Отуз-Адыр айылдык кеңешинин «Отуз-Адыр айылдык округунун бардык категорияларындагы чарбаларында малдын жана үй канаттууларынын санын аныктоо боюнча ишке тартылган санакчыларга кызмат акын төлөө үчүн акча каражатын бөлүү жөнүндө» токтому

ОТУЗ - АДЫР АЙЫЛДЫК КЕӉЕШИ ТОКТОМ Кара-Суу районунун Отуз-Адыр айылдык кеңешинин V сессиясы (төртүнчү шайланган)

2011-жылдын 26-ноябры №8 Отуз-Адыр айылдык округунун бардык категорияларындагы чарбаларында малдын жана үй канаттууларынын санын аныктоо боюнча ишке тартылган санакчыларга кызмат акын төлөө үчүн акча каражатын бөлүү жөнүндө Кыргыз Республикасынын Өкмөтүнүн 2010-жылдын 18-ноябрындагы №287 токтомун жана анын негизинде Кыргыз Республикасынын Улуттук статистика комитетинин программасын, Кара-Суу райондук мамлекеттик администрациясынын 2011-жылдын 24-ноябрындагы №217-б буйругун Отуз-Адыр айылдык округунда аткаруу максатында Отуз-Адыр айылдык кеңеши ТОКТОМ КЫЛАТ:

1. Отуз-Адыр айылдык округунда 1-30-декабрь күндөрү аралыгында малдын жана үй канаттууларынын санын аныктоо иштерине ишке тартылган ар бир санакчыга 1,0 миң сомдон, жалпы суммасы 26,0 миң сом акча каражаты айлык акы катары Отуз-Адыр айыл өкмөтүнүн бюджетинин киреше бөлүгүнүн пландан ашыкча түшкөн каражаттардын эсебинен төлөнүп берилсин.

2. Бул токтомдун аткарылышын камсыз кылуу Отуз-Адыр айыл өкмөтүнө (А.Базибай уулу) жүктөлсүн.

3. Бул токтомдун аткарылышын көзөмөлгө алуу жагы айылдык кеңештин бюджет жана экономика боюнча туруктуу комиссиясына тапшырылсын.

Отуз-Адыр айылдык кеңештин төрагасы

О. Айдаров