# Ош шаардык кеңешинин 2016-жылдын 26-декабрындагы № 59 "Жергиликтүү бюджеттен кошумча акча каражаттарын бөлүп берүү жөнүндө" токтому - Толук аталышы: Ош шаардык кеңешинин 2016-жылдын 26-декабрындагы № 59 "Жергиликтүү бюджеттен кошумча акча каражаттарын бөлүп берүү жөнүндө" токтому - Актынын түрү: Постановление - Номери: 59 - Кабыл алынган күнү: 26.12.2016 - Статусу: Күчүндө - Редакциянын күнү: 26.12.2016 - Тексттин тили: кыргыз тили - aqlex'теги барагы: - Расмий булак: > Текст расмий булактын маалыматы боюнча 26.12.2016 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Ош шаардык кеңешинин 2016-жылдын 26-декабрындагы № 59 "Жергиликтүү бюджеттен кошумча акча каражаттарын бөлүп берүү жөнүндө" токтому (26.12.2016 редакциясы) - https://aqlex.ai/kg/doc/40212 --- ОШ ШААРДЫК КЕӉЕШИ ТОКТОМ Ош шаардык кеңешинин кезектеги VI сессиясы(IV чакырылыш) 2016-жылдын 26-декабры № 59 Жергиликтүү бюджеттен кошумча акча каражаттарын бөлүп берүү жөнүндө Ош шаарынын мэриясынын, атуулдардын жана мекеме-уюмдардын жергиликтүү бюджеттен кошумча акча каражаттарын бөлүп берүү жөнүндөгү каттарын карап жана талкуулап, Ош шаардык Кеңешинин бюджет, экономика жана өнөр-жай маселелери боюнча туруктуу депутаттык комиссиясынын отурумунун 2016-жылдын 6-декабрындагы №14 жана 2016-жылдын 14-декабрындагы №16-токтомдорун, ошондой эле сессиянын жүрүшүндө депутаттар тарабынан айтылган сунуштарды эске алып, Ош шаардык Кеңеши ТОКТОМ КЫЛАТ 1. Ош шаарынын бюджетинен Ош шаардык ички иштер башкармалыгынын имаратынын чатырын оңдоп-түзөөгө бөлүнгөн каражаттын эсебинен үнөмдөлгөн 300 миң сом акча каражатын Ош шаарынын мэриясынын 2016-жылдын аягына чейинки ар түрдүү иш-чараларын каржылоо үчүн бөлүп берүүгө макулдук берилсин. 2. Ош шаарынын мэриясынын жолдор башкармалыгынын жаңы Жобосунун негизинде түзүлүп жаткан жумушчу тобунун эмгек акысына ай сайын жергиликтүү бюджеттен төмөндөгүдөй үстөк акы белгиленсин: -жумушчуларга 6875 сом. -айдоочуларга 4625 сом. 3. Бул токтом мыйзамда каралган тартипте катталсын (М.Давляев) жана массалык маалымдоо каражаттарына жарыялансын (А.Эргашева). 4. Токтомдун аткарылышын көзөмөлдөө Ош шаардык Кеңешинин бюджет, экономика жана өнөр-жай маселелери боюнча туруктуу депутаттык комиссиясына (А. Батыров) жүктөлсүн. Төрага Ж. Ормонов