобо Кыргыз Республикасынын Граждандык кодексине, "Кыргыз Республикасында мамлекеттик менчикти менчиктештирүү жөнүндө" Кыргыз Республикасынын Мыйзамына ылайык иштелип чыкты жана Кыргыз Республикасында мамлекеттик мүлктү андан ары сатып алуу менен башкарууга берүүнүн тартибин жана шарттарын белгилейт.

2. Бул Жободо пайдаланылуучу негизги түшүнүктөр:

- андан ары сатып алуу менен башкарууга берилүүчү мамлекеттик мүлк-чарбалык өнөктөштүктөрдүн жана коомдордун мамлекетке таандык акциялары (уставдык капиталындагы үлүштөр);

- мамлекеттик мүлктү андан ары сатып алуу менен башкарууга берүү мамлекеттик мүлктү менчиктештирүү методдорунун бири, башкаруунун уюштуруучусу мамлекеттик мүлктү андан ары сатып алуу менен белгилүү бир мөөнөткө башкаруучуга берүүчү, мында башкаруучу менчиктештирүү объектине башкаруу келишиминде белгиленген милдеттенмелерге ылайык башкаруу жүргүзүүчү мамилелер системасын билдирет;

- башкаруунун уюштуруучусу - мамлекеттик мүлктү менчиктештирүү жана башкаруу боюнча ыйгарым укук берилген мамлекеттик орган атынан болгон мамлекет;

- башкаруучу - башкаруунун уюштуруучусу тарабынан конкурстук негизде тандалган жана дайындалган жеке адам (жеке ишкер) же юридикалык жак (коммерциялык уюм).

Мамлекеттик мекемелер жана мамлекеттик ишканалар башкаруучу боло алышпайт. (КР Өкмөтүнүн 2005-жылдын 13-августундагы № 368, 2008-жылдын 8-октябрындагы № 569, 2010-жылдын 9-мартындагы № 139 токтомдорунун редакцияларына ылайык)

3. Мамлекеттик мүлктү андан ары сатып алуу менен башкарууга берүү тууралуу чечимди башкаруунун уюштуруучусу кабыл алат.

(Кыргыз Республикасынын Өкмөтүнүн 2005-жылдын 13-августундагы № 368 токтомунун редакциясына ылайык)

4. Мамлекеттик мүлктүн башкаруучусун тандоо конкурстук негизде жүргүзүлөт. Конкурстун уюштуруучусу башкаруунун уюштуруучусу болот. Башкарманын уюштуруучусу конкурс өткөрүүнүн датасын, ордун жана тартибин аныктайт, конкурс өткөрүү жөнүндө маалыматтык билдирүүнү өз учурунда жарыялоону камсыздайт.

Конкурстун шарты башкаруунун уюштуруучусу тарабынан аныкталып жана башкаруунун уюштуруучусунун чечимине ылайык аныкталат. Башкаруучунун баалуу кагаздар рыногу боюнча ыйгарым укук берилген мамлекеттик орган берүүчү баалуу кагаздарды ишенимдик башкаруу боюнча иш жүргүзүүгө лицензиясы болууга тийиш. (Кыргыз Республикасынын Өкмөтүнүн 2005-жылдын 13-августундагы № 368 токтомунун редакциясына ылайык)

5. Мамлекеттик мүлктү андан ары сатып алуу менен башкарууга берүүгө байланышкан укуктук мамилелер башкаруучунун жана башкаруунун уюштуруучусунун ортосунда түзүлгөн мамлекеттик мүлктү андан ары сатып алуу менен башкаруу келишиминин (мындан ары - башкаруу келишими) негизинде пайда болот. Келишим башкаруучуга ыйгарылган милдеттерди жана мамлекеттик мүлктү сатып алуу шарттарын аныктайт.

6. Башкаруучу ишкананын экономикалык өнүгүүсүнүн бизнес-планын жана гарантиялык төлөмдүн суммасын ишкананын экономикалык абалын жакшыртуу боюнча сунуштарды же чараларды камсыз кылуунун финансылык гарантиясы катары берет.

7. (Кыргыз Республикасынын Өкмөтүнүн 2005-жылдын 13-августундагы № 368 токтомуна ылайык күчүн жоготту)

8. Андан ары сатып алуу менен башкарууга берилүүчү мамлекеттик мүлктүн наркы Кыргыз Республикасынын мыйзамдарында белгиленген тартипте белгиленет жана бекитилет.

9. Мамлекеттик мүлктү андан ары сатып алуу менен башкарууга берүү мөөнөттөрү башкаруу келишиминде көрсөтүлөт.

Башкаруучунун бизнес-планы узагыраак аткаруу мөөнөтүн талап кылган учурда мамлекеттик мүлктү андан ары сатып алуу менен башкарууга берүү мөөнөтү колдонуудагыны узартуу же башкаруунун жаңы келишимин түзүү жолу менен узартылышы мүмкүн.

10. (Кыргыз Республикасынын Министрлер Кабинетинин 2023-жылдын 18-сентябрындагы № 483 токтомуна ылайык күчүн жоготту)

11. Гарантиялык взностун өлчөмү кийинки сатып алуу менен башкарууга өткөрүлүп берилүүчү мамлекеттик мүлктүн 10 процентин түзөт.

Гарантиялык взнос төмөнкүдөй учурларда кайтарылып берилүүгө тийиш, эгерде:

- конкурстун катышуучусу конкурстун жеңүүчүсү болуп таанылбаса (гарантиялык взносту кайтаруу мөөнөтү - конкурстун жыйынтыктары жөнүндө протоколду башкарманын уюштуруучусу бекиткен учурдан тартып 10 банктык күндүн ичинде);

- конкурс өткөн жок деп табылса (гарантиялык взносту кайтаруу мөөнөтү - конкурстун жыйынтыктары жөнүндө протоколду башкарманын уюштуруучусу бекиткен учурдан тартып 10 банктык күндүн ичинде);

- талапкер каттоо арызын кайра алганда (гарантиялык взносту кайтаруу мөөнөтү - арызды кайтарып алуу жөнүндө конкурстук комиссия билдирүүнү алган учурдан тартып 10 банктык күндүн ичинде).

Гарантиялык төлөм башкаруучуга башкаруу келишими боюнча милдеттенмелерин аткарган шартта кайтарылып берилет. Гарантиялык төлөмдү кайтаруу мөөнөттөрү жана шарттары башкаруу келишиминде көрсөтүлөт. Башкаруучу мамлекеттик мүлктү сатып алууда төлөм катары гарантиялык төлөмдү пайдаланышы мүмкүн. (Кыргыз Республикасынын Өкмөтүнүн 2005-жылдын 13-августундагы № 368 токтомунун редакциясына ылайык)

12. Башкаруу келишиминин шарттарын аткарган мамлекеттик мүлктүн башкаруучусу мамлекеттик мүлктү өз менчигине сатып алат.

