Ош шаардык кеңешинин «Ош шаарынын А.Шакиров көчөсүндөгү 489 түп даракты кыюуга уруксат берүү жөнүндө» токтому

ОШ ШААРДЫК КЕҢЕШИ ТОКТОМ ОШ ШААРДЫК КЕҢЕШИНИН КЕЗЕКТЕГИ XX СЕССИЯСЫ (IV ЧАКЫРЫЛЫШ) 2019-жылдын 14-майы № 175 Ош шаарынын А.Шакиров көчөсүндөгү 489 түп даракты кыюуга уруксат берүү жөнүндө

Ош шаарынын мэриясынын 2019-жылдын 2-апрелиндеги, Ош шаарындагы А.Шакиров атындагы көчөнү реконструкциялоого байланыштуу реконструкция иштерин жүргүзүүгө тоскоолдук берүүчү 489 түп даракты кыйууга уруксат берүү жөнүндөгү №260/08-13 катын карап жана талкуулап, Кыргыз Республикасынын Жер кодексинин 78-беренесинин 4-пунктуна ылайык, Ош шаардык Кеңешинин архитектура, курулуш, муниципалдык менчик, мүлк, экология, агрардык жана өзгөчө кырдаалдар боюнча туруктуу депутаттык комиссиясынын 2019-жылдын 4-апрелиндеги отурумунун №13 токтомун, ошондой эле сессияда чыгып сүйлөгөн депутаттардын сунуштарын эске алып, Ош шаардык Кеңеши ТОКТОМ КЫЛАТ:

1. Ош шаарынын А.Шакиров көчөсүндөгү 489 түп даракты, мыйзам чегинде, кыюуга макулдук берилсин.

2. Ош шаарынын мэриясына (Т.Сарыбашов) кыйылган бир түп дарактын ордуна эки түп дарак отургузуу тапшырылсын.

3. Бул токтом мыйзамда каралган тартипте катталсын (Б.Баймурат уулу) жана массалык маалымат каражаттарына жарыялансын (А.Эргашева).

4. Токтомдун аткарылышын көзөмөлдөө Ош шаардык Кеңешинин архитектура, курулуш, муниципалдык менчик, мүлк, экология, агрардык жана өзгөчө кырдаалдар маселелери боюнча туруктуу депутаттык комиссиясына (Н.Рашев) жүктөлсүн.

Төрага

Ж.Ормонов