# КР Өкмөтүнүн 2013-жылдын 6-ноябрындагы № 594 "Пенсиянын базалык бөлүгүн каржылоо жөнүндө" токтому - Толук аталышы: КР Өкмөтүнүн 2013-жылдын 6-ноябрындагы № 594 "Пенсиянын базалык бөлүгүн каржылоо жөнүндө" токтому - Актынын түрү: Постановление - Номери: 594 - Кабыл алынган күнү: 06.11.2013 - Статусу: Күчүндө - Редакциянын күнү: 20.11.2015 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 20.11.2015 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2013-жылдын 6-ноябрындагы № 594 "Пенсиянын базалык бөлүгүн каржылоо жөнүндө" токтому (20.11.2015 редакциясы) - https://aqlex.ai/kg/doc/53591 --- КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2013-жылдын 6-ноябры № 594 Пенсиянын базалык бөлүгүн каржылоо жөнүндө (КР Өкмөтүнүн 2014-жылдын 4-ноябрындагы № 626, 2015-жылдын 20-ноябры № 795 токтомдорунун редакциясына ылайык) Камсыздандырылган адамдарга пенсияларды өз убагында жана толук көлөмдө төлөө максатында, "Мамлекеттик пенсиялык социалдык камсыздандыруу жөнүндө" Кыргыз Республикасынын Мыйзамынын 7-беренесине ылайык Кыргыз Республикасынын Өкмөтү ТОКТОМ КЫЛАТ: 1. Кыргыз Республикасынын мыйзамдары менен белгиленген, пенсиянын базалык бөлүгүн каржылоо республикалык бюджетке которулсун: - 2014-жылдын 1-январынан тартып - пенсиянын базалык бөлүгүн төлөөгө жумшалуучу каражаттардын жылдык муктаждыгынын 90 пайызы; - 2015-жылдын 1-январынан тартып - пенсиянын базалык бөлүгүн төлөөгө жумшалуучу каражаттардын жылдык муктаждыгынын 95 пайызы; - 2017-жылдын 1-январынан тартып жана кийинки жылдарда - пенсиянын базалык бөлүгүн төлөөгө жумшалуучу каражаттардын жылдык муктаждыгынын 100 пайызы. (КР Өкмөтүнүн 2014-жылдын 4-ноябрындагы № 626, 2015-жылдын 20-ноябры № 795 токтомдорунун редакциясына ылайык) 2. Кыргыз Республикасынын Финансы министрлиги Кыргыз Республикасынын Социалдык фондуна акча каражаттарын бул токтомдун 1-пунктунда көрсөтүлгөн өлчөмдөрдө жана мөөнөттөрдө бөлүүнү камсыздасын. 3. Бул токтом расмий жарыяланган күндөн тартып күчүнө кирет жана 2014-жылдын 1-январынан баштап колдонулат. Премьер-министри Ж.Сатыбалдиев