(Кыргыз Республикасынын Өкмөтүнүн 2005-жылдын 13-августундагы N 368 токтомунун редакциясына ылайык)

13. Мамлекеттик мүлктүн башкаруучусу башкаруу жүргүзүүдө Кыргыз Республикасынын мыйзамдык жана башка нормативдик укуктук актыларын сактоого милдеттүү.

14. (Кыргыз Республикасынын Өкмөтүнүн 2005-жылдын 13-августундагы № 368 токтомуна ылайык күчүн жоготту)

II. Мамлекеттик мүлктүн башкаруучусун тандоо боюнча конкурсту даярдоо жана өткөрүү

15. Мамлекеттик мүлктү башкаруучуну тандоо боюнча конкурсту даярдоо жана өткөрүү үчүн башкарманын уюштуруучусу конкурстук комиссия түзөт.

(Кыргыз Республикасынын Өкмөтүнүн 2005-жылдын 13-августундагы № 368 токтомунун редакциясына ылайык)

16. Конкурстук комиссия мамлекеттик мүлктү менчиктештирүү жана башкаруу боюнча ыйгарым укук берилген мамлекеттик органдын жана таламдаш министрликтердин жана ведомстволордун өкүлдөрүнөн жана зарыл болгон учурда тартылган эксперттерден түзүлөт.

Мамлекеттик мүлктү менчиктештирүү жана башкаруу боюнча ыйгарым укук берилген мамлекеттик органдын өкүлү конкурстук комиссиянын төрагасы болуп дайындалат. Конкурстук комиссиянын мүчөлөрүнүн саны 5 кишиден кем болбоого тийиш. (Кыргыз Республикасынын Өкмөтүнүн 2005-жылдын 13-августундагы N 368 токтомунун редакциясына ылайык)

17. Конкурстук комиссиянын чечимдери кеңешмеге катышкан добуш укугуна ээ болгон комиссия мүчөлөрүнүн жөнөкөй көпчүлүк добушу менен кабыл алынат. Добуш берүүдө комиссиянын ар бир мүчөсү бир добушка ээ болот. Эгер кеңешмеге комиссия мүчөлөрүнүн жарымынан көбү катышса, комиссия анын компетенциясына кирген маселелерди чечүүгө укуктуу. Добуштар бирдей болуп калган учурда комиссия төрага добуш берген чечимди кабыл алат.

(Кыргыз Республикасынын Өкмөтүнүн 2005-жылдын 13-августундагы № 368 токтомунун редакциясына ылайык)

18. Конкурстук комиссиянын милдети конкурсту даярдоо жана өткөрүү болуп саналат. Бул максатта конкурстук комиссия:

- кабыл алынган арыздарга жана аларга тиркелген документтерге текшерүү жүргүзөт жана алардын конкурстун шарттарына ылайыктуулугун аныктайт;

- конкурс өткөрөт;

- конкурстун жеңүүчүсүн аныктайт;

- конкурстун жыйынтыгы боюнча протокол жазат жана кол коет.

(Кыргыз Республикасынын Өкмөтүнүн 2005-жылдын 13-августундагы № 368 токтомунун редакциясына ылайык)

19. Конкурс өткөрүүлөрү тууралуу маалыматтык билдирүү аны өткөрүү датасынан кеминде 30 күн мурда жалпыга маалымдоо каражаттарында жарыяланышы керек. Билдирүү төмөнкү маалыматтарды камтууга тийиш:

- андан ары сатып алуу менен башкарууга берилүүчү мамлекеттик мүлктүн аталышы, өлчөмү жана наркы;

- конкурска катышуу үчүн талапкерлер тапшыруучу документтердин жана аларды жазууга талаптардын тизмеси;

- гарантиялык төлөмдүн өлчөмү жана ал которулууга тийиш болгон эсептин керектүү реквизиттери;

- конкурсту өткөрүү орду, датасы жана убактысы;

- конкурстун шарттары;

- Кыргыз Республикасынын мыйзамдарына же башкаруунун уюштуруучусу белгилеген тартипке ылайык сөзсүз жарыялануучу башка маалыматтар.

(Кыргыз Республикасынын Өкмөтүнүн 2005-жылдын 13-августундагы № 368 токтомунун редакциясына ылайык)

20. Менчиктештирүү процессинде түзүлгөн ачык акционердик коомдун акцияларын андан ары сатып алуу менен башкарууга берүүдө маалыматтык билдирүүгө кошумча төмөнкү маалыматтар берилет:

- мындай коомдун кыймылсыз мүлкү жайгашкан жер участогунун жалпы аянты;

- мындай коомдун кыймылсыз мүлкүнүн жалпы мүнөздөмөсү;

- мындай коомдун продукциясынын (иш, кызмат көрсөтүү) негизги номенклатурасы;

- мындай коомдун кызматкерлеринин саны;

- Кыргыз Республикасынын резиденти эместердин, ошондой эле кошулган чет өлкөлүк адамдардын жана юридикалык жактардын уюштуруучусу (катышуучусу) жана биригишкен жагы катары пайдалануучу резиденттердин катышуусуна чектөөлөр;

- коомдун акцияларын кайра сатууга коюлган чектөөлөр;

- негизги финансы-экономикалык көрсөткүчтөрү.

21. Конкурс ачык өтөт.

Конкурска катышуу үчүн талапкерлер конкурстук комиссиянын дарегине төмөнкү документтерди берет:

- белгиленген үлгүдөгү арыз (N 1 тиркеме);

- белгиленген үлгүдөгү анкета (N 2 тиркеме);

- ишкананы экономикалык өнүктүрүүнүн бизнес-планы;

- гарантиялык төлөмдү төлөгөндүгүн ырастоочу, аткарылгандык тууралуу банк белгиси түшүрүлгөн төлөм тапшырмасынын көчүрмөсү;

- баалуу кагаздарды ишенимдик башкаруу боюнча иш жүргүзүү укугуна лицензиянын көчүрмөсү;

- Кыргыз Республикасынын мыйзамдарында белгиленген учурларда мамлекеттик мүлктү сатып алууга монополияга каршы органдын (анын аймактык органынын) макулдугу;

- зарыл учурларда арызга тиркелүүчү башка документтер.

