906-статья. Складдык документтер

1. Товарды сактоого кабыл алгандыгын ырастоо иретинде товардык склад төмөнкү складдык документтердин бирин берет:

1) коштолгон складдык күбөлүк;

2) жөнөкөй складдык күбөлүк;

3) складдык квитанция.

2. Коштолгон складдык күбөлүк, анын эки бөлүгүнүн ар бири жана жөнөкөй складдык күбөлүк баалуу кагаздар болуп саналат. Коштолгон жана жөнөкөй складдык күбөлүктөр товардык складдарды жана складдык күбөлүктөрдү жөнгө салуу чөйрөсүндөгү мыйзамдарда каралган учурда товардык склад тарабынан берилет.

2-1. Товардык складдардын бирдиктүү мамлекеттик реестрине кирбеген товардык склад, товардык складдарды жана складдык күбөлүктөрдү жөнгө салуу чөйрөсүндөгү мыйзамдарга ылайык, складдык квитанция берүүгө гана укуктуу.

3. Коштолгон складдык күбөлүк күрөө предмети болушу мүмкүн.

(КР 2018-жылдын 21-июнундагы № 61 Мыйзамынын редакциясына ылайык)