# Кыргыз Республикасынын Президентинин 2026-жылдын 27-мартындагы № 129 "Түндүк" ачык акционердик коомунун айрым маселелери жөнүндө" Жарлыгы

- Толук аталышы: Кыргыз Республикасынын Президентинин 2026-жылдын 27-мартындагы № 129 "Түндүк" ачык акционердик коомунун айрым маселелери жөнүндө" Жарлыгы
- Актынын түрү: Указ
- Номери: 129
- Кабыл алынган күнү: 27.03.2026
- Статусу: Күчүндө
- Редакциянын күнү: 27.03.2026
- Тексттин тили: кыргыз тили
- aqlex'теги барагы: <https://aqlex.ai/kg/doc/230043769>
- Расмий булак: <https://cbd.minjust.gov.kg/5-11082/edition/50544/ru>
- Башка тилдеги тексти (Markdown): <https://aqlex.ai/doc/230043769.md>

> Текст расмий булактын маалыматы боюнча 27.03.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын Президентинин 2026-жылдын 27-мартындагы № 129 "Түндүк" ачык акционердик коомунун айрым маселелери жөнүндө" Жарлыгы (27.03.2026 редакциясы) - https://aqlex.ai/kg/doc/230043769

---

КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ

2026-жылдын 27-марты № 129

"Түндүк" ачык акционердик коомунун айрым маселелери жөнүндө

"Түндүк" ачык акционердик коомунун ишинин натыйжалуулугун жогорулатуу максатында, Кыргыз Республикасынын Конституциясынын 66, 70, 71-беренелерине ылайык токтом кылам:

1. Кыргыз Республикасынын Министрлер Кабинети:

1) "Түндүк" ачык акционердик коомунда акционер катары чыгуу боюнча Кыргыз Республикасынын Министрлер Кабинетинин ыйгарым укуктарын ишке ашыруу боюнча функцияларды Кыргыз Республикасынын Санариптик өнүктүрүү жана инновациялык технологиялар министрлигинен Кыргыз Республикасынын Президентинин Иш башкармасына өткөрүп берсин;

2) өзүнүн чечимдерин ушул Жарлыкка ылайык келтирсин.

2. Кыргыз Республикасынын Президентинин 2025-жылдын 17-мартындагы № 91 "Мамлекеттик башкаруу чөйрөсүндө санариптик трансформациялоону андан ары өркүндөтүү боюнча чаралар жөнүндө" Жарлыгына төмөнкүдөй өзгөртүү киргизилсин:

- 5-пункттун 8-пунктчасы күчүн жоготту деп таанылсын.

3. Кыргыз Республикасынын Президентинин Иш башкармасы:

1) Кыргыз Республикасынын Санариптик өнүктүрүү жана инновациялык технологиялар министрлиги менен биргеликте ушул Жарлыктан келип чыгуучу зарыл чараларды көрсүн;

2) мамлекеттик мүлктү "Түндүк" ачык акционердик коомуна белгиленген тартипте пайдаланууга берүү үчүн чараларды көрсүн.

4. Бул Жарлыктын аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

5. Бул Жарлык расмий жарыяланган күндөн тартып он күн өткөндөн кийин күчүнө кирет.

"Эркин-Тоо" мамлекетик расмий газетасынын 2026-жылдын 31-мартындагы № 24 (3784) жарыяланды

Кыргыз Республикасынын Президенти

С.Н. Жапаров