Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөРаспоряжение

Кыргыз Республикасынын Министрлер Кабинетинин (2026-жылга кылмыштуу ишти каржылоонун жана кылмыштуу кирешелерди легалдаштыруунун (адалдоонун) аныкталган тобокелдиктерин төмөндөтүү боюнча иш-аракеттер планын бекитүү тууралуу) тескемеси

Распоряжение2026-жылдын 8-июну, № 417-тКүчүндөред.: 2025-жылдын 8-июну

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2026-жылдын 8-июну № 417-т

Кыргыз Республикасынын Министрлер Кабинетинин 2025-жылдын 14-ноябрындагы № 739 "Кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү жөнүндө" Кыргыз Республикасынын Мыйзамын ишке ашыруу боюнча чаралар тууралуу" токтому менен бекитилген Кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү маселелери боюнча комиссия жөнүндө жобонун 42-пунктуна, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. 2026-жылга кылмыштуу ишти каржылоонун жана кылмыштуу кирешелерди легалдаштыруунун (адалдоонун) аныкталган тобокелдиктерин төмөндөтүү боюнча иш-аракеттер планы (мындан ары - План) тиркемеге ылайык бекитилсин.

2. Планда көрсөтүлгөн министрликтер, мамлекеттик комитет, административдик ведомстволор, башка мамлекеттик органдар:

1) Планда каралган иш-чараларды өз убагында жана толук аткаруу боюнча бардык чараларды көрсүн;

2) отчеттук мезгилден кийинки айдын 15инен кечиктирбестен квартал сайын Планды даярдоонун жана ишке ашыруунун жүрүшү жөнүндө маалыматты Кыргыз Республикасынын Финансы министрлигине караштуу Финансылык чалгындоо мамлекеттик кызматына берип турсун.

3. Кыргыз Республикасынын Улуттук банкына Пландa каралган иш-чаралардын аткарылышын камсыз кылуу жана ушул тескеменин 2-пунктунда белгиленген мөөнөттөрдө Кыргыз Республикасынын Финансы министрлигине караштуу Финансылык чалгындоо мамлекеттик кызматына маалымат берүү сунушталсын.

4. Кыргыз Республикасынын Финансы министрлигине караштуу Финансылык чалгындоо мамлекеттик кызматы:

1) Планды ишке ашырууну координациялоону жана мониторинг жүргүзүүнү жүзөгө ашырсын;

2) жарым жылдыктын жана жылдын жыйынтыгы боюнча Кыргыз Республикасынын Президентинин Администрациясына жана Кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү маселелери боюнча комиссияга Планды аткаруунун жүрүшү жөнүндө маалымат берсин.

5. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

Кыргыз Республикасынын Министрлер Кабинетинин ТөрагасыА.А. Касымалиев
Тиркеме

2026-жылга кылмыштуу ишти каржылоонун жана кылмыштуу кирешелерди легалдаштыруунун (адалдоонун) аныкталган тобокелдиктерин төмөндөтүү боюнча ИШ-АРАКЕТТЕР ПЛАНЫ

