Талас шаардык кенешинин «“Ата мекен” партиясынын депутаты Ө.Абдырахманов кыргыз улутунун башкы идеологиясы болгон Манас атабыздын ыйык атына каралоо сөздөрдү айтканына байланыштуу өз күнөөсүн моюнуна алып, жалпы кыргыз журтчулугунан кечирим суроосу жөнүндө Талас шаарынын жалпы депутаттарынын Кайрылуусу жөнүндө» токтому

ТАЛАС ШААРДЫК КЕӉЕШИ ТОКТОМ 2011-жылдын 31-майы №171/25-5 “Ата мекен” партиясынын депутаты Ө.Абдырахманов кыргыз улутунун башкы идеологиясы болгон Манас атабыздын ыйык атына каралоо сөздөрдү айтканына байланыштуу өз күнөөсүн моюнуна алып, жалпы кыргыз журтчулугунан кечирим суроосу жөнүндө Талас шаарынын жалпы депутаттарынын Кайрылуусу жөнүндө 2011 – жылдын 19 майында №18 (137) санында“Асман пресс” гезитинде “Ата Мекен” партиясынын депутаты Ө.Абдырахманов Манас Ата тууралу айткан сөздөрү коомчулук арасында нааразычылык жараткандыгы жана бул көрүнүш боюнча коомчулук алдында жооп берилишин эске алып, Депутаттардын Талас шаардык кеңеши ТОКТОМ КЫЛАТ:

1.“Ата мекен” партиясынын депутаты Ө.Абдырахманов кыргыз улутунун башкы идеологиясы болгон Манас атабыздын ыйык атына каралоо сөздөрдү айтканына байланыштуу өз күнөөсүн моюнуна алып, жалпы кыргыз журтчулугунан кечирим суроосу жөнүндө Талас шаарынын жалпы депутаттарынын Кайрылуусу кабыл алынсын.

2. Кыргыз Республикасынын Жогорку кеңешинин төрагасы А.Келдибековго, “Ата Мекен” социалисттик Партиясынын лидери Ө.Текебаевге Кайрылуу жөнөтүлсүн.

3. Кабыл алынган токтом “Жаңы Багыт” гезитине жарыялансын.

4. Токтомдун аткарылышын көзөмөлдөө жагы депутаттардын Талас шаардык кеңешинин жоопту катчысына (А.Сариева) жүктөлсүн.

Талас шаардык кеӊешинин төрагасы

А.Джусупбеков