Берилген документтердин мыйзамдардын талаптарына жана конкурстун шарттарына ылайыктуулугун аныктоо үчүн комиссия зарыл учурда кошумча маалыматтарды сурап алууга, ошондой эле берилген документтерди экспертизага жиберүүгө укуктуу. Маалыматтык билдирүүдө көрсөтүлгөн документтердин биринин эле жок болушу конкурска катыштыруудан баш тартууга негиз болот. Документтер электрондук почта же башка байланыш каражаттары аркылуу санариптик форматта, анын ичинде башка мамлекеттик органдардан жана жергиликтүү өз алдынча башкаруу органдарынан мындай документтерди алуу мүмкүнчүлүгү болсо, “Түндүк” электрондук өз ара аракеттенүү системасы аркылуу берилиши мүмкүн. Санариптик жана санариптештирилген документтерди берүү тартиби мамлекеттик мүлктү менчиктештирүү жана башкаруу боюнча ыйгарым укуктуу мамлекеттик орган тарабынан аныкталат. (Кыргыз Республикасынын Өкмөтүнүн 2005-жылдын 13-августундагы № 368 токтомунун, Кыргыз Республикасынын Министрлер Кабинетинин 2025-жылдын 19-августундагы № 503 токтомунун редакцияларына ылайык)

22. Катышуучулардын саны экиден кем болбосо, конкурс өттү деп эсептелет.

Бир гана арыз түшкөн учурда конкурстук комиссия мүмкүн болгон эки варианттын бири боюнча чечим кабыл алат:

1) конкурстук комиссия конкурсту өткөн жок деп жарыялайт;

2) эгер мурда мамлекеттик мүлк менчиктештирүүнүн колдонуудагы конкурстук методдорунун бирин (же бир нечесин) пайдалануу менен сатууга коюлса, конкурстук комиссия жалгыз талапкердин бизнес-планын конкурстук комиссия белгилеген негизги критерийлерге жараша сунушун кабыл алуу жөнүндөгү маселени чечет.

Конкурстун катышуучусу тууралуу бүткүл маалымат конкурстук комиссиянын кеңешмесине чейин жашыруун болуп саналат. (Кыргыз Республикасынын Өкмөтүнүн 2005-жылдын 13-августундагы N 368 токтомунун редакциясына ылайык)

23. Ишкананы экономикалык өнүктүрүүнүн бизнес-планында чагылдырылган мамлекеттик мүлктү башкаруунун мыкты шарттарын сунуш кылган катышуучу конкурстун жеңүүчүсү деп табылат.

24. Конкурстук комиссиянын кеңешмеси бүткөндө төмөнкүлөрдү камтыган протокол жазылат:

- конкурстук комиссиянын курамы;

- конкурстун катышуучусу тууралуу маалыматтар;

- конкурстун жыйынтыктары;

Протоколго заседаниеге катышуучу конкурстук комиссиянын мүчөлөрү кол коюшат. Конкурстун жыйынтыктары жөнүндө протокол башкарманын уюштуруучусу тарабынан бекитилет. (Кыргыз Республикасынын Өкмөтүнүн 2005-жылдын 13-августундагы № 368 токтомунун редакциясына ылайык)

25. Башкарууну уюштуруучу бүтүм бүткөн күндөн кийин бир ай мөөнөттө жалпыга маалымдоо каражаттары аркылуу мамлекеттик мүлк кийин сатып алуу менен башкарууга өткөндүгү тууралуу маалыматты жарыялоого тийиш.

Мамлекеттик мүлктү менчиктештирүү боюнча бүтүмдү эсептөө мөөнөтү башкаруу келишими түзүлгөндөн тартып аныкталат. (КР Өкмөтүнүн 2005-жылдын 13-августундагы № 368, 2008-жылдын 8-октябрындагы № 569 токтомдорунун редакцияларына ылайык)

26. Башкаруу келишими түзүлгөн учурдан тартып башкарманын уюштуруучусу мамлекеттик мүлктү кийинки сатып алуу менен башкарууга өткөрүп берүү жөнүндө маалыматты эмитенттин реестр кармоочусуна жиберет.

Акциялардын мамлекеттик пакетине менчик укугу Кыргыз Республикасынын мыйзамдарында белгиленген тартипте башкаруучунун менчигине акциялардын мамлекеттик пакетин сатып алуудан кийин мамлекеттен башкаруучуга өтөт. (КР Өкмөтүнүн 2005-жылдын 13-августундагы № 368, 2008-жылдын 8-октябрындагы № 569 токтомдорунун редакцияларына ылайык)

27. (Кыргыз Республикасынын Өкмөтүнүн 2005-жылдын 13-августундагы № 368 токтомуна ылайык күчүн жоготту)

III. Мамлекеттик мүлктү андан ары сатып алуу менен башкарууга берүү

28. Мамлекеттик мүлктү андан ары сатып алуу менен башкарууга берүүнүн шарттары, тараптардын укуктары жана милдеттери, башкаруучу өзүнө алуучу милдеттенмелер жана мамлекеттик мүлктү сатып алуу шарттары мамлекеттик мүлктү андан ары сатып алуу менен башкаруу келишиминде (же башкаруу келишими) (N 3 тиркеме) белгиленет.

29. Андан ары сатып алуу менен башкарууга берилүүчү мамлекеттик мүлк (келишим түзгөн учурда болгон же келечекте болуучу, анын ичинде келишимден келип чыккан негиздерде башкаруучу тарабынан түзүлгөн жана сатып алынган), ошондой эле ага байланышкан мүлктүк жана мүлктүк эмес укуктар башкаруу келишиминин предмети болуп саналат.

30. Башкаруучу мамлекеттик мүлктү башкаруунун уюштуруучусунун таламына жана тараптар менен макулдашылган бизнес-планга ылайык башкарат.

Башкаруучу эгер башкаруу келишиминин шарттарында башкача каралбаса, ал күчүнө киргенден тартып мамлекеттик мүлктү башкарууга киришет. Башкаруу келишими конкурстун жыйынтыктары жөнүндө протокол бекитилгенден кийин конкурстун жеңүүчүсү менен түзүлүүгө тийиш.

31. (Кыргыз Республикасынын Өкмөтүнүн 2005-жылдын 13-августундагы № 368 токтомуна ылайык күчүн жоготту)

32. (Кыргыз Республикасынын Өкмөтүнүн 2005-жылдын 13-августундагы № 368 токтомуна ылайык күчүн жоготту)

33. Акциялардын мамлекеттик пакетин башкаруучу акционердин - Кыргыз Республикасынын мыйзамдарына ылайык ага башкарууга берилген акциялардын ээлеринин өзүлөрүн укуктарын ишке ашыруу аркылуу башкарманын уюштуруучусунун таламдарын көрсөтөт.

