Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөМетодика

Мамлекеттик жер тилкелерин пайдалануу үчүн ижара акынын өлчөмүн аныктоо методикасы (Кыргыз Республикасынын Министрлер Кабинетинин токтомуна тиркеме)

Методика2026-жылдын 13-июлу, № 483Күчүндөред.: 2026-жылдын 13-июлу

| | | Кыргыз Республикасынын Министрлер Кабинетинин 2026-жылдын 13-июлундагы № 483 токтомуна тиркеме |

Мамлекеттик жер тилкелерин пайдалануу үчүн ижара акынын өлчөмүн аныктоо методикасы

1-глава. Жалпы жоболор

1. Ушул Мамлекеттик жер тилкелерин пайдалануу үчүн ижара акынын өлчөмүн аныктоо методикасы (мындан ары – Методика) мамлекеттик жер тилкелерин пайдалануу үчүн ижара акынын чектүү өлчөмдөрүн эсептөө жана колдонуу тартибин белгилөө максатында иштелип чыккан.

2. Методика мамлекеттик жер тилкелерин пайдалануу үчүн ижара акынын өлчөмүн эсептөө тартибин белгилейт.

3. Ушул Методиканын колдонулушу мамлекеттик токой фондунун жерлерин жана жайыттарды кошпогондо, бардык категориядагы мамлекеттик жер тилкелерине жайылтылат.

4. Ушул Методикага ылайык эсептелген ижара акы жер тилкесин пайдалануунун бир календардык жылы үчүн белгиленет.

5. Ушул Методикага ылайык белгиленген маанилер жана коэффициенттер мамлекеттик менчикте турган жерлерди пайдалануу үчүн ижара акынын чектүү өлчөмдөрүн бекитүү үчүн райондук мамлекеттик администрациялар тарабынан колдонулат.

2-глава. Базалык ставка

6. Мамлекеттик жер тилкелерин пайдалануу үчүн ижара акынын өлчөмүн аныктоонун баштапкы экономикалык базасы катары жер тилкеси үчүн ижаранын базалык ставкасы (мындан ары – ИБС) белгиленет.

7. Ижаранын базалык ставкасы аянттын бирдиги үчүн акчалай туюнтмада (1 квадрат метр же башка аянт бирдиги үчүн сом менен) көрсөтүлөт.

Мамлекеттик менчикте турган жерлерди пайдалануу үчүн ижара акынын чектүү өлчөмдөрүн бекитүүдө райондук мамлекеттик администрациялар ижаранын базалык ставкасын ижара акынын рыноктук наркын талдоонун негизинде белгилейт.

8. Жер казынасын пайдалануу үчүн жердин 1 квадрат метринин базалык ставкасы 1 сомду түзөт.

3-глава. Ижара акынын өлчөмүн

эсептөө формуласы

9. Мамлекеттик жер тилкелерин пайдалануу үчүн жылдык ижара акынын өлчөмү (мындан ары – ИА) төмөнкү формула боюнча эсептелет:

ИА = ИБС * K₁ * K₂ * K₃ * K₄ * K5 мында: ИА – мамлекеттик жер тилкелерин пайдалануу үчүн жер тилкесинин 1 квадрат метри үчүн жылдык ижара акынын өлчөмү; ИБС – жер тилкесинин 1 квадрат метри үчүн ижаранын базалык ставкасы; K₁ – жерлердин категориясынын коэффициенти; K₂ – аймактык зонанын коэффициенти; K₃ – жер тилкесин пайдалануу түрүнүн коэффициенти; K₄ – социалдык коэффициент; K5 – бийик тоолуу коэффициент.

10. ИАны эсептөө төмөнкү айкалыштардын ар бири боюнча жүргүзүлөт:

1) жер категориясы;

2) аймактык зона;

3) жер тилкесин пайдалануу түрү.

4-глава. Эсептөөдө колдонулуучу коэффициенттер

11. K₁ жер категориясынын коэффициенти Кыргыз Республикасынын Жер кодексине жана «Тарыхый-маданий мурастарды коргоо жана пайдалануу жөнүндө» Кыргыз Республикасынын Мыйзамына ылайык жерлердин укуктук режиминин жана максаттуу багытынын өзгөчөлүктөрүн эске алат.

12. K₁ коэффициентинин маанилери төмөнкү өлчөмдөрдө белгиленет:

Жерлердин категориясыK₁ мааниси
Өзгөчө корголуучу жаратылыш жана тарыхый-маданий аймактардын жерлери (рекреация объекттери, туристтик зоналар ж.б.)3,0
Жер казынасын пайдалануу жерлери3,0
Өнөр жайынын, транспорттун, байланыштын, энергетиканын, коргонуу жана башка багыттагы жерлер2,5
Суу жана ирригация фонддорунун жерлери2,0
Калктуу конуштардын жерлери1,5
Запастагы жерлер0,8
Айыл чарба багытындагы жерлер, анын ичинде Айыл чарба жерлеринин мамлекеттик фондунун жерлери0,1

13. K₂ аймактык зонанын коэффициенти тиешелүү райондун чегинде жер тилкесинин инфраструктура менен камсыз болуу деңгээлин, транспорттук жеткиликтүүлүгүн жана коммерциялык жагымдуулугун чагылдырат.

