Кыргыз Республикасынын Министрлер Кабинетине караштуу Жарандык авиация мамлекеттик агенттигинин ««Вертолёттор. Аба кемелерин эксплуатациялоо. III бөлүк. КРАЭ-6» Кыргыз Республикасынын Авиациялык эрежелерин бекитүү жөнүндө»» буйругу

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНЕ КАРАШТУУ ЖАРАНДЫК АВИАЦИЯ МАМЛЕКЕТТИК АГЕНТТИГИНИН БУЙРУГУ

2026-жылдын 29-апрели № 13-21-3

«Вертолёттор. Аба кемелерин эксплуатациялоо. III бөлүк. КРАЭ-6» Кыргыз Республикасынын Авиациялык эрежелерин бекитүү жөнүндө»

Кыргыз Республикасынын Министрлер Кабинетинин 2023-жылдын 3-марттагы № 115 «Кыргыз Республикасынын Министрлер Кабинетинин айрым ченем жаратуу ыйгарым укуктарын мамлекеттик органдарга жана жергиликтүү өз алдынча башкаруунун аткаруу органдарына өткөрүп берүү жөнүндө» токтомуна ылайык, ошондой эле Эл аралык жарандык авиация уюмунун (ИКАО) стандарттары жана сунушталуучу тажрыйбасы менен максимум бирдейликти камсыз кылуу максатында, буйрук кылам:

1. Тиркемеге ылайык, «Вертолёттор. Аба кемелерин эксплуатациялоо. III бөлүк. КРАЭ-6» Кыргыз Республикасынын Авиациялык эрежелерин мамлекеттик жана расмий тилдеринде бекитилсин.

2. Кыргыз Республикасынын Министрлер Кабинетине караштуу Жарандык авиация мамлекеттик агенттиги:

- бул буйрукту катталган күндөн тартып үч жумушчу күндүн ичинде мамлекеттик жана расмий тилдерде «Эркин Тоо» газетасына жарыялансын;

- расмий жарыяланган күндөн тартып үч жумушчу күндүн ичинде бул буйруктун көчүрмөлөрүн мамлекеттик жана расмий тилдерде кагаз жана электрондук түрдө Кыргыз Республикасынын Юстиция министрлигине Кыргыз Республикасынын ченемдик-укуктук актыларынын мамлекеттик реестрине киргизүү үчүн жөнөтсүн;

- күчүнө кирген күндөн тартып үч жумуш күндүн ичинде бул буйруктун көчүрмөлөрүн маалымат үчүн Кыргыз Республикасынын Президентинин Администрациясына жөнөтсүн.

3. Кыргыз Республиканын министрликтер, ведомстволор, жарандык авиация уюмдар жана окуу борборлору «Вертолёттор. Аба кемелерин эксплуатациялоо. III бөлүк. КРАЭ-6» Кыргыз Республикасынын Авиациялык эрежелерин аткарууга кабыл алынсын.

4. Кыргыз Республикасынын Транспорт жана коммуникациялар министрлигине Кыргыз Республикасынын Транспорт жана жолдор министрлигинин 2019-жылдын 11-апрелиндеги № 3 «КРАЭ-6. Аба кемелерин эксплуатациялоо. Вертолеттор. III-чү Бөлүк Кыргыз Республикасынын Авиациялык эрежелерин бекитүү тууралуу» буйругун күчүн жоготту деп таануу сунушталсын.

5. Бул буйрук Кыргыз Республикасынын Министрлер Кабинетине караштуу Жарандык авиация мамлекеттик агенттигинин штаттык санынын жана тиешелүү жылдарга республикалык бюджетте каралган каражаттарынын чегинде жүзөгө ашырылат деп белгиленсин.

6. Бул буйрук расмий жарыяланган күндөн тартып жети күн өткөндөн кийин күчүнө кирет.

«Эркин-Тоо» мамлекеттик расмий гезитинин 2026-жылдын 1-майындагы № 33 (3793) саны менен жарыяланды

7. Ушул буйруктун аткарылышын контролдоо Кыргыз Республикасынын Министрлер Кабинетине караштуу Жарандык авиация мамлекеттик агенттигинин укуктук камыздоо бөлүмүнө жүктөлсүн.

Директор

Д.К. Бостонов