Кызыл-Кыя шаардык кенешинин «Кызыл-Кыя шаарындагы маршруттук каттамдардагы микроавтобустардын жүргүнчүлөрдү ташуу боюнча тарифин бекитүү жөнүндө» токтому

КЫЗЫЛ-КЫЯ ШААРДЫК КЕӉЕШИ ТОКТОМ 2011 – жылдын 23– ноябры №28/157 Кызыл-Кыя шаарындагы маршруттук каттамдардагы микроавтобустардын жүргүнчүлөрдү ташуу боюнча тарифин бекитүү жөнүндө Күн тартибиндеги маселени карап жана талкуулап чыгып, шаардык кеңештин ишкерлер, өнөр-жай, курулуш, транспорт, коммуникация жана агрардык маселелери боюнча туруктуу комиссиясынын чечимин, азыркы убакыта күйүчү–майлоочу майлардын, автоунаа тетиктеринин бааларынын кескин түрдө жогорулап жаткандыгын эске алып, Кыргыз Республикасынын Өкмөтүнүн 2001-жылдын 8-майындагы №217 токтомуна жана “Жергиликтүү өз алдынча башкаруу жөнүндө” Кыргыз Республикасынын 2011–жылдын 15–июлундагы №101 Мыйзамынын 31–беренесине негиз, Кызыл-Кыя шаардык кеңешинин сессиясы ТОКТОМ КЫЛАТ:

1.Кызыл-Кыя шаарынын маршруттук каттамдардагы микроавтобустардын шаар ичиндеги жүргүнчүлөрдү ташууда бир жүргүнчүгө 10 сом өлчөмүндө акы алуу бекитилсин.

2.Милдеттендирилсин шаар ичиндеги маршруттук каттамдарды тейлеген автоунаа мекемесинин жетекчилигине жүргүнчүлөрдү ташуунун графиктерин жана автоунаалардын маршруттарын толук сактоо жагы.

3.Ушул токтомдун аткарылышын көзөмөлгө алуу жагы шаардык кеңештин ишкерлер, өнөр-жай, курулуш, транспорт, коммуникация жана агрардык маселелери боюнча туруктуу комиссиясына тапшырылсын.

Кызыл–Кыя шаардык кеңешинин төрагасы

М.Эранов