14. K2 коэффициентинин максималдуу маанилери төмөнкү өлчөмдөрдө белгиленет:

Аймактык зонаK₂ мааниси
Жогорку коммерциялык активдүүлүк зонасы2,0
Жер казынасын пайдалануу аймагы2,0
Орточо камсыздалган жана жеткиликтүү зона1,5
Аз өздөштүрүлгөн аймактар0,8
Алыскы өздөштүрүлбөгөн аймактар0,4

15. Конкреттүү жер тилкелерин тигил же бул аймактык зонага киргизүү райондук мамлекеттик администрациялар тарабынан көрсөтүлгөн коэффициенттерге ылайык жүзөгө ашырылат.

16. K₃ жер тилкесин пайдалануу түрүнүн коэффициенти ижарага алуучу тарабынан жер тилкесинде жүргүзүлүүчү иштин мүнөзүн жана анын кирешелүүлүгүн (коммерциялык потенциалын) эске алат.

17. K₃ коэффициентинин маанилери төмөнкү өлчөмдөрдө белгиленет:

№Жер тилкесин пайдалануу түрлөрүK₃ мааниси
1Төлөм кабыл алуу пункттары (терминалдар), банкоматтар, антенна-фидердик түзүлүштөрдү жана телекоммуникация жабдууларын орнотуу, банктык кызмат көрсөтүүлөр, көчмө касса, авиакасса2,5
2Жер казынасын пайдалануу үчүн жерлер жана ага байланыштуу аймактар2,5
3Суу жана ирригация фонддорунун жерлерин пайдалануу2,0
4Ресторан, кафе, мейманкана, бильярд, сауна, бассейн, мончо, акча алмаштыруу пункту, ломбард, жарнак такталары, жарнама жайгаштыруу жана май куюучу станциялар, мунай базалары, газ куюучу станциялар, медициналык кызмат көрсөтүүлөр, дарыкана, оптика, ветеринардык дарыкана, билим берүү борбору, мини-базарлар, соода-логистикалык борборлор, коомдук дааратканалар, эс алуу жана көңүл ачуу чөйрөсүнүн объекттери, караоке-клуб, түнкү клуб1,7
5Спорттук-ден соолукту чыңдоочу кызмат көрсөтүүлөр, сулуулук салону, автотранспортту оңдоо жана техникалык тейлөө үчүн жайлар жана курулмалар, автоунаа жуучу жай, массаж борбору, соода түйүнү, дүкөн, күркө, ашкана, буфет, компьютердик кызмат көрсөтүүлөр жана компьютердик техниканы оңдоо, фото кызмат көрсөтүүлөрү, фотосалон1,6
6Автоунаа токтотуучу жайлар, парковка, гараж1,5
7Кеңсе1,4
8Бут кийим оңдоо, көчүрмө кызмат көрсөтүүлөрү, кийим реставрациялоо, химиялык тазалоо1,3
9Өндүрүш жана башка өндүрүштүк кызмат көрсөтүүлөр, тигүү цехи, кампалар1,1
10Дан сактоочу кампалар, мөмө-жемиш жана жашылча сактоочу жайлар, айыл чарба өндүрүүчүлөрү үчүн иштин башка түрлөрү0,8
11Режимдик объекттердеги ашкана, буфет0,7
12Балдар жана өспүрүмдөр чыгармачылыгынын көркөм ийримдери, спорттук секциялар жана башка маданий жана спорттук объекттер, кайрымдуулук фонддору0,6
13Ветеринардык же фитосанитардык лабораториялар, окуу-реабилитациялык борборлор, китепкана0,5
14Инвестициялык долбоорлордун жана мамлекеттик маанидеги долбоорлордун алкагында0,1
15Айыл чарба багытындагы жерлерди, анын ичинде Айыл чарба жерлеринин мамлекеттик фондунун жерлерин айыл чарба максатында пайдалануу0,1
16Жогоруда көрсөтүлбөгөн башка максаттуу пайдалануу1,0

18. K₄ – социалдык коэффициент, мамлекеттин социалдык саясатын ишке ашыруу максатында киргизилет.

Маанилери:

№СубъекттерК4 мааниси
1III топтогу майыптыгы бар адамдар үчүн0,2
2I жана II топтогу майыптыгы бар адамдар жана аз камсыз болгон үй-бүлөлөр үчүн0,3
3Социалдык жана кайрымдуулук уюмдары үчүн0,5
4Аялдар ишкердиги жана жаш ишкерлер үчүн0,6

Ырастоочу документтердин негизинде колдонулат.

19. K5 – бийик тоолуу коэффициент. Бийик тоолуу аймактардын инвестициялык жагымдуулугун жогорулатуу максатында инвесторлор үчүн кошумча стимул катары киргизилет.

Мааниси: K5 – бийик тоолуу коэффициент – 0,9.

20. Жер тилкесин пайдалануу түрү төмөнкүлөрдүн негизинде аныкталат:

1) ижара келишиминин шарттары;

2) долбоордук документтер;

3) шаар куруу документтерине жана жер мыйзамдарына ылайык белгиленген уруксат берилген пайдалануу түрү.

Суу жана ирригация фонддорунун жер тилкелери үчүн пайдалануу түрү суу мыйзамдарынын талаптарын, анын ичинде Кыргыз Республикасынын суу объекттеринин суу коргоо зоналары жана тилкелери жөнүндө талаптарды эске алуу менен аныкталат.

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 3 · цитата келтиргендер: 0 · байланышкандар: 0

Шилтеме берет (3)