Аккаунтту тууралаңыз

Текшерүү
ИздөөУказ

КР Президентинин ПЖ № 11 «Россия Федерациясынын Новосибирск шаарындагы Кыргыз Республикасынын Башкы консулдугун түзүү жөнүндө» Жарлыгы

Указ2019-жылдын 23-январы, № 11Күчүндөред.: 2019-жылдын 23-январы

Бул документ боюнча сурооңуз барбы?

ЖИ мыйзамдын тексти боюнча жооп берет · акысыз

Айына ЖИнин 40 жообу - акысыз. Банк картасы керек эмес.

КЫРГЫЗ РЕСПУБЛИКАСЫНЫН ПРЕЗИДЕНТИ ЖАРЛЫК 2019-жылдын 23-январы ПЖ № 11 Россия Федерациясынын Новосибирск шаарындагы Кыргыз Республикасынын Башкы консулдугун түзүү жөнүндө Кыргыз Республикасынын Конституциясынын 65-беренесине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10-беренесинин 1-бөлүгүнүн 9-пунктуна ылайык, "Кыргыз Республикасынын дипломатиялык кызматы жөнүндө" Кыргыз Республикасынын Мыйзамынын 5-беренесинин 2-бөлүгүн жетекчиликке алып, Кыргыз Республикасынын Россия Федерациясынын региондору менен ар тараптуу байланыштарын активдештирүү жана өнүктүрүү, экономикалык жана маданий кызматташтыкты кеңейтүү, ошондой эле Кыргыз Республикасынын Россия Федерациясындагы жарандарын консулдук тейлөө максатында ТОКТОМ КЫЛАМ:

1. Россия Федерациясынын Алтай Республикасынын, Алтай крайынын, Кемеров, Новосибирск, Омск жана Томск облустарынын аймагын камтыган консулдук округу менен Россия Федерациясынын Новосибирск шаарындагы Кыргыз Республикасынын Башкы консулдугу бир эле мезгилде бул аймактарды Екатеринбург шаарындагы Кыргыз Республикасынын Башкы консулдугунун консулдук округунан чыгаруу менен жана Екатеринбург шаарындагы аталган Башкы консулдуктун филиалын - Новосибирск шаарындагы Вице-консулдукту жабуу менен түзүлсүн.

2. Кыргыз Республикасынын Өкмөтү Новосибирск шаарындагы Кыргыз Республикасынын Башкы консулдугунун ишин уюштуруучулук жана финансылык жактан камсыз кылуу маселелерин чечсин.

3. Бул Жарлыктын аткарылышын контролдоо Кыргыз Республикасынын Президентинин Аппаратынын тышкы саясат бөлүмүнө жүктөлсүн.

4. Бул Жарлык расмий жарыяланган күндөн баштап 7 күн өткөндөн кийин күчүнө кирет.

"Эркин Тоо" газетасынын 2019-жылдын 25-январында N 5 жарыяланды

Кыргыз Республикасынын Президенти

С.Жээнбеков

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт.

Айына ЖИнин 40 жообу - акысыз. Банк картасы керек эмес.

Документтин байланыштары

шилтеме берет: 3 · цитата келтиргендер: 2 · байланышкандар: 1

Цитата келтиргендер (2)

Шилтеме берет (3)

Байланышкан документтер (1)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.