# Кыргыз Республикасынын Президентинин 2008-жылдын 24-сентябрындагы № 339 "Кыргыз Республикасынын пенсиялык системасына топтоо бөлүгүн киргизүү боюнча чаралар жөнүндө"Жарлыгы - Толук аталышы: Кыргыз Республикасынын Президентинин 2008-жылдын 24-сентябрындагы № 339 "Кыргыз Республикасынын пенсиялык системасына топтоо бөлүгүн киргизүү боюнча чаралар жөнүндө"Жарлыгы - Актынын түрү: Указ - Номери: 339 - Кабыл алынган күнү: 24.09.2008 - Статусу: Күчүндө - Редакциянын күнү: 18.11.2010 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 18.11.2010 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Президентинин 2008-жылдын 24-сентябрындагы № 339 "Кыргыз Республикасынын пенсиялык системасына топтоо бөлүгүн киргизүү боюнча чаралар жөнүндө"Жарлыгы (18.11.2010 редакциясы) - https://aqlex.ai/kg/doc/4770 --- КЫРГЫЗ РЕСПУБЛИКАСЫНЫН ПРЕЗИДЕНТИ ЖАРЛЫК 2008-жылдын 24-сентябры ПЖ № 339 Кыргыз Республикасынын пенсиялык системасына топтоо бөлүгүн киргизүү боюнча чаралар жөнүндө (КР Президентинин 2009-жылдын 15-июлундагы ПЖ № 310 , 2010-жылдын 18-ноябры №287 Жарлыгынын редакцияларына ылайык) Кыргыз Республикасында пенсиялык системаны андан ары реформалоо, пенсия менен камсыз кылуу деңгээлин жогорулатуу, орто жана узак мөөнөттүү келечекте пенсиялык фонддун финансылык туруктуулугуна жетишүү, өлкөнүн экономикасына инвестиция катары Кыргыз Республикасынын Социалдык фондунун акчалай ресурстарын тартуу максатында ТОКТОМ КЫЛАМ: 1. Кыргыз Республикасынын пенсиялык системасына топтоо бөлүгүн киргизүүнүн тиркелген Концепциясы жактырылсын. 2. Кыргыз Республикасынын пенсиялык системасына топтоо бөлүгүн киргизүү боюнча иш-чаралардын тиркелген Планы (мындан ары - План) бекитилсин. 3. Кыргыз Республикасынын Өкмөтү жана ушул Жарлыктын жана Пландын аткарылышы үчүн жооптуу башка аткаруу бийлик органдары, ошондой эле Кыргыз Республикасынын мамлекеттик бийлигинин борбордук органдары: - Планды толук көлөмүндө жана белгиленген мөөнөттө жүзөгө ашырууну жана аткарууну камсыз кылуу боюнча толук чараларды көрсүн; - Кыргыз Республикасынын ченемдик укуктук актыларын белгиленген тартипте ушул Жарлыкка ылайык келтирсин. 4. Кыргыз Республикасынын Социалдык фонду Кыргыз Республикасынын пенсиялык системасына топтоо бөлүгүн киргизүү үчүн 2008-жылга Кыргыз Республикасынын Социалдык фондунун бюджетинин каражаттарынын эсебинен кошумча каражаттарды издеп тапсын жана зарыл сметаны бекитсин. 5. Кыргыз Республикасынын Президентинин 2003-жылдын 19-февралындагы № 56 "Кыргыз Республикасында пенсиялык системаны андан ары реформалоонун Концепциясын жактыруу жөнүндө" Жарлыгы күчүн жоготту деп табылсын. 6. Бул Жарлыктын аткарылышына контролдук кылуу милдети Кыргыз Республикасынын Президентинин Администрациясынын экономикалык жана социалдык саясат бөлүмүнө жүктөлсүн. 