Ушул 2026-жылга кылмыштуу ишти каржылоонун жана кылмыштуу кирешелерди легалдаштыруунун (адалдоонун) аныкталган тобокелдиктерин төмөндөтүү боюнча иш-аракеттер планы (мындан ары - План) тобокелдиктерди улуттук баалоонун алкагында аныкталган кыйла маанилүү жана кечиктирилгис тобокелдиктерге чара көрүүнүн негизги багыттарын, артыкчылыктарын жана биринчи кезектеги чараларын аныктоочу стратегиялык документ катары иштелип чыкты. Ушул Планды кабыл алуу жана ишке ашыруу көрсөтүлгөн тобокелдиктерди төмөндөтүүгө, ооздуктоого жана минималдаштырууга карата мамлекеттик органдардын жана улуттук системанын башка катышуучуларынын ырааттуу, координацияланган жана тобокелдикке салынган мамилесин камсыз кылууга багытталган. Бул План КИК/ККЛ каршы аракеттенүү чөйрөсүндөгү Кыргыз Республикасынын стратегиялык алкактын курамдык бөлүгү болуп саналат. Көрсөтүлгөн стратегиялык алкак улуттук коопсуздукту камсыз кылуу, кылмыштуулукка каршы аракеттенүү, укук бузуулардын алдын алуу маселелерин, ошондой эле КИК/ККЛ менен байланышкан тобокелдиктердин алдын алуу, аныктоо, бөгөт коюу жана минималдаштыруу маселелерине байланыштуу мамлекеттик саясаттын башка багыттарын жөнгө салуучу Кыргыз Республикасынын өз ара байланышкан стратегиялык жана программалык документтеринин жыйындысын камтыйт. Ушул Пландын жоболору мындай документтер менен системалык өз ара байланышта чечмеленүүгө жана ишке ашырылууга тийиш. Бул План ошондой эле тобокелдиктерди сектордук баалоонун жыйынтыгы боюнча кабыл алынган пландар, тобокелдиктерди тематикалык баалоо, ошондой эле КИК/ККЛ маселелерине тиешелүү Кыргыз Республикасынын стратегиялык документтерин, концепцияларын жана чечимдерин ишке ашыруу максатында иштелип чыккан башка иш-чаралар пландары менен биргеликте каралууга тийиш. Ушул Планда каралган иш-чаралар ыйгарым укуктуу мамлекеттик органдардын компетенциясын, алардын функцияларын жана ыйгарым укуктарын бөлүштүрүүнүн, ошондой эле ведомстволор аралык өз ара аракеттенүүнүн жана координациялоонун зарылдыгын эске алуу менен ишке ашырылууга тийиш.

