# Үч-Терек айылдык кеңешинин 2018-жылдын 7-июнундагы № 67 “Үч-Терек айыл өкмөтүнө караштуу Саргата айылындагы «Кум-Бел» карьерин убактылуу ачуу жана пайдалануу үчүн макулдук берүү жөнүндө” токтому - Толук аталышы: Үч-Терек айылдык кеңешинин 2018-жылдын 7-июнундагы № 67 “Үч-Терек айыл өкмөтүнө караштуу Саргата айылындагы «Кум-Бел» карьерин убактылуу ачуу жана пайдалануу үчүн макулдук берүү жөнүндө” токтому - Актынын түрү: Постановление - Номери: 67 - Кабыл алынган күнү: 07.06.2018 - Статусу: Күчүндө - Редакциянын күнү: 07.06.2018 - Тексттин тили: кыргыз тили - aqlex'теги барагы: - Расмий булак: > Текст расмий булактын маалыматы боюнча 07.06.2018 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Үч-Терек айылдык кеңешинин 2018-жылдын 7-июнундагы № 67 “Үч-Терек айыл өкмөтүнө караштуу Саргата айылындагы «Кум-Бел» карьерин убактылуу ачуу жана пайдалануу үчүн макулдук берүү жөнүндө” токтому (07.06.2018 редакциясы) - https://aqlex.ai/kg/doc/414382 --- УЧ-ТЕРЕК АЙЫЛДЫК КЕӉЕШИ ТОКТОМ VII-чакырылышынын кезектеги XVII -сессиясы 2018-жылдын 7-июну № 67 “Үч-Терек айыл өкмөтүнө караштуу Саргата айылындагы «Кум-Бел» карьерин убактылуу ачуу жана пайдалануу үчүн макулдук берүү жөнүндө” 2018-жылдын жаз,жай айлары жаанчыл болгондугуна байланыштуу айыл өкмөтүнө караштуу ички чарбалык жолдорду жана жайыт жолдорун,көпүрөлөрдү мезгил-мезгили менен сел алып пайдаланууга жараксыз абалга алып келип жаткандыгын жана сел алган жолдорду,көчөлөрдү калыбына келтирүү максатында Кыргыз Республикасынын Өкмөтүнүн 14-декабрь 2012-жылдагы № 834 токтомунун 19-пунктуна ылайык,Саргата айылындагы«Кум-Бел» карьерин ачып,убактылуу пайдалануу,сел алган жолдорго,көпүрөлөргө кум-шагыл төгүп калыбына келтирүү максатында Үч-Терек айылдык кеңешинин кезектеги ХVII- сессиясы ТОКТОМ КЫЛАТ: 1. Кыргыз Республикасынын Өкмөтүнүн 14-декабрь 2012-жылдагы № 834 токтомунун 19-пунктуна ылайык, Үч-Терек айыл өкмөтүнө караштуу ички чарбалык жолдорду, көпүрөлөрдү калыбына келтирүү,ремонттоо,кум-шагыл төгүү үчүн Саргата айылындагы «Кум-Бел» карьерин ачып,убактылуу пайдаланууга макулдук берилсин. 2.«Кум-Бел» карьеринен кум-шагыл алып,Үч-Терек,Кызыл-Ураан,Саргата,Такталык,Жетиген айылдарынын жолдорун ремонттон өткөрүү жагы айыл өкмөт башчысына милдеттендирилсин. 3.Бул токтомдун аткарылышын көзөмөлдөө жагы агрардык маселелер боюнча туруктуу комиссиясынын төрагасы Т.Оморовго тапшырылсын. 4.Бул токтом www.uch-terek.kg сайтына жарыяланган күндөн тартып мыйзамдуу күчүнө кирет. 5.Токтом мамлекеттик тилде гана кабыл алынды. Төрага Ж.Сейдалиева