Адал продукциялары жана «адал» кызмат көрсөтүүлөрү стандарттарына шайкештиктин улуттук белгисин колдонуу тартиби жөнүндө убактылуу жобо (Кыргыз Республикасынын Экономика жана коммерция министрлигине караштуу Адал-индустрияны өнүктүрүү боюнча борборунун буйругуна)

| | | № 1 тиркеме Кыргыз Республикасынын Экономика жана коммерция министрлигине караштуу «Адал-индустрияны өнүктүрүү боюнча борбор» мамлекеттик мекемесинин 2026-жылдын 18-августундагы № 017-Пбуйругуна |

Адал продукциялары жана «адал» кызмат көрсөтүүлөрү стандарттарына шайкештиктин улуттук белгисин колдонуу тартиби жөнүндө убактылуу жобо

I. Жалпы жоболор

1.1. Ушул Убактылуу жобо «Кыргыз Республикасындагы адал-индустрия жөнүндө» Кыргыз Республикасынын Мыйзамынын 2, 7-беренелерине жана Кыргыз Республикасынын Министрлер Кабинетинин 2021-жылдын 10-декабрындагы № 300 токтому менен бекитилген «Кыргыз Республикасынын Экономика жана коммерция министрлигинин ведомстволук бөлүмдөрүнүн жана уюмдарынын маселелери жөнүндө» токтомуна ылайык иштелип чыккан.

1.2. Ушул Убактылуу жобо адал продукцияларын жана «адал» кызмат көрсөтүүлөрүн сертификациялоодо адал продукцияларына жана «адал» кызмат көрсөтүүлөрү стандарттарына шайкештиктин улуттук белгисин колдонуу тартибин белгилейт жана Кыргыз Республикасынын мыйзамдарында белгиленген стандарттарга шайкештигин ырастаган продукцияны маркалоо, кызмат көрсөтүүлөрдү ишке ашыруу жана жарнамалык материалдарды колдонуу маселелерин жөнгө салат.

1.3. Адал продукциялары жана «адал» кызмат көрсөтүүлөрү стандарттарына шайкештиктин улуттук белгиси – бул сатып алуучуларга/керектөөчүлөргө «адал» сертификациялык талаптарга шайкеш келгендиги жөнүндө маалымдоочу жазуу, сүрөттөр, белгилер, символдор, башка белгилөөлөр жана (же) алардын айкалыштары түрүндөгү белги, ал Кыргыз Республикасынын мыйзамдарында белгиленген тартипте, Кыргыз Республикасынын аймагында катталган, түздөн-түз өндүрүүчү – ишкердик субъекти (мындан ары – сертификат ээси болгон ишкер) тарабынан милдеттүү түрдө адал продукцияга же «адал» кызматтарын көрсөтүүдө, анын ичинде продукциянын этикеткасына жана керектөөчүлөрдүн таңгагына, ошондой эле транспорттук таңгакка колдонулат.

1.4. Адал продукциялары жана «адал» кызмат көрсөтүүлөрү стандарттарына шайкештиктин улуттук белгисин колдонууга уруксат, сертификатка (товардык белгиге) «адал» белгисин колдонууга укугу бар сертификат ээси болгон ишкердин жана Кыргыз Республикасынын сертификациялоо боюнча ыйгарым укуктуу, аккредиттелген органы тарабынан Кыргыз Республикасынын мыйзамдарында белгиленген тартипте берилген «адал» продукцияны жана кызматтарды жасоого укугу бар уруксаты болгон учурда гана күчүндө болот.

1.5. Ушул Жобонун талаптары адал индустрияга тиешеси бар бардык ишкерлер үчүн милдеттүү болуп саналат.

2. Адал продукциялары жана «адал» кызмат көрсөтүүлөрү стандарттарына шайкештиктин улуттук белгисине карата техникалык талаптар

2.1. Адал продукциялары жана «адал» кызмат көрсөтүүлөрү стандарттарына шайкештиктин улуттук белгиси сатып алуучуларга/керектөөчүлөргө сатып алынган объекттин «адал» сертификациялык талаптарга шайкештиги жөнүндө маалымдоо үчүн кызмат кылат жана сертификат ээси болгон ишкер тарабынан ырасталуучу объектке – продукцияга же «адал» кызматтарын көрсөтүүдө продукцияны же «адал» кызматтарын көрсөтүүдө маркалоо, коштомо документтерге, таңгактоого, жарнамалык продукцияга, келишимдерге (контракттарга), фирмалык бланктарга (мындан ары – «адал» объектиси) белгиленет.

