# Кыргыз Республикасынын 2026-жылдын 22-июлундагы № 120 «Деңизде сүзүү чөйрөсүндөгү эл аралык конвенцияларга Кыргыз Республикасынын кошулуусу жөнүндө» Мыйзамы - Толук аталышы: Кыргыз Республикасынын 2026-жылдын 22-июлундагы № 120 «Деңизде сүзүү чөйрөсүндөгү эл аралык конвенцияларга Кыргыз Республикасынын кошулуусу жөнүндө» Мыйзамы - Актынын түрү: Закон - Номери: 120 - Кабыл алынган күнү: 22.07.2026 - Статусу: Күчүндө - Редакциянын күнү: 22.07.2026 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 22.07.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын 2026-жылдын 22-июлундагы № 120 «Деңизде сүзүү чөйрөсүндөгү эл аралык конвенцияларга Кыргыз Республикасынын кошулуусу жөнүндө» Мыйзамы (22.07.2026 редакциясы) - https://aqlex.ai/kg/doc/230049184 --- КЫРГЫЗ РЕСПУБЛИКАСЫНЫН МЫЙЗАМЫ 2026-жылдын 22-июлу № 120 Деңизде сүзүү чөйрөсүндөгү эл аралык конвенцияларга Кыргыз Республикасынын кошулуусу жөнүндө ### [1-берене](https://aqlex.ai/kg/doc/230049184/st-1) Төмөнкүлөргө кошулсун: - 1974-жылдын 1-ноябрында Лондон шаарында кабыл алынган 1974-жылдагы Деңизде адам өмүрүн коргоо жөнүндө эл аралык конвенцияга жана 1974-жылдагы Деңизде адам өмүрүн коргоо жөнүндө эл аралык конвенцияга карата 1988-жылдагы Протоколго; - 1972-жылдын 20-октябрында Лондон шаарында кабыл алынган 1972-жылдагы Деңизде кемелердин кагылышуусун алдын алуунун эл аралык эрежелери жөнүндө конвенцияга; - 1978-жылдын 7-июлунда Лондон шаарында кабыл алынган 1978-жылдагы Деңизчилерди даярдоо жана диплом берүү жана вахта өтөө жөнүндө эл аралык конвенцияга; - 1973-жылдын 2-ноябрында Лондон шаарында кабыл алынган 1973-жылдагы Кемелерден булганууну алдын алуу боюнча эл аралык конвенцияга бардык тиркемелери менен, жана 1973-жылдагы Кемелерден булганууну алдын алуу боюнча эл аралык конвенцияга карата 1978-жылдагы Протоколго; - 1979-жылдын 27-апрелинде Гамбург шаарында кабыл алынган 1979-жылдагы Деңизде издөө жана куткаруу боюнча эл аралык конвенцияга; - 1989-жылдын 28-апрелинде Лондон шаарында кабыл алынган 1989-жылдагы Куткаруу жөнүндө эл аралык конвенцияга; - 1965-жылдын 9-апрелинде Лондон шаарында кабыл алынган 1965-жылдагы Эл аралык деңиз кемечилигин жеңилдетүү боюнча конвенцияга; - 1966-жылдын 5-апрелинде Лондон шаарында кабыл алынган, ага карата 1988-жылдагы Протокол менен өзгөртүлгөн 1966-жылдагы Жүк маркасы жөнүндө эл аралык конвенцияга; - 1969-жылдын 23-июнунда Лондон шаарында кабыл алынган 1969-жылдагы Кемелерди өлчөө боюнча эл аралык конвенцияга; - 2001-жылдын 23-мартында Лондон шаарында кабыл алынган 2001-жылдагы Бункер отунунан булгануудан зыян үчүн жарандык жоопкерчилик жөнүндө эл аралык конвенцияга; - 1992-жылдын 27-ноябрында Лондон шаарында кабыл алынган 1969-жылдагы Мунайдан булгануудан зыян үчүн жарандык жоопкерчилик жөнүндө эл аралык конвенцияга жана 1969-жылдагы Мунайдан булгануудан зыян үчүн жарандык жоопкерчилик жөнүндө эл аралык конвенцияны өзгөртүү тууралуу 1992-жылдагы Протоколго; - 2007-жылдын 18-майында Найроби шаарында кабыл алынган 2007-жылдагы Чөгүп кеткен кемелерди алып салуу жөнүндө Найроби эл аралык конвенциясына; - 1988-жылдын 10-мартында Рим шаарында кабыл алынган 1988-жылдагы Дециз кемечилигинин коопсуздугуна каршы багытталган мыйзамсыз актыларга каршы күрөшүү жөнүндө конвенцияга; - 1976-жылдын 19-ноябрында Лондон шаарында кабыл алынган 1976-жылдагы Дециз талаптары боюнча жоопкерчиликти чектөө жөнүндө конвенцияга жана ага карата 1996-жылдагы Протоколго. ### [2-берене](https://aqlex.ai/kg/doc/230049184/st-2) Кыргыз Республикасынын Тышкы иштер министрлиги ушул Мыйзамдын 1-беренесинде көрсөтүлгөн эл аралык конвенцияларга Кыргыз Республикасынын кошулуусу жөнүндө документтерди тиешелүү депозитарийге белгиленген тартипте депонирлесин. ### [3-берене](https://aqlex.ai/kg/doc/230049184/st-3) Ушул Мыйзам расмий жарыяланган күндөн тартып он беш күн өткөндөн кийин күчүнө кирет. | Кыргыз Республикасынын Президенти | | С.Жапаров | | --- | --- | --- | | | | | | 2026-жылдын 25-июнунда | | Кыргыз Республикасынын Жогорку Кеңеши тарабынан кабыл алынган |