Балыкчы шаардык кенешинин «Балыкчы шаарындагы аймактык коомдук өз алдынча башкаруу органдарынын жарандарга көрсөткөн кызмат акыларынын көлөмдөрүнүн кайра кароо жөнүндө» токтому

БАЛЫКЧЫ ШААРДЫК КЕӉЕШИ ТОКТОМ Балыкчы шаардык Кенешинин XXV чакырылышынын V-сессиясы

2009-жылдын 31-мартындагы №11 "Балыкчы шаарындагы аймактык коомдук өз алдынча башкаруу органдарынын жарандарга көрсөткөн кызмат акыларынын көлөмдөрүнүн кайра кароо жөнүндө" Балыкчы шаардык Кеӊешине, шаардык аймактык коомдук өз алдынча башкаруу органдарынын (ТОС тордон) төмөндөгүдөй мазмундагы өтүнүч кат менен кайрылышкан:

- Базар экономикасы башталгандан бери койгойлуу маселелерди жаратууда, себеби кагаз, ксерокопия, транспорттук толоолорубузду баалары өсуп биздин ишибиз үчүн коп түйшүктөрдү алып келүүдө.

- Балыкчы шаардык Кеӊешинин сессиясы коюлган маселени ар тараптан карап, талкуулап жана кайра бекитүү үчүн:

ТОКТОМ КЫЛАТ:

1. Шаардык аймактык коомдук өз алдынча башкаруу органдарынын шаардын жарандарына көрсөтө турган кызмат акыларынын баасын №1 тиркеме ылайык бекитилсин.

2. XXIV чакырылышынын XXXVII сессиясында кабыл алынган №11 токтомдун күчү жоготулду деп эсептелсин.

3.Ушул токтом Ысык-Кол облусунун Адилет башкармалыгынан каттодон өткөрүү жагы сунушталсын.

4. Бул токтомдун аткарылышын көзөмөлдөө шаардык Кеӊештин жооптуу катчысы Г.Айтикевага тапшырылсын.

Балыкчы шаардык Кеӊешинин төрагасы

А.Джаликов