# КР Өкмөтүнүн 1999-жылдын 24-мартындагы N 166 "Кыргыз Республикасынын аба транспортунун эксплуатанттарын сертификациялоо жөнүндө Жобону бекитүү тууралу" Токтому

- Толук аталышы: КР Өкмөтүнүн 1999-жылдын 24-мартындагы N 166 "Кыргыз Республикасынын аба транспортунун эксплуатанттарын сертификациялоо жөнүндө Жобону бекитүү тууралу" Токтому
- Актынын түрү: Постановление
- Номери: 166
- Кабыл алынган күнү: 24.03.1999
- Редакциянын күнү: 07.02.2009
- Тексттин тили: кыргыз тили
- aqlex'теги барагы: <https://aqlex.ai/kg/doc/33259>
- Расмий булак: <https://cbd.minjust.gov.kg/7-3258/edition/340081/ru>
- Башка тилдеги тексти (Markdown): <https://aqlex.ai/doc/33259.md>

> Текст расмий булактын маалыматы боюнча 07.02.2009 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 1999-жылдын 24-мартындагы N 166 "Кыргыз Республикасынын аба транспортунун эксплуатанттарын сертификациялоо жөнүндө Жобону бекитүү тууралу" Токтому (07.02.2009 редакциясы) - https://aqlex.ai/kg/doc/33259

---

КР Өкмөтүнүн 2009-жылдын 7-февралындагы N 86 токтомуна ылайык колдонулушу токтотулду

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

1999-жылдын 24-марты N 166

Кыргыз Республикасынын аба транспортунун эксплуатанттарын сертификациялоо жөнүндө Жобону бекитүү тууралу

Кыргыз Республикасынын Аба кодексинин авиаишканаларды, граждандык авиацияда ишкердик жүргүзгөн жеке эксплуатанттарды сертификациялоону, лицензиялоону жана инспекциялоону жөнгө салуучу кабыл алынган нормаларына ылайык Кыргыз Республикасынын Өкмөтү токтом кылат:

1. Кыргыз Республикасынын аба транспортунун эксплуатанттарын сертификациялоо жөнүндө тиркелген Жобо бекитилсин.

2. Кыргыз Республикасынын Транспорт жана коммуникациялар министрлиги ушул токтом менен бекитилген Жобого ылайык бир айдын ичинде Кыргыз Республикасынын аба транспортунун эксплуатанттарын сертификациялоо жана инспекциялоо процедуралары боюнча Нускаманы иштеп чыгып, бекитип, колдонууга киргизсин жана анын аткарылышына контролдукту камсыз кылсын.

3. Кыргыз Республикасынын Өкмөтүнүн 1992-жылдын 22-июнундагы N 292 "Кыргыз Республикасында граждандык авиациянын аба кемелеринин эксплатанттарын мамлекеттик каттоо, сертификациялоо жана инспекциялоо жөнүндө" токтому күчүн жоготту деп табылсын.

4. Бул токтомдун аткарылышын көзөмөлдөө Кыргыз Республикасынын Транспорт жана коммуникациялар министрлигине жүктөлсүн.

5. Токтом массалык маалымат каражаттарында жарыялансын.

Вице-премьер-министр Б.Силаев