7-статья. Жарандык коргонуу тармагында министрликтер, мамлекеттик

комитеттер жана административдик ведомстволордун ыйгарым укуктары

Министрликтер, мамлекеттик комитеттер жана административдик ве- домстволор өз ыйгарым укуктарынын чектеринде жана Кыргыз Республикасы- нын мыйзамдарында жана башка нормативдик укуктук актыларында белгилен- ген тартипте:

- жарандык коргонуу тармагында нормативдик укуктук актыларды кабыл

алат, алардын талаптарын уюмдарга жеткирет жана аткарылышын контрол- дойт;

- жарандык коргонуу тармагындагы милдеттерди чечүүгө атайын ыйга-

рым укуктуу, аткаруучу бийликтин борбордук органдары менен макулдашыл- ган жарандык коргонуу пландарын иштеп чыгат жана жүзөгө ашырат, зарыл күчтөрдү жана каражаттарды даярдоону кошо алганда жарандык коргонуу бо- юнча иш чараларды уюштурат;

- тынчтык жана согуш мезгилинде экономиканын туруктуу иштешине жа-

на калктын жашоосу үчүн зарыл керектүү объекттерди сактоого багытталган чараларды көрөт;

- жарандык коргонууну башкаруунун техникалык тутумун тынчтык мез-

гилинде дайыма даяр абалда болушун камсыз кылат;

- жарандык коргонуу максатында тынчтык мезгилинде материалдык -

техникалык, азык-түлүк, медициналык жана башка каражаттардын корлорун түзөт жана кармап турат.

III Глава Жарандык коргонуу тармагында жергиликтүү мамлекеттик администрациялардын, жергиликтүү өз алдынча башкаруу органдарынын, уюмдардын ыйгарым укуктары, Кыргыз Республикасынын жарандарынын укуктары жана милдеттери