7. Бул Жарлык расмий жарыяланган күндөн тартып күчүнө кирет. Кыргыз Республикасынын Президенти К. Бакиев Кыргыз Республикасынын Президентинин 2008-жылдын 24-сентябрындагы № 339 жарлыгы менен бекитилген Кыргыз Республикасынын пенсиялык системасына топтоо бөлүгүн киргизүү боюнча ИШ-ЧАРАЛАРДЫН ПЛАНЫ (КР Президентинин 2009-жылдын 15-июлундагы ПЖ № 310 , 2010-жылдын 18-ноябрындагы № 287 Жарлыгынын редакцияларына ылайык) | N | Иш-чаралар | Аткаруу мөөнөттөрү | Аткаруу үчүн жооптуулар | Эскер- түү | | --- | --- | --- | --- | --- | | 1 | Пенсиялык системага топтоо бөлүгүн киргизүүгө байланыштуу өзгөртүүлөрдү жана толуктоолорду киргизүүнү талап кылган колдонуудагы ченемдик укуктук актыларды түгөлдөөнү жүргүзүү | 2008-жылдын октябрь- ноябры | Эмгек жана социалдык өнүгүү министрлиги, Социалдык фонд Экономикалык өнүгүү жана соода министрлиги, Финансы министрлиги, Финансылык рынокту көзөмөлдөө жана жөнгө салуу кызматы, Юстиция министрлиги, Улуттук банк | | | 2 | Пенсиялык системага топтоо бөлүгүн киргизүүнү эске алуу менен 2009-жылга Кыргыз Республикасынын Социалдык фондунун бюджетинин долбоорун даярдоо | 2008-жылдын октябры - 2009-жылдын январы | Социалдык фонд | | | 3 | Кыргыз Республикасынын колдонуудагы мыйзамдарына өзгөртүүлөрдү жана толуктоолорду киргизүү боюнча мыйзам долбоорлорун иштеп чыгуу: - "Кыргыз Республикасынын Социалдык фонду жөнүндө"; - "Мамлекеттик социалдык камсыздандыруу жөнүндө"; - пенсиянын топтоо бөлүгүн киргизүү, пенсиялык топтоолорду мурастоо укугу жагынан "Мамлекеттик пенсиялык социалдык камсыздандыруу жөнүндө"; - "Аскер кызматчыларын пенсия менен камсыз кылуу жөнүндө"; - жеке камсыздандыруу эсебинин атайын бөлүгүн киргизүү, инвестициялык киреше жөнүндө маалыматты берүү боюнча милдеттенмелерди белгилөө жагынан "Милдеттүү социалдык камсыздандыруу максаттары үчүн Кыргыз Республикасынын жарандарын жекече (индивидуалдуу) эсепке алуу жөнүндө"; - пенсиянын топтоо бөлүгүнө жумшалуучу камсыздандыруу взносторунун тарифтеринин ставкаларын белгилөө жагынан "Мамлекеттик социалдык камсыздандыруу боюнча камсыздандыруу взносторунун тарифтери жөнүндө"; - "Лицензиялоо жөнүндө"; - "Баалуу кагаздардын рыногу жөнүндө"; - Кыргыз Республикасынын Салык кодекси; - Кыргыз Республикасынын Жарандык кодекси | 2008-жылдын октябры - 2009-жылдын январы 2008-жылдын ноябры - 2009-жылдын январы 2008-жылдын ноябры - 2009-жылдын январы 2008-жылдын ноябры - 2009-жылдын январы 2009-жылдын июль- октябры 2008-жылдын ноябры - 2009-жылдын январы 2008-жылдын ноябры - 2009-жылдын январы 2008-жылдын ноябры - 2009-жылдын январы 2008-жылдын ноябры - 2009-жылдын январы 2008-жылдын ноябры - 2009-жылдын январы 2009-жылдын июль- декабры | Социалдык фонд Социалдык фонд Социалдык фонд Социалдык фонд Эмгек жана социалдык өнүгүү министрлиги Эмгек жана социалдык өнүгүү министрлиги, Социалдык фонд Социалдык фонд Социалдык фонд Финансылык рынокту көзөмөлдөө жана жөнгө салуу кызматы Финансылык рынокту көзөмөлдөө жана жөнгө салуу кызматы Экономикалык өнүгүү жана соода министрлиги, Юстиция министрлиги