(Кыргыз Республикасынын Өкмөтүнүн 2005-жылдын 13-августундагы № 368 токтомунун редакциясына ылайык)

34. (Кыргыз Республикасынын Өкмөтүнүн 2005-жылдын 13-августундагы № 368 токтомуна ылайык күчүн жоготту)

35. Башкаруунун уюштуруучусу башкаруучу тарабынан башкаруу келишиминин аткарылышын текшерүүгө, мамлекеттик органдар өз ыйгарым укуктарынын чегинде Кыргыз Республикасынын мыйзамдарына ылайык берген бардык документтерди жана маалыматтарды алууга укуктуу.

36. Башкаруунун уюштуруучусу укуктуу:

а) акционерлердин жалпы чогулушунда башкаруучунун ыйгарым укуктарынын аткарылышын контролдоого;

б) башкаруучунун акциялардын мамлекеттик пакети менен добуш берүү укугу башталуучу маселелер чөйрөсүн чектөөгө.

Башкаруунун уюштуруучусунун укуктары андан ары сатып алуу менен мамлекеттик мүлктү башкаруу келишиминде көрсөтүлөт.

37. Андан ары сатып алуу менен мамлекеттик мүлктү башкаруу келишими төмөнкү себептер менен токтотулушу мүмкүн:

а) тараптардын бири келишим боюнча шарттарды жана милдеттенмелерди аткарбаган жана так аткарбаган учурда башкаруу келишимин мөөнөтүнөн мурда токтотуу тууралуу тараптардын биринин арызы;

б) Кыргыз Республикасынын мыйзамдарында белгиленген тартипте башкаруучу кудуретсиз (банкрот) деп табылганда, ошондой эле юридикалык жак жоюлган учурда;

в) башкаруучу болуп эсептелген адам-граждан өлгөндө, ал жөндөмсүз, жөндөмү чектелген деп табылганда же дайынсыз болгон учурда;

г) башкаруучу мамлекеттик мүлктү башкарууга мүмкүнчүлүгү болбогондугуна байланыштуу башкаруучу өзү башкаруу жүргүзүүдөн баш тарткан учурда;

д) эгер кошумча сүйлөшүүлөрдүн предмети болуп саналган тараптардын макулдашуусу боюнча аракети узартылбаса, башкаруу келишиминин иштөө мөөнөтүнүн акыркы күнү бүткөндө.

(КР Өкмөтүнүн 2008-жылдын 8-октябрындагы N 569 токтомунун редакциясына ылайык)

IV. Башкаруучунун мамлекеттик мүлктү сатып алуу шарттары

38. Башкаруучу башкаруу келишиминин колдонуу мөөнөтү бүткөндөн кийин же анын шарттарын аткарган учурда мамлекеттик мүлктү (же анын бөлүгүн) менчигине сатып алат.

39. Мамлекеттик мүлктү сатып алууда башкаруучу гарантиялык төлөмдүн суммасын төлөм катары пайдаланышы, ал эми мамлекеттик мүлк үчүн төлөмдүн калган бөлүгүн башкаруунун уюштуруучусу белгилеген мөөнөттөн кечиктирбестен төлөөгө тийиш.

40. Эгер башкаруу келишиминин аракети башкаруучу өз милдеттерин аткарбагандыгына же так аткарбагандыгына байланышкан себептер боюнча токтотулса, ошондой эле башкаруучунун демилгеси боюнча келишим токтотулганда башкаруучу мамлекеттик мүлктү сатып алуу укугунан ажырайт, бул учурда гарантиялык төлөм ага кайтарылып берилбейт жана талашсыз тартипте кармап алынат.

(КР Өкмөтүнүн 2008-жылдын 8-октябрындагы № 569 токтомунун редакциясына ылайык)

V. Отчеттуулук жана контроль

41. Башкаруучу эгер башкаруу келишиминде башкача каралбаса, өз иш-аракеттери тууралуу башкаруунун уюштуруучусуна квартал сайын жана жыл сайын отчет берүүгө милдеттүү.

VI. Корутунду жоболор

42. Тараптар ортосунда пайда болгон жана бул Жобо менен жөнгө салынбаган талаш-тартыштар Кыргыз Республикасынын колдонуудагы мыйзамдарына ылайык чечилет.

N 1 тиркеме Мамлекеттик мүлктү андан ары сатып алуунун башкаруучусун тандоо боюнча конкурстук комиссия

АРЫЗ

Мамлекеттик мүлктү андан ары сатып алуунун башкаруучусун тандоо боюнча конкурска катышуу үчүн документтерди кабыл алууну өтүнөм. _______________________________________________________________________ _______________________________________________________________________ (объекттин аты, башкарууга берилүүчү акциялардын мампакети (үлүшү) _______________________________________________________________________ _______________________________________________________________________ _______________________________________________________________________ (акциялардын мампакетинин өлчөмү (үлүшү) _______________________________________________________________________ _______________________________________________________________________ (Капиталдан % менен)

кимден юридикалык жактар үчүн _______________________________________________________________________ (юридикалык жактын толук аты) _______________________________________________________________________ (жетекчинин фамилиясы, аты жана атасынын аты) _______________________________________________________________________ (юридикалык дареги, телефону, МФОнун алыш-бериш эсеби)

жеке адамдар үчүн _______________________________________________________________________ (фамилиясы, аты жана атасынын аты) _______________________________________________________________________ (паспорт маалыматтары, катталган жери)

Мамлекеттик мүлктү андан ары сатып алуу менен башкарууга берүүнүн тартиби жана шарттары менен тааныштым. "Мамлекеттик мүлктү андан ары сатып алуу менен башкарууга берүүнүн тартиби жана шарттары жөнүндө жобонун" талаптарын жана бул маселени жөнгө салуучу Кыргыз Республикасынын мыйзамдарын аткарууга милдеттенем. Берилген маалыматтардын тактыгына жоопкерчилик жөнүндө эскертилдим. Арызга төмөнкү документтер тиркелди:

1. Юридикалык жак (коммерциялык уюм) үчүн:

- баалуу кагаздарды ишенимдик башкаруу боюнча иш жүргүзүү укугуна лицензиянын көчүрмөсү;

- уюштуруу документтеринин белгиленген тартипте күбөлөндүрүлгөн көчүрмөлөрү;

- өткөн отчеттук мезгилдеги иш натыйжалары тууралуу отчет менен баланстын мыйзам тартибинде күбөлөндүрүлгөн көчүрмөсү;

- акыркы аудитордук текшерүүнүн же мамлекеттик салык инспекциясы органы тарабынан текшерүү актынын көчүрмөсү;

- уюштуруучулар курамы;

- уставдык капиталды төлөгөн фактыны ырастоочу документ;

- юридикалык жактын мамлекеттик катталгандыгы тууралуу күбөлүктүн көчүрмөсү.

