Ош шаардык кенешинин «Депутаттардын Ош шаардык Кеёешинин 2010-жылдын 20-январындагы №144-токтому менен бекитилген „Турак-жай коммуналдык кызматына тлън\\ч\ субсидияларды жарандарга бер\\н\н тартиби жън\ндъ“ Жобого толуктоолорду жана ъзгърт\\лърд\ киргиз\\ жън\ндъ» Токтому

ОШ ШААРДЫК КЕӉЕШИ ТОКТОМ 2010-жыл 20-май № 167

ДЕПУТАТТАРДЫН ОШ ШААРДЫК КЕНЕШИНИН КЕЗЕКТЕГИ XХI СЕССИЯСЫ (II чакырылышы)

Депутаттардын Ош шаардык Кеӊешинин 2010-жылдын 20-январындагы №144-токтому менен бекитилген "Турак-жай коммуналдык кызматына төлөнүүчү субсидияларды жарандарга берүүнүн тартиби жөнүндө" Жобого толуктоолорду жана өзгөртүүлөрдү киргизүү жөнүндө Ош шаарынын мэриясынын 2010-жылдын 6-апрелиндеги № 146-08-6- шаардык Кеӊешинин 2010-жылдын 20-январындагы №144-токтому менен бекитилген "Турак-жай коммуналдык кызматына төлөнүүчү субсидияларды жарандарга берүүнүн тартиби жөнүндө" Жобого толуктоолорду жана өзгөртүүлөрдү киргизүү жөнүндөгү катын карап чыгып, бул маселе боюнча шаардын вице мэри Б.Аманбаевдин маалыматын угуп жана талкуулап, ошондой эле сессияда айтылган депутаттардын ой-пикирлерин, сунуштарын эске алып, депутаттардын Ош шаардык Кеӊеши

ТОКТОМ КЫЛАТ :

1.Депутаттардын Ош шаардык Кеӊешинин 2010-жылдын 20-январындагы

№ 144-токтому менен бекитилген "Турак-жай коммуналдык кызматына төлөнүүчү субсидияларды жарандарга берүүнүн тартиби жөнүндө" Жобого төмөндөгүдөй толуктоолор жана өзгөртүүлөр киргизилсин:

1.1. Жобонун биринчи бөлүгү төмөндөгү пункттар менен толукталсын:

- "1.7. үй-бүлөөгө эсептелген жылуулук менен камсыз болгон турак-жай аянты 14 чарчы метрге чейин болсо, аз камсыз болгон жарандын арызынын негизинде төлөмү-баракчасында көрсөтүлгөн сумма турак-жай субсидиясы катары төлөнүп берилет".

- "1.8. Борбордук жылуулук системасынан ажыратылган батирде жашап, бирок батири аркылуу өткөн жылуулук түтүкчөсү (стояк) аркылуу өткөн жылуулук үчүн жылуулук берүүчү мекемелерден төлөмө-баракчасын алган жаранга төлөмө-баракчасындагы көрсөтүлгөн сумма турак-жай субсидиясы катары төлөнүп берилет".

1.2. 2.2. пунктунун биринчи абзацы "бирдиктүү айсайынкы жөлөк пулду" деген сөздөрдөн кийин "жана жашы жете элек балдары үчүн алуучу алиментти" деген сөздөр менен толукталып, андан ары текст боюнча окулсун.

1.3. 2.2 пунктунун үчүнчү абзацы "ишсиз жаран катары катталгандыгы" деген сөздөрдөн кийин "жана төлөнүп жаткан жөлөк пулдун суммасы көрсөтүлгөн" деген сөздөр менен толукталып, андан ары текст боюнча окулсун жана бул абзацтагы "Аталган документтердин жоктугу турак-жай субсидияларын дайындабай коюуга негиз болот" деген сүйлөм алынып салынсын.

1.4. Төмөндөгүдөй редакцияда жаӊы 2.3. пункту киргизилсин: "Шаардык эмгек, ишке орноштуруу жана миграция башкармалыгынын каттоосунда турган, бирок жумушсуздугу боюнча жөлөк пул албаган, кирешесин тастыктаган расмий документи жок учурда гана, аз камсыз болгон үй-бүлөөлөргө жарандардын жеке арыздарынын негизинде аймактык кеӊештердин алдында түзүлгөн комиссиясынын турак-жай шарттарын аныктаган актысы боюнча субсидия чегерилет".

1.5. Мурдагы 2.3 пункт 2.4. пункт деп окулсун.

1.6. Мурдагы 2.4. пункт 2.5. пункт деп окулсун.

1.7.Үчүнчү бөлүк төмөнкү жаӊы пункт менен толукталсын: "3.4. Жарандар кирешесин аныктаган маалымат бере албаган жана формула боюнча турак-жай субсидиясынын көлөмүн аныктоо мүмкүн болбогон (Д=0) учурда, турак-жай субсидиясынын көлөмү төлөмө-баракчасында көрсөтүлгөн суммага барабар болот".

2. Аталган токтом мыйзамда каралган тартипте катталсын (М.Авазов).

3. Ушул токтом шаардык "Ош шамы" гезитине жарыялансын (Б.Матисаков).

4. Бул токтомдун аткарылышын көзөмөлдөө депутаттардын Ош шаардык Кеӊешинин социалдык-маданий өнүктүрүү жана жаштар саясаты маселелери боюнча туруктуу депутаттык комиссиясына (А.Токтомаматов) жүктөлсүн.

Депутаттардын Ош шаардык Кеӊешинин төрагасы

Д.Алимбеков