№МилдеттерЧараларИндикаторлор/күтүлүүчү натыйжаларЖооптуу органИшке ашыруу мөөнөтүИшке ашырууга каражаттар
1Банктардагы эсептер боюнча накталай акчага айландыруу жана транзиттик операцияларды жүргүзүү үчүн номиналдык/көзөмөлдөнүүчү компанияларды же жеке ишкерлерди пайдалануу тобокелдигин азайтууЮридикалык жактардын жана жеке ишкерлердин банктагы эсептеринен банктын кассасы аркылуу накталай акчага айландыруу боюнча операцияларга карата чектөө чараларын колдонуунун максатка ылайыктуулугу жөнүндө маселени карооЮридикалык жактардын жана жеке ишкерлердин банктагы эсептеринен банктардын кассасы аркылуу накталай акчага айландыруу менен байланышкан КИК/ККЛ тобокелдиктерин азайтуу боюнча механизмдер аныкталды жана чаралар белгилендиУБ, ФЧМК2026-жылдын III кварталыУБнын өздүк каражаттарынын жана республикалык бюджеттин алкагында
2Юридикалык жактардын номиналдуулугунун, фиктивдүүлүгүнүн белгилерин/индикаторлорун иштеп чыгууТобокелдиктерди улуттук баалоонун жыйынтыктарын эске алуу менен фиктивдүү/номиналдык юридикалык жактардын белгилери/индикаторлору бекитилдиФЧМК, МСК, ЮМ2026-жылдын III кварталыРеспубликалык бюджеттин жана өнүктүрүү боюнча өнөктөштөрдүн каражаттарынын алкагында
3Аракетсиз юридикалык жактарды реестрден чыгаруу жана аракетсиз юридикалык жактарды мажбурлап жоюу маселелери боюнча ченемдик укуктук актыларга өзгөртүүлөрдү киргизүүЮридикалык жактардын (юридикалык жактардын реестри), филиалдардын (өкүлчүлүктөрдүн) электрондук маалыматтар базасынан аракетсиз юридикалык жактар чыгарылдыЮМ, МСК2026-жылдын IV кварталыРеспубликалык бюджеттин жана өнүктүрүү боюнча өнөктөштөрдүн каражаттарынын алкагында
4Мамлекеттик органдар бекитилген номиналдык, жасалма жактардын критерийлерине/белгилерине ылайык юридикалык жактардын аялуулук деңгээлине туруктуу негизде баалоо жүргүзүүсү зарылТобокелдиктерди улуттук баалоого ылайык юридикалык жактардын номиналдуулук/фиктивдүүлүк деңгээлине мониторинг жүргүзүү жана баалоо боюнча жетектөөчү документтер (буйруктар, методикалык сунуштамалар) бекитилди. Юридикалык жактарды номиналдуулук/фиктивдүүлүк деңгээлин баалоо боюнча алардын рейтинг системасы киргизилдиФЧМК, ЮМ, МСК2026-жылдын IV кварталыРеспубликалык бюджеттин жана өнүктүрүү боюнча өнөктөштөрдүн каражаттарынын алкагында
5Мамлекеттин аймагында/анын чегинен тышкары кыймылдуу жана кыймылсыз мүлктү сатып алуу/сатуу схемаларын (анын ичинде фиктивдүү схемаларды) пайдалануу тобокелдигин төмөндөтүүКыймылсыз мүлккө болгон укуктарды каттоону жүзөгө ашыруучу ыйгарым укуктуу мамлекеттик органды КИК/ККЛК субъекттеринин катарына киргизүүКыймылсыз мүлккө болгон укуктарды каттоону жүзөгө ашыруучу ыйгарым укуктуу мамлекеттик органды КИК/ККЛК субъекттеринин толук тизмесине киргизүү бөлүгүндө "Кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү жөнүндө" Кыргыз Республикасынын Мыйзамынын 5-беренесине өзгөртүүлөрдү киргизүүнү караган ченемдик укуктук актынын долбоору иштелип чыкты жана Кыргыз Республикасынын Министрлер Кабинетинин кароосуна киргизилдиФЧМК, Жер агенттиги2026-жылдын III кварталыРеспубликалык бюджеттин жана өнүктүрүү боюнча өнөктөштөрдүн каражаттарынын алкагында
6Кыймылсыз мүлккө болгон укуктарды мамлекеттик каттоо жол-жоболорунун алкагында кардарларды талаптагыдай текшерүү чараларын колдонуу, ошондой эле милдеттүү контролдоого тийиш операциялар (бүтүмдөр) жана шектүү операциялар (бүтүмдөр) жөнүндө билдирүүлөрдү аныктоо жана финансылык чалгындоо органына берүү тартибин регламенттөө"Кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү жөнүндө" Кыргыз Республикасынын Мыйзамынын 23, 24, 25 жана 27-беренелерине ылайык маалымат алмашууну жана ведомстволор аралык өз ара аракеттенүүнү регламенттөө максатында ведомстволор аралык макулдашуу түзүлдү жана Жер агенттигинин 2025-жылдын 6-октябрындагы № 10-1/268 буйругу менен бекитилген Кыймылсыз мүлккө укуктарды, укуктарга чектөөлөрдү жана аны менен болгон бүтүмдөрдү мамлекеттик каттоо эрежелерине өзгөртүүлөр киргизилдиФЧМК, Жер агенттиги2026-жылдын III кварталыРеспубликалык бюджеттин жана өнүктүрүү боюнча өнөктөштөрдүн каражаттарынын алкагында
7Жеңилдетилген салык салуудагы юрисдикцияларда катталган юридикалык жактарды ККЛ максатында пайдалануу тобокелдигин жана кылмыштуу кирешелерди, анын ичинде үчүнчү өлкөлөрдө жайгашкан юридикалык жактардын чарбалык ишине инвестициялоо тобокелдигин төмөндөтүүЖеңилдетилген салык салуудагы (офшордук) юрисдикцияларда катталган юридикалык жактардын бенефициардык ээси жөнүндө маалыматтарды аларды Кыргыз Республикасында каттоодо эсепке алуу механизмин иштеп чыгууЖеңилдетилген салык салуудагы (офшордук) юрисдикцияларда катталган юридикалык жактардын бенефициардык ээси жөнүндө маалыматтарды аларды Кыргыз Республикасында каттоодо эсепке алуу механизми белгилендиЮМ2026-жылдын III кварталыРеспубликалык бюджеттин жана өнүктүрүү боюнча өнөктөштөрдүн каражаттарынын алкагында
