1-берене

«Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын Мыйзамына («Эркин-Тоо» гезити, 2021-жылдын 22-октябры, № 109) төмөнкүдөй өзгөртүүлөр киргизилсин:

1) 18-берененин 1-бөлүгүнүн 4-пунктунда «жана курултайлар» деген сөздөр алып салынсын;

2) 19-берененин 3-бөлүгүнүн 1-пунктунда «, курултайларда» деген сөз алып салынсын;

3) 21-берененин 1-бөлүгүндө «же курултайларында» деген сөздөр алып салынсын;

4) 42-берененин 4-бөлүгү «анын аталышын» деген сөздөрдөн кийин «жана/же калктуу конуш категориясын» деген сөздөр менен толукталсын;

5) 45-берене төмөнкүдөй мазмундагы 51-пункт менен толукталсын:

«51) Кыргыз Республикасынын мыйзамдарында белгиленген тартипте үй-бүлөлүк салтанаттарды, маркумду эскерүүчү жана башка салттуу үрп-адаттарды өткөрүүдө ашыкча ысырапкорчулуктун алдын алуу боюнча чараларды ишке ашырууга көмөктөшөт;»;

6) 51-берене төмөнкүдөй мазмундагы 31-пункт менен толукталсын:

«31) Кыргыз Республикасынын мыйзамдарында белгиленген тартипте үй-бүлөлүк салтанаттарды, маркумду эскерүүчү жана башка салттуу үрп-адаттарды өткөрүүдө ашыкча ысырапкорчулуктун алдын алуу боюнча чараларды ишке ашырууга көмөктөшөт;»;

7) 56-берененин 1-бөлүгү төмөнкүдөй редакцияда баяндалсын:

«1. Айыл өкмөтүнүн башчысынын чечими менен айыл аймагынын өзүнчө жайгашкан калктуу конуштарында жергиликтүү маанидеги маселелерди ыкчам чечүү максатында айыл башчысы кызмат орду киргизилет.»;

8) 59-берененин 4-пунктунда «курултайларынын,» деген сөз алып салынсын;

9) 61-беренеде «курултайларды,» деген сөз алып салынсын;

10) 62-берене күчүн жоготту деп таанылсын;

11) 68-берененин 2-бөлүгүндө «курултайларынын,» деген сөз алып салынсын.