Кыргыз Республикасынын Министрлер Кабинетинин «Кыргыз Республикасынын Министрлер Кабинетинин 2025-жылдын 9-июнундагы № 326 „Улуттук инвестициялык долбоорлорду жана мамлекеттик маанидеги долбоорлорду ишке ашыруу максатында мамлекеттик менчикте турган жер участокторун ээликтен ажыратуу тартибин бекитүү тууралуу“ токтомуна өзгөртүүлөрдү киргизүү тууралуу» токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 24-августу № 572

Кыргыз Республикасынын Министрлер Кабинетинин 2025-жылдын 9-июнундагы № 326 « Улуттук инвестициялык долбоорлорду жана мамлекеттик маанидеги долбоорлорду ишке ашыруу максатында мамлекеттик менчикте турган жер участокторун ээликтен ажыратуу тартибин бекитүү тууралуу» токтомуна өзгөртүүлөрдү киргизүү тууралуу

Ченемдик укуктук актынын ырааттуулугун жана системалуулугун камсыз кылуу максатында, Кыргыз Республикасынын Жер кодексинин 8-беренесинин 1-бөлүгүнө, 3-бөлүгүнүн экинчи абзацына, 28-беренесинин 1, 2-бөлүктөрүнө, «Кыргыз Республикасынын ченемдик укуктук актылары жөнүндө» Кыргыз Республикасынын Мыйзамынын 32-беренесинин 4-бөлүгүнө, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2025-жылдын 9-июнундагы № 326 «Улуттук инвестициялык долбоорлорду жана мамлекеттик маанидеги долбоорлорду ишке ашыруу максатында мамлекеттик менчикте турган жер участокторун ээликтен ажыратуу тартибин бекитүү тууралуу» токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Улуттук инвестициялык долбоорлорду жана мамлекеттик маанидеги долбоорлорду ишке ашыруу максатында мамлекеттик менчикте турган жер участокторун ээликтен ажыратуу тартибинде:

- 2-пунктта «менчик укугун» деген сөздөрдөн кийин «(Кыргыз Республикасынын жеке же юридикалык жагына) же мөөнөттүү (убактылуу) пайдалануу укугун (чет өлкөлүк жакка)» деген сөздөр менен толукталсын;

- 4-пункттун 3-пунктчасында «менчик укугун» деген сөздөрдөн кийин «же мөөнөттүү (убактылуу) пайдалануу укугун» деген сөздөр менен толукталсын;

- 7-пункттун 3-пунктчасында «сатып алуучуга» деген сөздөрдөн кийин «же пайдалануучуга» деген сөздөр менен толукталсын;

- 12-пункттун 6-пунктчасындагы «3» деген цифра «1» деген цифрага алмаштырылсын;

- 22-пунктта:

экинчи абзацта «жер участогунун сатып алуу наркын» деген сөздөрдөн кийин «же убактылуу пайдалануу акысын» деген сөздөр менен толукталсын; үчүнчү абзац төмөнкүдөй редакцияда баяндалсын: «Аукциондун жеңүүчүсүнө кепилдик төгүм аукциондо сатып алынуучу мүлктүн наркын төлөөнүн же жер участогун пайдалануу үчүн төлөмдүн эсебине чегерилет.»;

- 35-пункт төмөнкүдөй редакцияда баяндалсын:

«35. Эгерде аукционист акыркы бааны үч жолу жарыялагандан кийин катышуучулардын эч кимиси андан жогору бааны сунуштабаса, аукционист балканы чабуу менен бир убакта тооруктун жүрүшүндө акыркы бааны сунуштаган катышуучуну жеңүүчү деп жарыялайт.»;

- 38-пунктта:

5-пунктчада «сатып алуу-сатуу келишимине» деген сөздөр «сатып алуу-сатуу келишимине же жер участогун мөөнөттүү (убактылуу) пайдаланууга берүү жөнүндө келишимге» деген сөздөргө алмаштырылсын; 6-пунктчада «сатып алуу наркын төлөө» деген сөздөрдөн кийин «же жер участогун пайдалануу үчүн төлөмдү төлөө» деген сөздөр менен толукталсын;

- 41-пункт төмөнкүдөй редакцияда баяндалсын:

«41. Аукциондун жыйынтыктары жөнүндө протоколдун негизинде баланс кармоочу аукциондун жеңүүчүсү менен формаларга ылайык (ушул Тартиптин 2, 3-тиркемелери) сатып алуу-сатуу келишимин же жер участогун мөөнөттүү (убактылуу) пайдаланууга берүү жөнүндө келишимди түзөт.»;

- 43-пунктта:

биринчи абзац төмөнкүдөй редакцияда баяндалсын: «43. Сатып алуу-сатуу келишиминде же жер участогун мөөнөттүү (убактылуу) пайдаланууга берүү жөнүндө келишимде төмөнкүлөр камтылууга тийиш:»; 1-пунктчада «баланс кармоочу» деген сөздөрдөн кийин «, пайдалануучу» деген сөздөр менен толукталсын; 3-пунктча төмөнкүдөй редакцияда баяндалсын: «3) сатып алуу-сатуу келишими: сатып алуу наркын, ошондой эле сатып алуу наркын төлөөнүн формасын жана суммасын;»; төмөнкүдөй мазмундагы 31-пунктча менен толукталсын: «31) жер участогун мөөнөттүү (убактылуу) пайдаланууга берүү жөнүндө келишим: жер участогун пайдалануу үчүн акынын өлчөмүн, ошондой эле аны төлөөнүн тартибин жана шарттарын;»; 5-пунктчада «сатып алуучунун» деген сөздөрдөн кийин «же пайдалануучунун» деген сөздөр менен толукталсын;

- 46-пунктта «10», «11», «1», «49» жана «5» деген цифралар тиешелүү түрдө «74», «75», «2», «50» жана «8» деген цифралар менен алмаштырылсын;

- 48-пунктта «49» жана «2» деген цифралар тиешелүү түрдө «50» жана «3» деген цифралар менен алмаштырылсын;

- 50-пунктта «сатып алуунун» деген сөздөр «сатып алуучунун же пайдалануучунун» деген сөздөргө алмаштырылсын;

- 52-пункт төмөнкүдөй редакцияда баяндалсын:

«52. Сатып алуучу же пайдалануучу аныкталган бузууларды 30 календардык күндүн ичинде четтетпеген учурда, баланс кармоочу сатып алуу-сатуу келишимин же жер участогун мөөнөттүү (убактылуу) пайдаланууга берүү жөнүндө келишимди бузуу жана сатып алуучу же пайдалануучу тарабынан мамлекет тарткан чыгымдардын жана алынбай калган пайданын ордун толтуруу менен жер участогун мамлекеттин менчигине кайтарып берүү талабы менен сотко кайрылат.»;

- 3-тиркемеде:

1-пунктта «49 (кырк тогуз)» деген сөздөр «50 (элүү)» деген сөздөр менен алмаштырылсын; 22-пунктта «Сатып алуучу» деген сөз «Пайдалануучу» деген сөз менен алмаштырылсын.

2. Бул токтом расмий жарыяланган күндөн тартып он күн өткөндөн кийин күчүнө кирет.

«Эркин-Тоо» мамлекеттик расмий гезитинин 2026-жылдын 25-августундагы № 64 (3824) саны менен жарыяланды.

| Кыргыз Республикасынын Министрлер Кабинетинин Төрагасы | | А.А. Касымалиев |