8Аны каттоо этабында бенефициардык ээлери жөнүндө маалыматтарды көрсөтүү мүмкүнчүлүгүн жана юридикалык жактардын реестринин жабык бөлүгүн мындай маалыматтар менен толуктоо маселесин карооЮридикалык жактардын, филиалдардын (өкүлчүлүктөрдүн) электрондук маалыматтар базасына (юридикалык жактардын реестри) милдеттүү пункт - бенефициардык ээси жөнүндө маалыматтар кошулдуЮМ2026-жылдын II кварталыРеспубликалык бюджеттин жана өнүктүрүү боюнча өнөктөштөрдүн каражаттарынын алкагында
9ФМ/ФЭКЖ кардарларынын бенефициардык ээлерин ачып көрсөтүү боюнча талаптардын сакталышына көзөмөлдү жана контролду күчөтүү, эгерде алардын ээлик кылуу же башкаруу түзүмүндө жеңилдетилген салык салуудагы юрисдикцияларда катталган жактар бар болгондоФМ/ФЭКЖ ишине юридикалык жактардын (ФМ/ФЭКЖ кардарларынын) бенефициардык ээлерин ачып көрсөтүү боюнча талаптардын сакталышы бөлүгүндө, офшордук юрисдикциялардын резиденттери болгон жактар бар ээлик кылуу же башкаруу түзүмүндө тобокелдикке багытталган мамилени эске алуу менен күчөтүлгөн көзөмөл жана контроль жүргүзүлөт. Көрсөтүлгөн маселелер ФМ/ФЭКЖ ишин текшерүү программаларына киргизилди. Финансылык мекемелерге жана финансылык эмес категориядагы жактарга циркулярдык каттар жөнөтүлдү, окутуу семинарлары өткөрүлдү, түшүндүрүү иштери жана башка иш-чаралар жүргүзүлдүУБ, ЮМ, Финкөзөмөл, БТЖКК, МСКДайымаУБнын өздүк каражаттарынын жана республикалык бюджеттин алкагында
10Кредитти/зайымды (кылмыштуу кирешелерден төлөө менен) пайдалануу тобокелдигин төмөндөтүүЖеке сектор менен биргеликте ТСБ жыйынтыктарын эске алуу менен секторго мүнөздүү шектүү операциялардын (бүтүмдөрдүн) белгилеринин/индикаторлорунун долбоорун иштеп чыгууФЧМК тарабынан шектүү операциялардын (бүтүмдөрдүн) белгилеринин маалымдамасына өзгөртүүлөрдү жана толуктоолорду киргизүү долбоору иштелип чыкты жана бекитилди. Ыйгарым укуктуу органдар тарабынан ТСБ жыйынтыктарын эске алуу менен контролдонуучу секторго мүнөздүү шектүү операциялардын (бүтүмдөрдүн) белгилерин/индикаторлорун киргизүү үчүн шектүү операциялардын (бүтүмдөрдүн) белгилеринин маалымдамасын жаңылоо жөнүндө ФЧМКга сунуштар киргизилдиФЧМК, УБ, ЮМ, Финкөзөмөл, БТЖКК, МСК2026-жылдын II кварталыРеспубликалык бюджеттин каражаттарынын алкагында
11Электрондук төлөм каражаттарын пайдалануу тобокелдигин төмөндөтүүТөлөм терминалдары аркылуу электрондук капчыктарды, банктык эсептерди жана банктык карталарды накталай акча каражаттары менен толтурууда жактарды идентификациялоо механизмин киргизүү маселесин карооТөлөм терминалдары аркылуу электрондук капчыктарды, банктык эсептерди жана банктык карталарды накталай акча каражаттары менен толтурууда жактарды идентификациялоо механизми белгилендиУБ2026-жылдын IV кварталыУБнын өздүк каражаттарынын жана өнүктүрүү боюнча өнөктөштөрдүн каражаттарынын алкагында
12Баалуу кагаздарды, анын ичинде сатып алуу-сатуу менен байланышкан операциялар аркылуу баалуу кагаздар рыногун пайдалануу тобокелдигин төмөндөтүүБаалуу кагаздардын реестр кармоочуларынын маалыматтар базаларына ФЧМКга жеткиликтүүлүк берүүФЧМК баалуу кагаздардын реестр кармоочуларынын маалыматтар базаларына киргизилдиФинкөзөмөл, ФЧМК2026-жылдын IV кварталыРеспубликалык бюджеттин каражаттарынын алкагында
13Хавала акча которууларынын альтернативдүү системаларын пайдалануу тобокелдигин төмөндөтүүХавала принциби боюнча акча каражаттарын которуу боюнча мыйзамсыз кызмат көрсөтүүлөр борборлорун аныктоо үчүн биргелешкен ыкчам-иликтөө иш-чараларын жүргүзүүХавала принциби боюнча акча каражаттарын которуу боюнча мыйзамсыз кызмат көрсөтүүлөр борборлорун аныктоо боюнча биргелешкен ыкчам-иликтөө иш-чаралары жүргүзүлдүИИМ, УКМКДайымаРеспубликалык бюджеттин жана өнүктүрүү боюнча өнөктөштөрдүн каражаттарынын алкагында
14ТИК тобокелдигин төмөндөтүү (террористтик ишти өз алдынча каржылоо, жеке кайрымдуулук каражаттары, социалдык тармактар жана мессенджерлер аркылуу акча чогултуу)Операциялардын (бүтүмдөрдүн) төмөнкүдөй типтери боюнча критерийлердин (белгилердин) тизмесин жана коддордун маалымдамасын актуалдаштыруу: - зайымдарды кайтаруу; - баалуу кагаздар менен операциялар (векселдер); - төлөм терминалдарын накталай акча каражаттары менен толуктоо; - кайрымдуулук жана материалдык жардам көрсөтүү; - ВА; - террористтик активдүүлүгү жогору өлкөлөргө авиабилеттерди сатып алуу; - төлөмдүн багыттары менен үчүнчү жактардан келип түшкөн акча которуулар (материалдык жардам, туугандардын жардамы жана башка)Операциялардын (бүтүмдөрдүн) төмөнкүдөй типтери боюнча коддордун жаңыланган маалымдамасы бекитилди: - зайымдарды кайтаруу; - баалуу кагаздар менен операциялар (векселдер); - төлөм терминалдарын накталай акча каражаттары менен толуктоо; - кайрымдуулук жана материалдык жардам көрсөтүү; - ВА; - террористтик активдүүлүгү жогору өлкөлөргө авиабилеттерди сатып алуу; - төлөмдүн багыттары менен үчүнчү жактардан келип түшкөн акча которуулар (материалдык жардам, туугандардын жардамы жана башка)ФЧМК, УБ, ЮМ, Финкөзөмөл, БТЖКК, МСК, ДИЭМУА2026-жылдын III кварталыРеспубликалык бюджеттин каражаттарынын жана УБнын өздүк каражаттарынын алкагында

