# Кыргыз Республикасынын Министрлер Кабинетинин 2026-жылдын 6-апрелиндеги № 227-т (Кыргыз Республикасынын мамлекеттик жарандык кызматчыларын жана муниципалдык кызматчыларын коррупцияны алдын алуу жана кызматтык жүрүм-турумдун этикалык ченемдерин сактоо чөйрөсүндө окутуунун типтүү программасы бекитүү тууралуу) тескемеси - Толук аталышы: Кыргыз Республикасынын Министрлер Кабинетинин 2026-жылдын 6-апрелиндеги № 227-т (Кыргыз Республикасынын мамлекеттик жарандык кызматчыларын жана муниципалдык кызматчыларын коррупцияны алдын алуу жана кызматтык жүрүм-турумдун этикалык ченемдерин сактоо чөйрөсүндө окутуунун типтүү программасы бекитүү тууралуу) тескемеси - Актынын түрү: Распоряжение - Номери: 227-т - Кабыл алынган күнү: 06.04.2026 - Статусу: Күчүндө - Редакциянын күнү: 06.04.2026 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 06.04.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Министрлер Кабинетинин 2026-жылдын 6-апрелиндеги № 227-т (Кыргыз Республикасынын мамлекеттик жарандык кызматчыларын жана муниципалдык кызматчыларын коррупцияны алдын алуу жана кызматтык жүрүм-турумдун этикалык ченемдерин сактоо чөйрөсүндө окутуунун типтүү программасы бекитүү тууралуу) тескемеси (06.04.2026 редакциясы) - https://aqlex.ai/kg/doc/230044675 --- КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ 2026-жылдын 6-апрели № 227-т Кыргыз Республикасынын Президентинин 2024-жылдын 5-июнундагы № 137 "2025-2030-жылдарга Кыргыз Республикасында коррупцияга каршы аракеттенүү боюнча мамлекеттик стратегия жөнүндө" Жарлыгы менен бекитилген 2025-2030-жылдарга Кыргыз Республикасында коррупцияга каршы аракеттенүү боюнча мамлекеттик стратегияны ишке ашыруу боюнча иш-чаралар планынын (2025-2027-жылдардын орто мөөнөттүү мезгилине I этап үчүн) 5-главасынын 4-пунктун аткаруу, мамлекеттик жарандык кызматчыларды жана муниципалдык кызматчыларды коррупцияны алдын алуу жана кызматтык жүрүм-турумдун этикалык ченемдерин сактоо чөйрөсүндө натыйжалуу окутуу системасын өркүндөтүү жана өнүктүрүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык: 1. Кыргыз Республикасынын мамлекеттик жарандык кызматчыларын жана муниципалдык кызматчыларын коррупцияны алдын алуу жана кызматтык жүрүм-турумдун этикалык ченемдерин сактоо чөйрөсүндө окутуунун типтүү программасы (мындан ары - Типтүү программа) тиркемеге ылайык бекитилсин. 2. Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттик жана Кыргыз Республикасынын Президентине караштуу Жусуп Абдрахманов атындагы Мамлекеттик башкаруу академиясы ушул тескемеден келип чыгуучу чараларды көрсүн. 3. Кыргыз Республикасынын мамлекеттик органдары жана жергиликтүү өз алдынча башкаруу органдары (макулдашуу боюнча) мамлекеттик жарандык кызматчыларды жана муниципалдык кызматчыларды окутуу иш-чараларын уюштурууда жана квалификациясын жогорулатууда ушул тескеменин 1-пунктунда бекитилген Типтүү программаны колдонсун. 4. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн. Кыргыз Республикасынын Министрлер Кабинетинин Төрагасы А.А. Касымалиев