# Бишкек шаардык кеңешинин 2011-жылдын 13-октябрындагы № 276 "Депутаттардын Бишкек шаардык Кеңешинин 2002-жылдын 22-майындагы № 127 токтому менен бекитилген "Бишкек шаарынын коммуналдык менчигинде турган кыймылсыз объектке чектелген буюмдук укуктарды берүү тартиби жөнүндө" жобого өзгөртүүлөрдү киргизүү жөнүндө" токтому - Толук аталышы: Бишкек шаардык кеңешинин 2011-жылдын 13-октябрындагы № 276 "Депутаттардын Бишкек шаардык Кеңешинин 2002-жылдын 22-майындагы № 127 токтому менен бекитилген "Бишкек шаарынын коммуналдык менчигинде турган кыймылсыз объектке чектелген буюмдук укуктарды берүү тартиби жөнүндө" жобого өзгөртүүлөрдү киргизүү жөнүндө" токтому - Актынын түрү: Постановление - Номери: 276 - Кабыл алынган күнү: 13.10.2011 - Статусу: Күчүн жоготкон - Редакциянын күнү: 14.01.2020 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 14.01.2020 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Бишкек шаардык кеңешинин 2011-жылдын 13-октябрындагы № 276 "Депутаттардын Бишкек шаардык Кеңешинин 2002-жылдын 22-майындагы № 127 токтому менен бекитилген "Бишкек шаарынын коммуналдык менчигинде турган кыймылсыз объектке чектелген буюмдук укуктарды берүү тартиби жөнүндө" жобого өзгөртүүлөрдү киргизүү жөнүндө" токтому (14.01.2020 редакциясы) - https://aqlex.ai/kg/doc/24658 --- Бишкек шаардык кеңешинин 2020-жылдын 14-январындагы № 143 токтомуна ылайык КҮЧҮН ЖОГОТТУ БИШКЕК ШААРДЫК КЕӉЕШИ ТОКТОМ 2011-жылдын 13-октябры № 276 Депутаттардын Бишкек шаардык Кеңешинин 2002-жылдын 22-майындагы № 127 токтому менен бекитилген "Бишкек шаарынын коммуналдык менчигинде турган кыймылсыз объектке чектелген буюмдук укуктарды берүү тартиби жөнүндө" жобого өзгөртүүлөрдү киргизүү жөнүндө Кыргыз Республикасынын "Мүлккө муниципалдык менчик жөнүндө", "Жергиликтүү өз алдынча башкаруу жана жергиликтүү мамлекеттик администрация жөнүндө" мыйзамдарына ылайык, Бишкек шаарынын муниципалдык менчигин пайдалануунун максималдуу натыйжалуулугун жана ачыктыгын камсыздоо максатында, Бишкек шаардык кеңеш токтом кылат: 1. Депутаттардын Бишкек шаардык кеңешинин 2002-жылдын 22-майындагы № 127 токтому менен бекитилген "Бишкек шаарынын коммуналдык менчигинде турган кыймылсыз объектке чектелген буюмдук укуктарды берүү тартиби жөнүндө" жобого төмөндөгүдөй өзгөртүүлөр киргизилсин: - Депутаттардын Бишкек шаардык кеңешинин 2002-жылдын 22-майындагы № 127 токтому менен бекитилген "Бишкек шаарынын коммуналдык менчигинде турган кыймылсыз объектке чектелген буюмдук укуктарды берүү тартиби жөнүндө" жобонун 138-пунктунун 2-абзацы төмөндөгүдөй редакцияда баяндалсын: "Бишкек шаарынын муниципалдык менчигинин объекттеринин реестри "ММ" тизмесинен жана кийинки толуктоолор менен кабыл алынган "ММ" тизмесинен турат. Реестр төмөнкү негизги маалыматтарды камтууга тийиш: - объекттерди сүрөттөө; - объекттердин жайгашкан ордун көрсөтүү; - жергиликтүү өз алдынча башкаруу органдары же башка юридикалык же жеке жактар ээлеген муниципалдык менчиктин объектине тиешелүүлүгүн далилдөөчү документтер; - объекттерди пайдаланууга чектөөлөрдүн тизмеги; - объекттердин баланстык наркы; - сынакты уткан жактын атын (аталышын), баасын жана башка шарттарды жана рыноктук ижара акы менен ижара келишими боюнча чектөөлөрдү кошо сынактын жыйынтыктары жөнүндө маалыматтар (сынак аркылуу объектти өткөрүп берген учурда); - мүлккө муниципалдык менчиктин объекттеринин спецификасы жана пайдаланылышы менен байланышкан башка маалымат. Башкармалык жыл сайын: - 10-январдан кеч эмес 1-4 Тизмени жана Тизмекти белгиленген тартипте Бишкек шаардык кеңешке бекитүүгө киргизет; - 10-февралдан кеч эмес муниципалдык менчиктин объекттеринин реестрин Бишкек шаардык кеңешке бекитүүгө киргизет; - реестрди бекитүүнүн алдында Башкармалык өткөн жыл үчүн реестр боюнча Бишкек шаардык кеңешке отчет берет. Реестр эки нускада бекитилет. Бир нускасы Бишкек шаардык кеңеште, экинчи нускасы Башкармалыкта болот.". 2. Бул токтом каттоодон өткөрүлсүн жана Кыргыз Республикасынын ченемдик-укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн. 3. Бул токтомдун аткарылышын контролдоо Бишкек шаардык кеңештин муниципалдык мүлк жана жер маселелери боюнча туруктуу комиссиясына (Адылбеков А.Е.) жана Бишкек шаарынын вице-мэри Б.О.Дюшембиевге жүктөлсүн. Бишкек шаардык кеңешинин Төрагасы М.Аманкулов