# Кыргыз Республикасынын Министрлер Кабинетинин 2026-жылдын 20-апрелиндеги № 266 "Мамлекеттик менчикте турган транспорт каражаттарын сатуу тартибинин маселелери жөнүндө" токтому - Толук аталышы: Кыргыз Республикасынын Министрлер Кабинетинин 2026-жылдын 20-апрелиндеги № 266 "Мамлекеттик менчикте турган транспорт каражаттарын сатуу тартибинин маселелери жөнүндө" токтому - Актынын түрү: Постановление - Номери: 266 - Кабыл алынган күнү: 20.04.2026 - Статусу: Күчүндө - Редакциянын күнү: 20.04.2026 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 20.04.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Министрлер Кабинетинин 2026-жылдын 20-апрелиндеги № 266 "Мамлекеттик менчикте турган транспорт каражаттарын сатуу тартибинин маселелери жөнүндө" токтому (20.04.2026 редакциясы) - https://aqlex.ai/kg/doc/230045215 --- КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ 2026-жылдын 20-апрели № 266 Мамлекеттик менчикте турган транспорт каражаттарын сатуу тартибинин маселелери жөнүндө Мамлекеттик мүлктү ээликтен ажыратуу тартибин оптималдаштыруу максатында, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат: 1. Мамлекеттик менчикте турган транспорт каражаттарын сатуу тартиби жөнүндө жобо тиркемеге ылайык бекитилсин. 2. Төмөнкүлөр күчүн жоготту деп таанылсын: 1) Кыргыз Республикасынын Өкмөтүнүн 2003-жылдын 19-мартындагы № 143 «Менчиктештирүү объекттеринин наркын баалоо боюнча методикалык сунуштарды бекитүү жөнүндө» токтому; 2) Кыргыз Республикасынын Өкмөтүнүн 2007-жылдын 17-сентябрындагы № 414 «Кыргыз Республикасынын Өкмөтүнүн 2003-жылдын 19-мартындагы № 143 «Менчиктештирүү объекттеринин наркын баалоо боюнча методикалык сунуштарды бекитүү жөнүндө» токтомуна өзгөртүүлөрдү жана толуктоолорду киргизүү тууралуу» токтому; 3) Кыргыз Республикасынын Өкмөтүнүн 2008-жылдын 2-июлундагы № 357 «Менчиктештирүү объекттеринин мүлкүнүн наркын баалоо боюнча методикалык сунуштарды бекитүү жөнүндө» Кыргыз Республикасынын Өкмөтүнүн 2003-жылдын 19-мартындагы № 143 токтомуна өзгөртүүлөрдү жана толуктоолорду киргизүү тууралуу» токтому; 4) Кыргыз Республикасынын Өкмөтүнүн 2008-жылдын 16-августундагы № 463 «Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө» токтомунун 2-пункту; 5) Кыргыз Республикасынын Өкмөтүнүн 2010-жылдын 8-декабрындагы № 309 «Мамлекеттик менчикти менчиктештирүү маселелерин жөнгө салуучу Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө» токтомунун 1-пункту. 3. Бул токтом расмий жарыяланган күндөн тартып он беш күн өткөндөн кийин күчүнө кирет. «Эркин-Тоо» мамлекеттик расмий гезитинин 2026-жылдын 24-апрелиндеги № 31 (3791) саны менен жарыяланды Кыргыз Республикасынын Министрлер Кабинетинин Төрагасы А.А. Касымалиев