# Мин-Булак айыл аймагынын айылдык кеңешинин 2025-жылдын 26-июну №80 " Социалдык жактан аяр катмардагы үй-бүлөлөрдүн ваучер алуучу балдарынын тамак-аш акысына жеңилдик берүү үчүн айыл өкмөтүнүн бюджетинен төлөнүүчү төлөмдүн өлчөмүн бекитүү жөнүндө" токтому

- Толук аталышы: Мин-Булак айыл аймагынын айылдык кеңешинин 2025-жылдын 26-июну №80 " Социалдык жактан аяр катмардагы үй-бүлөлөрдүн ваучер алуучу балдарынын тамак-аш акысына жеңилдик берүү үчүн айыл өкмөтүнүн бюджетинен төлөнүүчү төлөмдүн өлчөмүн бекитүү жөнүндө" токтому
- Актынын түрү: Постановление
- Номери: 80
- Кабыл алынган күнү: 26.06.2025
- Статусу: Күчүндө
- Редакциянын күнү: 26.06.2025
- Тексттин тили: кыргыз тили
- aqlex'теги барагы: <https://aqlex.ai/kg/doc/230047114>
- Расмий булак: <https://cbd.minjust.gov.kg/7-55696/edition/54233/ru>
- Башка тилдеги тексти (Markdown): <https://aqlex.ai/doc/230047114.md>

> Текст расмий булактын маалыматы боюнча 26.06.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Мин-Булак айыл аймагынын айылдык кеңешинин 2025-жылдын 26-июну №80 " Социалдык жактан аяр катмардагы үй-бүлөлөрдүн ваучер алуучу балдарынын тамак-аш акысына жеңилдик берүү үчүн айыл өкмөтүнүн бюджетинен төлөнүүчү төлөмдүн өлчөмүн бекитүү жөнүндө" токтому (26.06.2025 редакциясы) - https://aqlex.ai/kg/doc/230047114

---

Мин-Булак айыл аймагынын айылдык Кеңеши ТОКТОМ

Мин-Булак айыл аймагынын айылдык Кеңешинин I-чакырылышы 2025-жылдын 26-июну №80 Социалдык жактан аяр катмардагы үй-бүлөлөрдүн ваучер алуучу балдарынын тамак-аш акысына жеңилдик берүү үчүн айыл өкмөтүнүн бюджетинен төлөнүүчү төлөмдүн өлчөмүн бекитүү жөнүндө

Кыргыз Республикасынын Министрлер Кабинетинин 2024-жылдын 18-ноябрындагы №693 токтомунун 10-пунктуна «Калктын социалдык аялуу катмарындагы, аз камсыз болгон жана жакыр үй-бүлөлөрдөгү, ошондой эле Баткен облусунун чек арага жакын райондорунда, Кыргыз Республикасынын жетүүгө кыйын жана бийик тоолуу, алыскы райондорунда жашаган балдар үчүн мектепке чейинки билим берүү кызматтарын каржылоонун ваучердик механизмин пилоттук апробациялоо жөнүндө” ылайык, Кыргыз Республикасынын 2021-жылдын 20-октябрындагы №123 «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 34-беренесине ылайык, 2025-жылдын 18-июнундагы айылдык Кеңештин бюджет, финансы, инвестиция жана гранттык долбоорлор боюнча туруктуу комиссиясынын корутундусунун негизинде, социалдык жактан аяр үй-бүлөлөрдү колдоо жана мектепке чейинки билим берүүгө жеткиликтүүлүктү камсыз кылуу максатында, Миң-Булак айыл аймагынын Кеңешинин сессиясы

ТОКТОМ КЫЛАТ:

1. Калктын социалдык аялуу жактан катмарындагы, аз камсыз болгон жана жакыр үй-бүлөлөрдөн чыккан ваучер алуучу ар бир бала үчүн айыл өкмөтүнүн бюджетинен күнүнө 60 (алтымыш) сом өлчөмүндө төлөм төлөнсүн.

2. Миң-Булак айыл өкмөтүнүн башчысына айыл өкмөтүнүн бюджетинен төлөмдөрдү өз убагында каржылоону камсыз кылуу сунушталсын.

3. Бул токтомдун аткарылышына көзөмөл жүргүзүү айылдык Кеңештин бюджет, финансы, инвестициялар жана гранттык долбоорлор боюнча туруктуу комиссиясына жүктөлсүн.

Төрайым

Булазова Г.Т.