(Кыргыз Республикасынын Министрлер Кабинетинин 2025-жылдын 19-августундагы № 503 токтомунун редакциясына ылайык)

2. Жеке адам (жеке ишкер) үчүн:

- баалуу кагаздарды ишенимдик башкаруу боюнча иш жүргүзүү укугуна лицензиянын көчүрмөсү;

- жеке ишкер катары мамлекеттик катталгандык тууралуу күбөлүктүн көчүрмөсү;

- өмүр баяны;

- билими тууралуу дипломдун көчүрмөсү.

(Кыргыз Республикасынын Министрлер Кабинетинин 2025-жылдын 19-августундагы № 503 токтомунун редакциясына ылайык)

3. Комиссиянын чечими боюнча берилүүчү башка документтер.

2002-жылдын "__" __________ кол тамгасы ____________

М.О.

N 2 тиркеме

Мамлекеттик мүлктү андан ары сатып алуу менен башкаруу жүргүзүүчү талапкердин АНКЕТАСЫ

(юридикалык жактар үчүн - анкета биринчи жетекчи же бул анкетаны толтурууда юридикалык жактын таламдарын көрсөтүү укугуна ишеним каты бар юридикалык жактын өкүлү тарабынан толтурулат)

1. Жарандыгы______________________________________________________

2. Фамилиясы, аты, атасынын аты __________________________________

3. Туулган датасы ________________________________________________

4. Билими (кайсы окуу жайын жана кандай адистик боюнча бүткөн, бүткөн жылы) __________________________________________________________

5. Үй дареги (катталган жери) ____________________________________

6. Иш стажы, акыркы иштеген иши, иш орду _________________________

7. Документтерди, баалуу кагаздарды жасагандык, уруулук, паракорлук үчүн соттолгонсузбу _______________________________________________

8. Кайсы бир мезгилде Сизге материалдык жоопкерчиликке байланышкан кызмат ордун ээлөөгө сот тарабынан тыюу салынганбы_____________________ _______________________________________________________________________

9. Азыркы учурда Сиз ээлик кылган (энчилеш, уюштуруучу) фирмалардын, уюмдардын, ишканалардын (толук аталышын жана юридикалык дарегин көрсөтүү менен) тизмеси________________________________________________

10. Кайсы бир мезгилде Сиз адис болуп иштеген ишканалардын, фирмалардын, уюмдардын (толук аталышын жана юридикалык дарегин көрсөтүү менен) тизмеси___________________________________________________________

11. Кайсы бир мезгилде Сиз банкрот болгон (жарыяланган) ишканалардын, фирмалардын, уюмдардын ээси, энчилеши, уюштуруучусу же адиси болгонсузбу? _____________________________________________________________

12. Сиз кошумчалоону каалаган башка маалыматтар___________________

2002-жылдын "__" ____________ кол тамгасы _____________

N 3 тиркеме

Мамлекеттик мүлктү андан ары сатып алуу менен башкаруунун ТИПТҮҮ КЕЛИШИМИ

Кыргыз Республикасы Бишкек ш. 200_-жылдын "__" _________

Мындан ары "Башкаруунун уюштуруучусу" деп аталуучу жана Кыргыз Республикасынын Мамлекеттик мүлк министрлиги жөнүндө Жобонун негизинде иштөөчү, мамлекеттик мүлктү менчиктештирүү жана башкаруу боюнча ыйгарым укук берилген мамлекеттик орган - Кыргыз Республикасынын Мамлекеттик мүлк министрлигинин, Министрдин атынан___________________ бир жак жана мындан ары "Башкаруучу" аталуучу___________________________________________________________ _______________________________________________________________________ негизинде иштеген башка жак менен төмөндөгүлөр жөнүндө ушул Келишимди түзүштү.

1. Келишимдин предмети

1.1. _____________________________________________________________

(чечим, ким кабыл алган, N, датасы) аткаруу үчүн мамлекеттик мүлктү андан ары сатып алуу менен башкарууну Башкаруунун уюштуруучусу берет, ал эми Башкаруучу кабыл алат.

1.2. Чарбалык өнөктөштүктөрдүн жана (же) коомдордун_______________ _______________________________________________________________________

(акцияларынын мампакети башкарууга берилүүчү объекттин аталышы) мамлекетке таандык акциялары (капиталындагы үлүшү) _______________________________________________________________________ (мампакеттин чоңдугу (уставдык капиталдан % менен) _______________________________________________________________________ (акциялардын мампакетинин түрү, номиналдык жана жалпы наркы) андан ары сатып алуу менен башкарууга берилүүчү мамлекеттик мүлк болуп эсептелет. Жогоруда аталган мамлекеттик мүлк (акциялардын мамлекеттик пакети) мындан ары "Акциялар", ал эми акцияларынын мампакети андан ары сатып алуу менен башкарууга берилүүчү объект "Ишкана" деп аталат.

1.3. Акциялары андан ары сатып алуу менен башкарууга берилүүчү ишкананын акционери катары башкаруучу тарабынан белгиленүүчү жана жүзөгө ашырылуучу иш-аракеттер жана иш-чаралар комплексин тараптар башкаруу деп түшүнөт.

Башкаруучу ишканадагы мамлекеттик катышуучунун өкүлүнүн укуктарын жана милдеттерин кабыл алат.

1.4. Бул келишим боюнча башкаруучу өз кызыкчылыктарын уюштуруучунун кызыкчылыктары менен аралаштырууга жол бербей, башкаруунун уюштуруучусунун кызыкчылыгы үчүн жана тараптар менен макулдашылган бизнес-планга ылайык берилген акцияларды башкарат жана тескейт.

1.5. Башкаруунун уюштуруучусу берилген акциялар күрөөгө коюлбагандыгын, сатууга чыгарылбагандыгын жана үчүнчү бир жактын укугу берилбегендигин ырастайт.

1.6. Мамлекеттик мүлктү башкаруучу Ишкананын экономикалык өнүгүүсүнүн Бизнес-планын жана Ишкананын экономикалык абалын жакшыртуу боюнча чаралар менен сунуштарды камсыз кылуучу финансылык кепилдик катары гарантиялык төлөмдүн суммасын сунуш кылат.

