Шопоков шаардык кеңешинин “Шопоков шаардык кеңешинин 2014–жылдын 25 майында кабыл алынган № 62 Токтомуна өзгөртүү киргизүү жөнүндө” токтому

ШОПОКОВ ШААРДЫК КЕӉЕШИ ТОКТОМ Шопоков шаардык кеңешинин 8-чи чакырылышынын ХVIII кезексиз сессиясы

2015-жылдын 15-январы № 84 “Шопоков шаардык кеңешинин 2014–жылдын 25 майында кабыл алынган № 62 Токтомуна өзгөртүү киргизүү жөнүндө” Социалдык чөйрө мекемелеринде тамак – аштын акчалай нормалары жөнүндө Кыргыз Республикасынын Өкмөтүнүн 2008–жылдын 15-январындагы № 7 токтомуна ылайык “Наристе” бала бакчасындагы тамак – аштын акчалай нормасына жана башка чыгымдарына өзгөртүү киргизүү боюнча Шопоков шаарынын мэриясынын кайрылуусунун негизинде, Шопоков шаардык депутаттар кеңеши ТОКТОМ КЫЛАТ:

1.“Наристе” бала бакчасында тамак – аштын жана башка чыгымдардын акчалай нормаларын төмөнүчө белгилөө:

- Бюджеттик мекемелерде иштеген ата – энелер үчүн күнүнө – 45 сом, анын ичинен:

- 18 сом ата – энелер төлөшөт

- 18 сом шаардык бюджеттен бөлүнөт, ошондой эле ата – энелер чогулушунун чечимине ылайык, тамак - ашты жакшыртуу максатында, кошумча 9 сом ата – энелердин ыктыярдуу төгүмүнүн эсебинен бөлүнсүн жана бул сумма кайра эсептелүүгө тийиштүү, эгерде бөбөк, бала бакчага келбей калса.

- Бюджеттик эмес мекемелерде иштеген ата – энелер үчүн күнүнө – 75 сом, анын ичинен:

- 36 сом тамак – ашка сарпталат, ошондой эле кошумча 9 сом ата - энелердин ыктыярдуу төгүмүнүн эсебинен бөлүнсүн жана бул сумма кайра эсептелүүгө тийиштүү, эгерде бөбөк, бала бакчага келбей калса.

- 30 сом башка чыгымдарга сарпталат.

Төрага

А. Демьянов