Кыргыз Республикасынын Министрлер Кабинетинин «Кыргыз Республикасынын Министрлер Кабинетинин мамлекеттик сырларды коргоого байланышкан товарларды, жумуштарды жана кызмат көрсөтүүлөрдү мамлекеттик сатып алууларды уюштуруу маселелери боюнча айрым чечимдерине өзгөртүүлөрдү киргизүү жөнүндө» токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ 2026-жылдын 18-сентябры № 630

Кыргыз Республикасынын Министрлер Кабинетинин мамлекеттик сырларды коргоого байланышкан товарларды, жумуштарды жана кызмат көрсөтүүлөрдү мамлекеттик сатып алууларды уюштуруу маселелери боюнча айрым чечимдерине өзгөртүүлөрдү киргизүү жөнүндө

Кыргыз Республикасынын мамлекеттик сырларын коргоо, маалыматтык инфраструктуранын коопсуздугун камсыз кылуу максатында, «Кыргыз Республикасынын мамлекеттик сырларын коргоо жөнүндө» Кыргыз Республикасынын Мыйзамынын 5, 7-беренелерине, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 18-ноябрындагы № 641 «Мамлекеттик сырларды коргоого байланышкан товарларды, жумуштарды жана кызмат көрсөтүүлөрдү мамлекеттик сатып алууларды уюштуруу тартибин бекитүү жөнүндө» токтомуна төмөнкүдөй өзгөртүү киргизилсин:

– 2-пункт «Кыргыз Республикасынын Улуттук коопсуздук мамлекеттик комитети» деген сөздөрдөн кийин «, Кыргыз Республикасынын Башкы прокуратурасы» деген сөздөр менен толукталсын.

2. Кыргыз Республикасынын Министрлер Кабинетинин 2024-жылдын 26-апрелиндеги № 206 «Маалыматтарды мамлекеттик сырларга киргизүү боюнча ыйгарым укуктар берилген мамлекеттик органдардын, жергиликтүү өз алдынча башкаруу органдарынын жана уюмдардын тизмегин жана Кыргыз Республикасынын мамлекеттик сырларын түзүүчү эң башкы маалыматтардын тизмегин бекитүү жөнүндө» токтомуна төмөнкүдөй өзгөртүүлөр киргизилсин:

1) жогоруда көрсөтүлгөн токтом менен бекитилген Маалыматтарды мамлекеттик сырларга киргизүү боюнча ыйгарым укуктар берилген мамлекеттик органдардын, жергиликтүү өз алдынча башкаруу органдарынын жана уюмдардын тизмегинде:

– төмөнкүдөй мазмундагы 162-пункт менен толукталсын:

«162. Кыргыз Республикасынын Башкы прокуратурасы.»;

2) жогоруда көрсөтүлгөн токтом менен бекитилген Кыргыз Республикасынын мамлекеттик сырларын түзүүчү эң башкы маалыматтардын тизмегинде:

– 5-пункттун «Экономика, илим жана техника жаатындагы маалыматтар» главасы төмөнкүдөй мазмундагы 513-пунктча менен толукталсын:

«

| 513 | Укук коргоо жана сот секторунун маалыматтарды иштеп чыгуу борборунун техникалык мүнөздөмөлөрү, архитектурасы, маалыматты коргоо каражаттары, эсептөө кубаттуулугу жана башка параметрлери жөнүндө маалыматтар, анын ичинде сервердик жабдуулар, маалыматтарды сактоо системалары, тармактык инфраструктура, программалык-аппараттык комплекстер жана мамлекеттик сырларга кирген мамлекеттик маалымат ресурстарын иштеп чыгуу жана коргоо үчүн арналган маалыматтык коопсуздук чаралары жөнүндөмаалыматтар | БП |

»;

– кыскартуулардын тизмеси төмөнкүдөй мазмундагы абзац менен толукталсын:

«БП – Кыргыз Республикасынын Башкы прокуратурасы».

3. Бул токтом расмий жарыяланган күндөн тартып он күн өткөндөн кийин күчүнө кирет.

«Эркин-Тоо» мамлекеттик расмий гезитинин 2026-жылдын 22-сентябрындагы № 71 (3831) саны менен жарыяланды

| Кыргыз Республикасынын Министрлер Кабинетинин Төрагасы | | А.А. Касымалиев |