Сокулук айылдык Кеңешинин «Коронавирустук инфекциянын (Covid-19) жайлышын алдын алуу үчүн кражат бөлүү жөнүндө»

СОКУЛУК АЙЫЛДЫК КЕҢЕШИ ПОСТАНОВЛЕНИЕ 2020-жылдын 10-апрели №01-6-17 Коронавирустук инфекциянын (Covid-19) жайлышын алдын алуу үчүн кражат бөлүү жөнүндө 2020-жылдын 20-апрелиндеги бюджеттик комиссиянын протоколун талкуулап, комиссиянын төрагасы У. Оторкуловдун жергиликтүү бюджеттен жылдыруу жолу менен акча каражатын бөлүп берүү зарылдыгы тууралуу маалыматын угуп, бөлүнө турган акча каражаттарды таажывирус (Covid-19) илдети менен күрөшүүгө жана жайылтпоо максатында, Сокулук айыл өкмөтүнө айтылган иш-чараларды аткарууга көмөк көрсөтүү үчүн, жана ошондой эле Сокулук районунда өзгөчө кырдаал абалы жарыялангандыгына байланыштуу оор абалда калып жардамга муктаж болгон үй-бүлөлөргө материалдык жана гуманитардык жардам көрсөтүү максатында, КР өкмөтүнүн 2020-жылдын 17-мартындагы № 163 токтомун, Чүй облусунун ыйгарым укуктуу өкүлүнүн 2020-жылдын 26 мартындагы №69-Р буюрмасынын жана Сокулук райондук мамлекеттик администрациясынын 2020-жылдын 01-апрелиндеги №109-Р буюрмасын аткаруу максатында, КР “Мамлекеттик жарандык” мыйзамынын 10-беренесинин 2-пунктуна, КР “Өз алдынча башкаруу” мыйзамынын 18-беренесинин 4-пунктуна жана 36-беренесинин 7-пунктуна таянып, Сокулук айылдык кеңеши ТОКТОМ КЫЛАТ:

1. Жергиликтүү бюджеттен таажывирус (Covid-19) илдетин жайылтпоо максатына багытталган төмөнкүдө көрсөтүгөн иш-чараларын жүргүзүү үчүн акча каражаты бөлүнсүн;

2. Сокулук айылдык аймакта жайгашкан имараттарды, сейил парктарды, ички көчөлөрдү, аянтты дезинфекциялоо иштерин жүргүзүүгө атайын каражаттарды жана жабдууларды, ошондой эле күйүүчү майды (бензин, солярка) жана унаа тетиктерди сатып алууга

3. Таажывирус (COVID-19) илдетин жайылтпоо максатында иштерди алып барып жаткан элдик кошундарды, жеке коргонуу каражаттар, тамак-аш менен камсыз кылууга, тосмолордо турган адамдарды акча каражаттары бөлүнсүн (тосмолорду орнотууда айылдык кеңештин депутаттары менен макулдашууга тийиш);

4. Мамлекеттик органдарга тартипти сактоого уюштуруу иш-чараларын багытталган үчүн түзүлөт волонтердук уюмдарды, элдик кошундарды жана медициналык мекемелерди атайын каражаттар жана жабдуулар менен камсыз кылууга;

5. Муниципалдык объектилерди (борбродук сейил паркы, “Жеңиш” паркы, борбордук стадион ж.б.) коргоого;

6. Сокулук айыл аймагында тазалыкты жана жашылдандырууну камсыз кылуу максатында кошумча жумушка алынган дворниктер, парк жана стадионду кароочуларга айлыгын төлөп берүү;

7. Жакыр үй-бүлөлөргө, жардамга муктаж болгон жарандарга, азык-түлүк жана жеке каражаттарын Сокулук айыл өкмөтүнүн башчысы бекиткен кошумча тизмедеги жарандарга жардам менен камсыз кылуу;

8. Сокулук айыл өкмөтүнүн башчысына негизги тизмеге кирбей калгандар жарандарды кошумча тизме менен бекитүү жана өзгөртүүлөрдү киргизгкнге макулдук берилсин

9. Сокулук айылдык кеңешинин, Сокулук айыл өкмөтүнүн жана мамлекеттик органдардын таажывирусту жайылтпоо максатына багытталган иш-чаралары тууралуу маалыматтарды жана өзгөчө кырдаал, өзгөчө абал согуштук абалдагы эрежелерди сактоого багытталган агитациялык баракчаларды таратууга, аудио каражаттарды, социалдык тармактарды жана интернетти колдонууга жумшала турган акча каражаты бөлүнсүн;

10. Жардамга муктаж болгон Сокулук айыл аймагынын тургундарына гуманитардык жардам көрсөтүүнүн тартиби жөнүндө жобо бекитилсин;

11. Ушул токтомдун 1-пунктунда көрсөтүлгөн учурлар болгон учурда, Сокулук айыл өкмөтүнүн башчысына кыргыз Республикасынын мыйзамдарынын чегинде өз алдынча иш-аракеттер планын бектиүүгө жана аткарууга уруксат берилсин. Иш-аракеттерди жүргүзүп жаткан айыл өкмөтүнүн башчысы 2 пунктта бектилиген жобо менен иш алып барсын;

12. Жергиликтүү бюджеттен сырткары демөөрчүлүк, кайрымдуулук жана донордук анын ичинде чет малекеттик булактардан келген гуманитардык жардамды айыл өкмөтүнүн башчысына өз алдынча бөлүштүрүүгө макулдук берилсин. Айтылган жардамды бөлүштүрүүдө жардамга муктаж болгон жарандык иш-жүзүндө жашаган жана каттосуна карабастан берилсин.

13. Өзгөчө кырдаал, өзгөчө абал, согуштук абал жана ошондой эле Кыргыз Республикасынын өкмөтү тарабынан киргизиле турган абалдарда уюштуруу иш-аракеттерин жүргүзүү максатында жергиликтүү бюджеттен 2020-жылга жылдыруу жолу менен кошумча акча каражаты айыл өкмөтүнүн башчысы тарабынан каралсын

14. Сокулук айыл өкмөтүнүн жооптуу катчысы Юстиция министрлигине ушул токтомду каттоо;

15. Токтомдун аткарылышын көзөмөлдөө жагы айылдык кеңешинин төрагасынын орун басары Н.Райымбердиевге жүктөлсүн.

Төрагасы

У.Акматов