Адал продукциялары жана «адал» кызмат көрсөтүүлөрү стандарттарына шайкештиктин улуттук белгиси Кыргыз Республикасынын мыйзамдарында жана Евразия экономикалык бирлигинин укугунда белгиленген тамак-аш продукцияларынын коопсуздугуна байланыштуу милдеттүү талаптарга продукциянын шайкештигин тастыктабайт. Адал продукция жана «адал» кызматтары стандарттарга шайкештикти билдирген улуттук белги атайын QR (кьюар) коду менен бирге колдонулат.

2.2. Адал продукциялары жана «адал» кызмат көрсөтүүлөрү стандарттарына шайкештиктин улуттук белгисинин шайкештигин ырастоо аракети болуп саналат жана сертификат ээси болгон ишкер тарабынан өз каражаттарынын эсебинен өз алдынча ишке ашырылат.

2.3. «Адал» объектилерин маркалоодо сертификат ээси болгон ишкер тарабынан төмөнкү технологиялык ыкмалар колдонулушу керек:

2.3.1. буюмга, таңгакка же документтерге адал продукциялары жана «адал» кызмат көрсөтүүлөрү стандарттарына шайкештиктин улуттук белгисинин атайын QR (кьюар) коду менен бирге жалпак же рельефтүү сүрөтүн чаптоо;

2.3.2. адал продукциялары жана «адал» кызмат көрсөтүүлөрү стандарттарына шайкештиктин улуттук белгисинин атайын QR (кьюар) коду менен бирге атайын даярдалган алып жүрүүчүлөрдү бекитүү;

2.3.3. адал продукциялары жана «адал» кызмат көрсөтүүлөрү стандарттарына шайкештиктин улуттук белгиси жана атайын QR (кюар)-код менен расмий бланктарды жана жарнамалык баракчаларды маркалоо.

2.4. Адал продукциялары жана «адал» кызмат көрсөтүүлөрү стандарттарына шайкештиктин улуттук белгисинин жана атайын QR (кюар)-коддун өлчөмдөрүн адал продукциялары жана «адал» кызмат көрсөтүүлөрү стандарттарына шайкештиктин улуттук белгисин колдонууга сертификаты бар ишкер аныктайт.

2.5. Адал продукциялары жана «адал» кызмат көрсөтүүлөрү стандарттарына шайкештиктин улуттук белгисинин жана атайын QR (кюар)-коддун минималдуу өлчөмү бийиктиги боюнча 10 ммден кем эмес жана туурасы боюнча 10 ммден кем эмес болушу керек.

Адал продукциялары жана «адал» кызмат көрсөтүүлөрү стандарттарына шайкештиктин улуттук белгисинин жана атайын QR (кюар)-коддун өлчөмдөрүн аныктаганда, анын тактыгы жана көрүнүп турушу камсыз кылынышы керек.

3. Адал продукциялары жана «адал» кызмат көрсөтүүлөрү стандарттарына шайкештиктин улуттук белгисин колдонуу эрежелери

3.1. Сертификатты Кыргыз Республикасынын ыйгарым укуктуу мамлекеттик органы – Кыргыз Республикасынын Экономика жана коммерция министрлигине караштуу «Адал-индустрияны өнүктүрүү боюнча борбор» мамлекеттик мекемеси (мындан ары – Борбор) тарабынан сертификат ээсине ушул Жобонун № 2 тиркемесине ылайык формада акысыз негизде таризделет жана берилет.

Сертификатты тариздеп берүү, адал продукцияны чыгарган жана «адал» кызматтарын көрсөткөн, сертификат ээси (адал продукциялары жана «адал» кызмат көрсөтүүлөрү стандарттарына шайкештиктин улуттук белгиси) болгон ишкер менен Борбордун ортосунда түзүлгөн Келишимге кол коюу менен ишке ашырылат. Сертификат ээси болгон ишкерге сертификаты (адал продукциялары жана «адал» кызмат көрсөтүүлөрү стандарттарына шайкештиктин улуттук белгиси) колдонуу укугун Борбор, ушул пунктта көрсөтүлгөн Келишимдин шарттарында, акы төлөө негизинде да берет, мында атайын QR-код (кюар-код) колдонгондугу үчүн төлөм алынат.

3.2. Сертификатты тариздеп берүү, шайкештик сертификатын берүү менен бир учурда ишке ашырылат.

3.3. Сертификатты тариздеп жатканда, Борбор Кыргыз Республикасынын сертификациялоо боюнча ыйгарым укуктуу, аккредиттелген органы менен санариптик форматта өз ара аракеттенет, ал шайкештик сертификатын тариздеп берүү жана берүү жүргүзүлгөн ишкер жөнүндө толук маалыматты Борборго бир жумушчу күндүн ичинде өткөрүп берет, анын жыйынтыгы боюнча Борбор бир жумушчу күндүн ичинде сертификатты тариздеп, онлайн режиминде Кыргыз Республикасынын сертификациялоо боюнча ыйгарым укуктуу, аккредиттелген органына шайкештик сертификатын жана сертификатты бир учурда берүү үчүн жөнөтөт.