2. Тараптардын укуктары

2.1. Башкаруунун Уюштуруучусу төмөнкү укуктарга ээ:

2.1.1. Башкаруучу тарабынан ушул Келишим боюнча милдеттенмелердин жана аны өнүктүрүү үчүн түзүлгөн бардык кошумча макулдашуулардын аткарылуусун контролдоого жана Кыргыз Республикасынын мыйзамдарына жана ушул Келишимдин шарттарына ылайык Башкаруучу мамлекеттик органдарга берүүчү бардык маалыматтарды жана отчетторду алууга;

2.1.2. (Кыргыз Республикасынын Өкмөтүнүн 2005-жылдын 13-августундагы № 368 токтомуна ылайык күчүн жоготту)

2.1.3. акционерлердин жалпы чогулушунда Башкаруучунун ыйгарым укуктарынын ишке ашырылышын контролдоого;

2.1.4. Башкаруучу акциялардын мамлекеттик пакетине добуш берүү укугуна ээ болгон маселелер чөйрөсүн чектөөгө;

2.2. Башкаруучу укуктуу:

2.2.1. башкаруунун Уюштуруучусунун кызыкчылыгы үчүн жана ага ушул Келишим менен берилген укуктардын чегинде акцияларга карата кандай гана болбосун юридикалык жана кадимки аракеттерди жасоого;

2.2.2. башкаруудагы Акцияларга карата укуктарды коргоо үчүн анын укуктарын ар кандай бузууларды, анын ичинде Уюштуруучу тарабынан четтетүүнү талап кылууга.

3. Тараптардын милдеттери

3.1. Башкаруунун Уюштуруучусу милдеттенет:

3.1.1. акциялардын башкаруучусуна бул Келишим боюнча зарыл болгон милдеттер менен укуктарды аткаруу үчүн бардык документтерди жана маалыматтарды колдонуу жана ээлик кылуу үчүн берүүгө;

3.1.2. акцияларды башкарууга берүүдө ушул Келишимдин иштөө мөөнөтү ичинде, ал эми ал узартылса, ошол узартылган мөөнөт ичинде Башкаруучуга мамлекеттик мүлктү толук көлөмдө сактоого;

3.1.3. бул Келишимдин бардык иштөө учурунда Башкаруучуга жогоруда аталган укуктарды сактоого кепилдик берүүгө;

3.1.4. бул Келишимдин шарттарынын аткарылышын кыйындаткан ар кандай чечимдерди кабыл албоого.

3.2. Башкаруучу милдеттенет:

3.2.1. Акцияларды башкарууда башкаруунун Уюштуруучусунун кызыкчылыгы үчүн зарыл болгон камкордукту, сактыкты жана билгичтикти көрсөтүүгө, өз кызыкчылыгын башкаруунун Уюштуруучусунун кызыкчылыгына аралаштырууга жол бербөөгө;

3.2.2. Эгер Башкаруучу бүтүмдү өз кызыкчылыгы үчүн жасагысы келсе, ошондой эле анын кызыкчылыгы башкаруунун Уюштуруучусунун кызыкчылыгына каршы келсе, болжолдонгон иш-аракеттер жөнүндө башкаруунун Уюштуруучусуна алдын ала кабарлоого тийиш. Эгер башкаруунун Уюштуруучусу 10 күндүн ичинде каршы экенин билдирбесе, Башкаруучу өз ыктыяры боюнча чечим кабыл алат. Бул учурда мындай чечимдин ыңгайсыз чечилишине байланышкан тобокелчиликке Башкаруучу жооп берет.

Башкаруучу жасаган бардык бүтүмдөр жазуу жүзүндө түзүлүүгө жана Кыргыз Республикасынын мыйзамдарында каралган тартипте күбөлөндүрүлүүгө тийиш;

3.2.3. акцияларды башкарууну Келишимдин ажырагыс бөлүгү болгон Ишкананын экономикалык өнүгүүсүнүн бизнес-планына ылайык ишке ашырууга;

3.2.4. өзүнүн акционердик - мыйзамдарга ылайык ага башкарууга берилген акциялардын ээсинин укугун жүзөгө ашырууга жана:

1) Уюштуруучунун таламдарын көздөөгө жана мамлекеттин менчигинде турган акциялардын __________ %ине барабар добуш саны менен акционердик коомдун акционерлеринин жалпы чогулуштарына төмөндөгү маселелер боюнча добуш берүү укугу менен катышууга:

_______________________________________________________________________ _______________________________________________________________________

2) акционердик коомдун башкаруу органдары тарабынан мамлекеттин таламдарын бузуучу же чектөөчү чечимдер кабыл алынган учурда, мындай чечимдердин аткарылышына каршы добуш берүүгө жана башкаруунун Уюштуруучусуна дароо кабарлоого;

3) акционердик коомдун башкаруу органдары тарабынан Уставдын жоболорунун сакталышын контролдоого;

4) Ишкананын уставдык капиталындагы өзгөрүүлөрдү, негизги фонддордун кыймылын, сатылышын, ижарага берилишин, негизги фонддордун эсептен чыгарылышын жана баланстан баланска өткөрүп берилишин контролдоого;

5) ишкананын кызмат адамдарынын кыянат пайдалануулары жөнүндө Уюштуруучуга маалымдоого;

6) ишкананын акционерлеринин жалпы чогулушун чакыруу жөнүндө сунуш киргизүүгө;

7) акционерлердин жалпы чогулушунун компетенциясына кирген бардык маселелерди чечүүгө катышууга;

8) Директорлор кеңешинин, Башкарманын кеңешмелеринде, акционерлердин жалпы чогулуштарында өзүнүн сунуш-пикирлерин айтууга;

9) ишкананын иши тууралуу толук маалымат алууга;

10) негиз болгондо ишкананын кызмат адамдарынан ишкананын ишине текшерүү уюштурууну талап кылууга жана текшерүүнүн жыйынтыгын башкаруунун Уюштуруучусуна билдирүүгө;

11) акциялар боюнча дивиденддер катары алынган сумманы жана акцияларга ээлик кылууга байланыштуу алынуучу башка бардык эле сумманы башкаруунун Уюштуруучусуна которууга;

12) Кыргыз Республикасынын мыйзамдарына ылайык акционердин башка укуктарын жана милдеттерин ишке ашырууга.

3.2.5. дайыма ар финансылык жыл аягында (квартал, жарым жыл) башкаруунун Уюштуруучусуна бул Келишимдин шарттарынын аткарылышы жөнүндө маалыматты, бизнес-пландын иштеши жөнүндө отчетторду берип турууга;

3.3. Башкаруучу бизнес-пландын негизги максаттарын жана шарттарын ишке ашырууга таасири тийиши мүмкүн болгон бизнес-пландагы өзгөрүүлөр боюнча өзүнүн бардык сунуштарын башкаруунун Уюштуруучусу менен макулдашууга милдеттүү.

