42-статья. Кыргыз Республикасынын мамлекеттик

санитардык-эпидемиологиялык кызмат тутумун уюштуруунун

жана анын ишинин негизги принциптери

Кыргыз Республикасынын мамлекеттик санитардык-эпидемиологиялык

кызматы - Кыргыз Республикасында мамлекеттик санитардык-эпидемиология-

лык көзөмөлдү жүзөгө ашыруучу органдар менен мекемелердин бирдиктүү

борборлошкон тутуму.

Кыргыз Республикасынын мамлекеттик санитардык-эпидемиологиялык

кызматынын тутуму:

- Кыргыз Республикасында мамлекеттик санитардык-эпидемиологиялык

көзөмөлдү жүзөгө ашырууга ыйгарым укук берилген мамлекеттик аткаруу

бийлик органын;

- областтарда, шаарларда, райондордо, ошондой эле Коргоо минист-

рлигинде, Ички иштер министрлигинде, жана башка министрликтерде жана

ведомстволордо мамлекеттик санитардык-эпидемиологиялык көзөмөлдү жүзөгө

ашыруу үчүн мыйзамда белгиленген тартипте түзүлгөн Кыргыз Республикасы-

нын мамлекеттик санитардык-эпидемиологиялык кызматынын органдарын жана

мекемелерин;

- Кыргыз Республикасында мамлекеттик санитардык-эпидемиологиялык

көзөмөлдү камсыз кылуу максатында өз ишин жүзөгө ашырышкан мамлекеттик

илимий-изилдөө жана башка мекемелерди камтыйт.

Кыргыз Республикасынын мамлекеттик санитардык-эпидемиологиялык

кызматы тутумунун ишин уюштурууну Кыргыз Республикасынын башкы мамле-

кеттик санитардык врачы, анын орун басары, ошондой эле областтардын,

шаарлардын, райондордун, Коргоо министрлигинин, Ички иштер министрлиги-

нин жана башка министрликтер менен ведомстволордун башкы мамлекеттик

санитардык врачтары жүзөгө ашырышат.

Башкы мамлекеттик санитардык-врачтар мамлекеттик санитардык-эпиде-

миологиялык көзөмөлдү жүзөгө ашыруучу Кыргыз Республикасынын мамлекет-

тик санитардык-эпидемиологиялык кызматынын тийиштүү органдары менен ме-

кемелеринин жетекчилери болуп саналышат, төмөнкү тургандардын жогорку-

ларга жана Кыргыз Республикасынын башкы мамлекеттик санитардык врачына

баш ийүүсүнүн негизинде иштешет.

Кыргыз Республикасынын мамлекеттик санитардык-эпидемиологиялык

кызматынын курамы, анын милдеттери, функциялары жана анын ишин жүзөгө

ашыруунун тартиби Кыргыз Республикасынын Өкмөтү бекиткен Кыргыз Респуб-

ликасынын мамлекеттик санитардык-эпидемиологиялык кызматы жөнүндөгү жо-

бо менен белгиленет.