3.4. Сертификатты тариздеп чыгуу үчүн ишкер Борборго эч кандай кошумча документтерди бербейт.

3.5. Сертификатка кол коюуга Борбордун жетекчиси, ал жок болгон учурда Борбордун жетекчисинин орун басары укуктуу.

3.6. Сертификаттын жарактуулук мөөнөтү шайкештик сертификатынын жарактуулук мөөнөтүнө дал келүүгө тийиш.

3.7. Сертификаттын ээси болгон ишкер адал продукциялары жана «адал» кызмат көрсөтүүлөрү стандарттарына шайкештиктин улуттук белгисин атайын QR (кюар)-код менен бирге пайдалануунун төмөнкү шарттарын сактоого милдеттүү:

3.7.1. «Адал» объекттери Кыргыз Республикасынын ченемдик укуктук актыларынын талаптарына, алардын шайкештигине ылайык сертификатталгандыгын камсыз кылуу;

3.7.2. адал продукциялары жана «адал» кызмат көрсөтүүлөрү стандарттарына шайкештиктин улуттук белгисин атайын QR (кюар)-код менен бирге анын сүрөттөлүшүнө толук ылайык пайдалануу жана жайгаштыруу;

3.7.3. адал продукциялары жана «адал» кызмат көрсөтүүлөрү стандарттарына шайкештиктин улуттук белгисин жана атайын QR (кюар)-коддун сүрөттөлүшүн бурмалоого же деформациялоого жол бербөө;

3.7.4. адал продукциялары жана «адал» кызмат көрсөтүүлөрү стандарттарына шайкештиктин улуттук белгисин атайын QR (кюар)-код менен бирге Кыргыз Республикасынын мыйзамдарына карама-каршы келген жазуулар, сүрөттөр, продукциялар менен айкалышта пайдаланбоо;

3.7.5. мамлекеттин имиджине зыян келтирген же улуттук баалуулуктарды кемсинткен контекстте адал продукциялары жана «адал» кызмат көрсөтүүлөрү стандарттарына шайкештиктин улуттук белгисин атайын QR (кюар)-код менен бирге колдонууга жол бербөө;

3.7.6. адал продукциялары жана «адал» кызмат көрсөтүүлөрү стандарттарына шайкештиктин улуттук белгисин атайын QR (кюар)-код менен бирге саясий үгүт же башка туура келбеген жарнамалык максаттарда колдонбоо;

3.7.7. шайкештик сертификаты токтотулган (токтотулган) учурда адал продукциялары жана «адал» кызмат көрсөтүүлөрү стандарттарына шайкештиктин улуттук белгисин колдонууну токтото туруу (токтотуу).

3.8. Адал продукциялары жана «адал» кызмат көрсөтүүлөрү стандарттарына шайкештиктин улуттук белгисин атайын QR (кюар)-код менен бирге колдонууда, сертификат ээси болгон ишкер аны «адал» объектисине ушундайча жайгаштырууга тийиш, ошондо алуучулар/сатып алуучулар адал продукциялары жана «адал» кызмат көрсөтүүлөрү стандарттарына шайкештиктин улуттук белгисин атайын QR (кюар)-код менен бирге так көрүп, айырмалай алышсын жана «адал» объектисин башка өндүрүлгөн товарлардан жана көрсөтүлгөн кызматтардан айырмалай алышсын.

3.9. Адал продукциялары жана «адал» кызмат көрсөтүүлөрү стандарттарына шайкештиктин улуттук белгисин атайын QR (кюар)-код менен бирге жайгаштыруу жерин тандоо сертификат ээси болгон ишкердин кароосуна калтырылат.

3.10. Сертификат ээси болгон ишкерлерге сертификатты бурмалоого же мыйзамсыз көчүрүүгө, ошондой эле жарактуулук мөөнөтү өткөндөн кийин аны пайдаланууга тыюу салынат.

4. Сертификаттарды жүргүзүүнү уюштуруу

4.1. Борбор тарабынан берилген сертификаттар атайын реестрди жүргүзүү аркылуу эсепке алынат, анын маалыматтары атайын интернет булактарына жарыяланат.

4.2. Атайын реестрди жүргүзүү сертификатта камтылган маалыматтардын негизинде электрондук форматта жүргүзүлөт.

5. Ушул Жобону бузгандыгы үчүн жоопкерчилик

5.1. Ушул Убактылуу жобону бузгандыгы үчүн Кыргыз Республикасынын мыйзамдарына ылайык жоопкерчилик тартылат.