Башкаруунун Уюштуруучусу жогоруда көрсөтүлгөн сунуштарды алгандан кийинки 14 күн ичинде сунушталган өзгөрүүлөр боюнча чечим кабыл алууга тийиш.

3.4. Башкаруучу башкаруусундагы акцияларга карата төмөндөгүлөргө укугу жок:

- сатууга;

- башка жактарга менчикке берүүгө;

- башка мүлккө алмаштырууга;

- башка акционердик коомго же башка юридикалык жакка салым катары пайдаланууга;

- акцияларды өз милдеттенмелерин, өзүнүн уюштуруучуларынын милдеттенмелерин жана башка үчүнчү жактын милдеттенмелерин аткарууну камсыз кылуу үчүн күрөөгө коюуга.

4. Башкаруучунун кепилдүү төлөмү

4.1. Башкаруучу башкаруунун, Уюштуруучусунун эсебине _____________ сом өлчөмүндө кепилдүү төлөм төлөйт, б.а. башкарууга берилген акциялар пакетинин наркына жараша _____ % нарк суммасын төлөйт.

4.2. Кепилдүү төлөм Башкаруучуга ушул Келишимдин милдеттенмелери аткарылган шартта жана (же) Акцияларды башкаруу мөөнөтү бүткөндө кайтарылат.

4.3. Мамлекеттик мүлктү сатып алууда Башкаруучу кепилдүү төлөмдүн суммасын төлөм катары пайдаланса болот.

Сатып алынган мамлекеттик мүлк үчүн төлөмдүн калган бөлүгүн Башкаруучу башкаруунун Уюштуруучусу белгилеген мөөнөттөн кечиктирбей төгөт.

4.4. Эгер Келишим Башкаруучу өз милдеттенмелерин аткарбай же так аткарбай калгандыгына байланыштуу себептер боюнча токтосо, ошондой эле Башкаруучунун демилгеси менен токтогон учурда, Башкаруучу мамлекеттик мүлктү сатып алуу жана мындай учурда Келишимдин шарттарын аткарбагандык үчүн жазапул катары каралуучу жана талашсыз тартипте кармалуучу кепилдүү төлөмдү кайтарып алуу укугунан ажырайт.

5. Башкаруучунун сыйлык акы

алууга укугу (КР Өкмөтүнүн 2005-жылдын 13-августундагы № 368 токтомуна ылайык күчүн жоготту)

5.1. (Кыргыз Республикасынын Өкмөтүнүн 2005-жылдын 13-августундагы № 368 токтомуна ылайык күчүн жоготту)

6. Башкаруучунун мамлекеттик

мүлктү сатып алуусу

6.1. Башкаруучу Келишимдин иштөө мөөнөтү бүткөндөн жана анын шарттарын аткаргандан кийин мамлекеттик мүлктү менчигине сатып алат.

6.2. ____________________________________________________________

(акциялардын мамлекеттик пакетинин түрү, баасы) мамлекеттик мүлк (акциялардын мамлекеттик пакети) сатып алууга жатат. (Кыргыз Республикасынын Өкмөтүнүн 2005-жылдын 13-августундагы № 368 токтомунун редакциясына ылайык)

7. Тараптардын жоопкерчилиги

7.1. Бул Келишим боюнча милдеттенмелер аткарылбай же так аткарылбай калган учурда, тараптар Кыргыз Республикасынын мыйзамдарында белгиленген тартипте жоопкерчилик тартат.

Күнөөлүү тарап башка тарапка Келишим боюнча өз милдеттенмелерин аткарбай же так аткарбай калгандан улам келтирген материалдык зыяндардын жана бардык чыгымдардын ордун толтурууга милдеттүү.

7.2. Бул Келишимдин шарттарын жана талаптарын тике же кыйыр түрдө бузган бүтүмдөр жараксыз болот, ал эми аны жасаган күнөөлүү жактар Кыргыз Республикасынын мыйзамдарында белгиленген дисциплинардык, материалдык, административдик жана жазык жоопкерчилигин тартат.

7.3. Дисциплинардык, административдик жана жаза жоопкерчилигине тартылышы күнөөлүү жактарды келтирген зыяндардын ордун толтуруудан куткарбайт.

7.4. Акцияларды башкарууда башкаруунун Уюштуруучусунун кызыкчылыгы жөнүндө зарыл камкордук көрбөгөн Башкаруучу башкаруунун Уюштуруучусуна мамлекеттик мүлктү башкаруу учурунда келтирген зыяндарынын ордун толтурат.

Башкаруучу эгер бул зыяндар аргасыз кырдаалдын натыйжасында же башкаруунун Уюштуруучусунун иш-аракеттеринин кесепетинен болгондугун далилдей албаса, жоопкерчилик тартат.

8. Өзгөчө шарттар

8.1. Келишимге өзгөртүүлөрдү жана толуктоолорду киргизүү:

8.1.1 Башкаруунун Уюштуруучусу жана Башкаруучу тең макулдашуу боюнча ушул Келишимге колдонуудагы тартип боюнча өзгөртүү жана толуктоо киргизүүгө, Келишимдин иштөө мөөнөтүн узартууга, ошондой эле ушул Келишимди ишке ашырууга байланышкан зарыл кошумча макулдашууларды түзүүгө укуктуу;

8.1.2. Бул Келишимдин бардык тиркемелери анын ажырагыс жана керектүү бөлүгү болуп саналат жана тараптардын ыйгарым укук берилген өкүлдөрү кол коюуга тийиш.

Ал учурда бул Келишимдин жана анын тиркемелеринин текстинин мазмунунда жана курамында айырмачылыктар болсо, кийинки число менен даталанган документтердин жоболору артыкчылыкка ээ болот.

8.2. Жашырындуулукту сактоо;

8.2.1. Тараптар Кыргыз Республикасынын мыйзамдарына ылайык жашырындуулук сакталууга тийиш болгон бардык документтер, маалыматтар, отчеттор боюнча жашырындуулукту сактоо мөөнөтүн аныктайт.

8.2.2. Тараптардын бири башка тараптын жазуу жүзүндөгү макулдугун албай туруп, кандайдыр бир үчүнчү тарапка бул Келишимдин мазмунун же жашырын сыр деп эсептелген башка маалыматтарды жашырындуулукту сактоо мөөнөтү учурунда ачууга укугу жок.