Кыскартуулардын тизмеси

ВА-виртуалдык активдер
УКМК-Кыргыз Республикасынын Улуттук коопсуздук мамлекеттик комитети
МСК-Кыргыз Республикасынын Министрлер Кабинетине караштуу Мамлекеттик салык кызматы
ФЧМК-Кыргыз Республикасынын Финансы министрлигине караштуу Финансылык чалгындоо мамлекеттик кызматы
ЖИ-жеке ишкерлер
Жер агенттиги-Кыргыз Республикасынын Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттик
ККЛ-кылмыштуу кирешелерди легалдаштыруу (адалдоо)
ЮМ-Кыргыз Республикасынын Юстиция министрлиги
ДИЭМУА-Кыргыз Республикасынын Президентине караштуу Дин иштери жана этностор аралык мамилелер боюнча улуттук агенттик
УБ-Кыргыз Республикасынын Улуттук банкы
ТУБ-кылмыштуу ишти жана кылмыштуу кирешелерди легалдаштыруу (адалдоо) тобокелдиктерин улуттук баалоо
ФЭКЖ-"Кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү жөнүндө" Кыргыз Республикасынын Мыйзамынын 5-беренесине ылайык финансылык эмес категориядагы жактар
ТСБ-кылмыштуу ишти жана кылмыштуу кирешелерди легалдаштыруу (адалдоо) тобокелдиктерин сектордук баалоо
БТЖКК-Кыргыз Республикасынын Санариптик өнүктүрүү жана инновациялык технологиялар министрлигине караштуу Байланыш тармагында жөнгө салуу жана көзөмөлдөө боюнча кызмат
Финкөзөмөл-Кыргыз Республикасынын Экономика жана коммерция министрлигине караштуу Финансы рыногун жөнгө салуу жана көзөмөлдөө кызматы
КИК-террористтик ишти каржылоо, экстремисттик ишти каржылоо, массалык кыргын салуучу куралды таратууну каржылоо, уюшкан топторду же кылмыштуу коомдоштуктарды каржылоо
ТИК-террористтик ишти каржылоо
ФМ-"Кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү жөнүндө" Кыргыз Республикасынын Мыйзамынын 5-беренесине ылайык финансылык мекемелер
ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 2 · цитата келтиргендер: 0 · байланышкандар: 1

Шилтеме берет (2)

Байланышкан документтер (1)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.