Социалдык фонд, Экономикалык өнүгүү жана соода министрлиги, Юстиция министрлиги | | | 4 | "Мамлекеттик социалдык камсыздандыруу боюнча пенсиянын топтоо бөлүгүн финансылоо үчүн каражаттарды инвестициялоо жөнүндө" Кыргыз Республикасынын Мыйзамынын долбоорун иштеп чыгуу | 2008-жылдын ноябры - 2012-жылдын январы | Социалдык фонд, Финансылык рынокту көзөмөлдөө жана жөнгө салуу кызматы | | | 5 | "Топтоо пенсиялык фонддору жөнүндө" Кыргыз Республикасынын Мыйзамынын долбоорун иштеп чыгуу | 2008-жылдын ноябры - 2009-жылдын январы | Финансылык рынокту көзөмөлдөө жана жөнгө салуу кызматы | | | 6 | Төмөнкүлөрдү иштеп чыгуу жана Кыргыз Республикасынын Өкмөтүнүн бекитүүсүнө киргизүү: - депозитарийдин кызматтарын көрсөтүү жөнүндө келишимди жана пенсиялык активдердин каражаттарын ишенимдүү башкаруу келишимдерин түзүүгө конкурсту уюштуруу жана өткөрүү тартибин; - башкаруучу компанияларга адистешкен депозитарийдин кызматтарын көрсөтүү жөнүндө типтүү келишимди; адистешкен депозитарийге талаптарды; -инвестициялык портфелдин түзүмүнө талаптарды; - пенсиялык топтоо каражаттарын инвестициялоонун эрежелерин -пенсиялык топтоолордун каражаттары менен операцияларды жүзөгө ашырган брокерлерге талаптарды | 2009-жылдын июлу-2012- жылдын октябры 2009-жылдын июлу-2012-ж октябры 2009-жылдын июлу-2012-ж октябры 2009-жылдын июлу-2012-ж октябры 2009-жылдын июлу-2012-ж октябры 2009-жылдын июлу-2012-ж октябры | Финансылык рынокту көзөмөлдөө жана жөнгө салуу кызматы, Кыргыз Республикасынын Өкмөтүнө караштуу Сатып алуулар жана материалдык резервдер боюнча мамлекеттик агенттик Финансылык рынокту көзөмөлдөө жана жөнгө салуу кызматы Финансылык рынокту көзөмөлдөө жана жөнгө салуу кызматы Финансылык рынокту көзөмөлдөө жана жөнгө салуу кызматы Социалдык фонд Финансылык рынокту көзөмөлдөө жана жөнгө салуу кызматы, Улуттук банк, Социалдык фонд Финансылык рынокту көзөмөлдөө жана жөнгө салуу кызматы | | КР Президентинин 2009-жылдын 15-июлундагы ПЖ № 310 Жарлыгына ылайык күчүн жоготту | 8 | Пенсиялык топтоолордун каражаттарын түзүү жана инвестициялоо чөйрөсүндө жөнгө салуу, контролдоо жана көзөмөлдөө боюнча ыйгарым укуктуу органды аныктоо | 2009-жылдын октябры | Кыргыз Республикасынын Өкмөтү, Финансылык рынокту көзөмөлдөө жана жөнгө салуу кызматы, Улуттук банк, Социалдык фонд | | | --- | --- | --- | --- | --- | | 9 | Пенсиянын топтоо бөлүгүн финансылоого жумшалуучу акча каражаттарын эсепке алуу үчүн жеке камсыздандыруу эсептеринин атайын бөлүгүн киргизүү | 2009-жылдын апрель- декабры | Социалдык фонд | | | 10 | Пенсиянын топтоо бөлүгүн киргизүүгө байланыштуу төмөнкүлөрдү эсепке алууну өркүндөтүү: - камсыздандыруу взносторун; - инвестициялык кирешени | 2009-жылдын апрель- декабры | Социалдык фонд | | | 11 | Топтоо системасын киргизүүнүн маңызы жөнүндө жалпыга маалымдоо каражаттары аркылуу маалыматтык ишти жүргүзүү | дайыма | Эмгек жана социалдык өнүгүү министрлиги, Социалдык фонд | |