Ошондой эле ушул Келишимдин иш-аракети токтотулган күндөн тартып 3 жыл ичинде тараптар бул Келишимди ишке ашырууга байланышкан маалыматтарды жарыялабоого милдеттенишет. Бул жобо жалпыга дайын маалыматтарга, мыйзам боюнча жалпыга жарыялануучу же компетенттүү органдар менен уюмдарга берилилүүчү маалыматтарга таркатылбайт.

8.3. Форс-мажор

8.3.1. Тараптар аргасыз кырдаалдын (форс-мажор) кесепетинен улам милдеттенмелерин толук же бир бөлүгүн аткарбагандык, ошондой эле бул Келишим боюнча милдеттенмелерин аткарууну кечиктиргендик үчүн жоопкерчиликтен бошотулат.

Аргасыз кырдаалга (форс-мажор) алдын алууга же көрө билүүгө мүмкүн болбогон ар кандай тышкы окуялар, тактап айтканда: согуштук кагылышуулар, табигый кыйроолор, жаратылыш кырсыктары (суу каптоо, жер титирөө, коммуникациялардын бузулушу ж.б.) кирет.

8.3.2. Аргасыз кырдаал башталган учурда алардан жапа чеккен тарап окуянын башталган датасын көрсөтүү жана форс-мажордуу кырдаалды баяндоо менен дароо кат аркылуу башка тарапка кабарлайт.

Тараптар мындай кырдаалдын кесепеттерин минималдуу азайтуу үчүн биргелешкен аракеттерди көрөт. Бул Келишим боюнча милдеттенмелерди аткаруу мөөнөтү форс-мажордуу кырдаал болгон убакытка жараша артка жылдырылат.

8.4. Келишим түзүлгөндөн кийин тараптар Ишкананын финансы-чарбалык абалын баалоо үчүн көз карандысыз аудиторду биргелешип дайындай алат. Аудитордук текшерүүлөрдүн жыйынтыгы мамлекеттик мүлктү менчиктештирүү жана башкаруу боюнча ыйгарым укук берилген мамлекеттик органдын өкүлүнө берилет, алар тарабынан бекитилет жана бул Келишим үчүн кошумча шарттарды макулдашууга негиз болушу мүмкүн.

9. Келишимди аткаруу мөөнөтү жана анын

аткарылышын токтотуу шарттары

(КР Өкмөтүнүн 2008-жылдын 8-октябрындагы № 569 токтомунун редакциясына ылайык)

9.1. Бул Келишим ага кол коюлгандан тартып күчүнө кирет.

Башкаруу мөөнөтүн эсептөө бул Келишимге кол коюлган күндөн башталат.

9.2. Бул Келишим_____________________________ чейин күчүндө болот.

9.3. Эгер Башкаруучунун бизнес-планы өтө узак убакытта аткарылууну талап кылса, анда Келишимди аткаруунун мөөнөтү ______ жылга (жылдарга) узартылышы мүмкүн;

9.4. Бул Келишим өз аракетин төмөнкү себептердин бири менен гана токтотот:

9.4.1. Бир тарап Келишим боюнча өз милдеттенмелерин аткарбаган же так аткарбаган учурда Келишимди мөөнөтүнөн мурда токтотуу жөнүндө башка тараптын арызы;

9.4.2. Кыргыз Республикасынын мыйзамдарына ылайык юридикалык жак жоюлганда, ошондой эле Башкаруучу төлөөгө кудуретсиз (банкрот) деп табылганда;

9.4.3. Башкаруучу деп эсептелген адам-жаран каза болгондо, ал жарамсыз, жарамдуулугу чектелген деп аныкталганда, же дайынсыз жоголгондо;

9.4.4. Башкаруучу мамлекеттик мүлктү башкарууну жеке ишке ашырууга мүмкүн болбогондугуна байланыштуу башкаруудан баш тарткан учурда;

(КР Өкмөтүнүн 2008-жылдын 8-октябрындагы № 569 токтомунун редакциясына ылайык)

9.4.5. Келишимди аткаруу мөөнөтүнүн акыркы күнү аяктаганда тараптардын өз ара макулдашуусу боюнча Келишимдин аткаруу мөөнөтү узартылбаса, ал кошумча сүйлөшүүлөрдүн предмети болот.

9.5. Эгер аргасыз кырдаал (форс-мажор) түзүлгөндүн же Келишимдин тараптары жоопкерчилик тартпай турган үчүнчү жактардын аракетинин кесепетинен улам алар Келишимдин шарттарын аткарууга тике таасирин тийгизсе жана Башкаруучу өз милдеттенмесин 6 (алты) айдан ашык мөөнөткө аткарууну токтотууга аргасыз болсо, тараптар өз ара доо коюу укугусуз Келишимди аткарууну токтото алышат.

Форс-мажор же үчүнчү жактардын аракетине Ишкананын кызматкерлеринин иш таштоолору же кандайдыр бир башка формадагы нааразылыктар кирбейт.

10. Арбитраж

10.1. Тараптар бул Келишим менен жөнгө салынбаган бардык маселелер боюнча Кыргыз Республикасынын мыйзамдарынын нормаларын, Кыргыз Республикасынын эл аралык келишимдеринин нормаларын жетекчиликке алат.

10.2. Бул Келишимди ишке ашырууга байланыштуу пайда болгон бардык талаш-тартыштарды өз ара кеңешүү жана сүйлөшүүлөр жолу менен чечүү үчүн тараптар бардык аракетин жумшоого милдеттенет.

10.3. Тараптар тарабынан чечүүгө мүмкүн болбогон тараптардын талаш-тартыштары Кыргыз Республикасынын мыйзамдарына ылайык сот тарабынан чечилет.

11. Тараптардын юридикалык даректери

Башкаруунун Уюштуруучусу Башкаруучу

Мамлекеттик мүлктү ________________________ менчиктештирүү жана ________________________ башкаруу боюнча ыйгарым ________________________ укуктуу мамлекеттик орган ________________________

Дареги: ________________________ (Кыргыз Республикасынын Өкмөтүнүн 2005-жылдын 13-августундагы № 368 токтомунун редакциясына ылайык) (КР Өкмөтүнүн 2010-жылдын 9-мартындагы № 139 токтомунун редакциясына ылайык)

Бул Келишим бирдей юридикалык күчкө ээ, башкаруунун Уюштуруучусунда, Башкаруучуда сакталуучу үч нускада түзүлдү. _______________________________________________________________________ (нотариус органынын аталышы)

Тараптардын кол тамгасы

Башкаруунун Уюштуруучусу Башкаруучу ________________________ ______________________ (кол тамгасы) (кол тамгасы)

М.О. М.О.

Күбөлөндүрөм: ____________________________________________________ (нотариус)

М.О.