# 16-берене. Асыл тукум мал чарбасы чөйрөсүндөгү мамлекеттик көзөмөлдөө

- Документ: [Кыргыз Республикасынын мал чарбасындагы асылдандыруу иши жөнүндө](https://aqlex.ai/kg/doc/230044182)
- Документтеги орду: 3-глава
- Толук аталышы: Кыргыз Республикасынын 2026-жылдын 7-апрелиндеги № 44 "Кыргыз Республикасынын мал чарбасындагы асылдандыруу иши жөнүндө" Мыйзамы
- Актынын түрү: Закон
- Номери: 44
- Кабыл алынган күнү: 07.04.2026
- Статусу: Күчүндө
- Редакциянын күнү: 07.04.2026
- Тексттин тили: кыргыз тили
- aqlex'теги барагы: <https://aqlex.ai/kg/doc/230044182/st-16>
- Расмий булак: <https://cbd.minjust.gov.kg/4-5732/edition/50996/ru>
- Башка тилдеги тексти (Markdown): <https://aqlex.ai/doc/230044182/st-16.md>

> Текст расмий булактын маалыматы боюнча 07.04.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын мал чарбасындагы асылдандыруу иши жөнүндө, 16-берене (07.04.2026 редакциясы) - https://aqlex.ai/kg/doc/230044182/st-16

---

1. Асылдандыруу иши чөйрөсүндөгү мамлекеттик көзөмөлдөө ушул Мыйзамдын талаптарына ылайык жана мал чарбасындагы асылдандыруу иши жаатындагы ченемдик укуктук актыларда белгиленген тартипте жүргүзүлөт.

2. Көзөмөлдөө боюнча ыйгарым укуктуу мамлекеттик органдын жетекчиси Кыргыз Республикасынын мал чарбасындагы асылдандыруу иши боюнча башкы мамлекеттик инспектор болуп саналат.

3. Асылдандыруу иши чөйрөсүндөгү мамлекеттик көзөмөлдөөнү түздөн-түз жүзөгө ашыруучу ведомствонун кызмат адамдары мал чарбасындагы асылдандыруу иши боюнча мамлекеттик инспекторлор болуп саналат.

4. Мал чарбасындагы асылдандыруу иши боюнча мамлекеттик инспекторлорго төмөнкүдөй ыйгарым укуктар берилет:

1) селекциялык жана асылдандыруу иштеринин абалына, анын асылдандыруу иши чөйрөсүндөгү жеке жана юридикалык жактарда эсепке алынышына жана отчеттуулугуна мамлекеттик көзөмөлдөөнү жүзөгө ашырууга;

2) "Асыл тукум" БММТиде камтылган жана Бирдиктүү паспортко киргизилген маалыматтардын аныктыгын текшерүүгө;

3) юридикалык жана жеке жактар тарабынан ушул Мыйзамдын жана мал чарбасындагы асылдандыруу иши жаатындагы ченемдик укуктук актылардын талаптарынын сакталышына мамлекеттик көзөмөлдөөнү жүзөгө ашырууга;

4) асылдандыруу ишин жүргүзүү боюнча мыйзамдардын талаптарын бузууларды четтетүү жөнүндө жазма буйруктарды берүүгө;

5) асыл тукум заводдорунун жана фермаларынын ишинин шайкештигине мониторинг жүргүзүүгө;

6) Министрлер Кабинети тарабынан аныкталган тартипте жүргүзүлгөн мониторингдин жыйынтыктары боюнча асыл тукум заводу жана фермасы статусун токтотуп туруу жана андан ажыратуу жөнүндө сунуштарды киргизүүгө.

5. Мал чарбасындагы асылдандыруу иши боюнча мамлекеттик инспекторлордун өздөрүнүн компетенциясынын чегинде берилген жазма буйруктары асылдандыруу ишинин субъекттери тарабынан аткарылууга милдеттүү.

---

Мурунку берене: [15-берене](https://aqlex.ai/kg/doc/230044182/st-15)  
Кийинки берене: [17-берене](https://aqlex.ai/kg/doc/230044182/st-17)