Гүлчө шаарынын кеңешинин Кыргыз Республикасынын Өкмөтүнүн «Айыл чарба жерлеринин мамлекеттик фондунун жерлерин ижарага берүүнүн шарттары жана тартиби жөнүндө Типтүү Жобо тууралуу» токтомуна өзгөртүүлөрдү киргизүү жөнүндөгү Кыргыз Республикасынын Министрлер Кабинетинин токтомунун негизинде Гүлчө шаарынын аймагындагы мамлекеттик фондусунун жерлерин ижарага берүү максатында Гүлчө шаарынын аймагынын жер комиссиясынын курамын бекитип жана мамлекеттик фондунун жерлеринин ижара мөөнөттөрү бүткөндүгүнө байланыштуу ошол эле жерлердин ижара акыларынын баштапкы бааларын аныктап берүү жөнүндө токтому

ГҮЛЧӨ ШААРЫНЫН КЕҢЕШИ

ТОКТОМ

Гүлчө шаарынын кеңешинин VIII чакырылышынын депутаттарынын кезектеги 1-отуруму

2026-жылдын 30-январы № 1/7

Кыргыз Республикасынын Өкмөтүнүн 2007-жылдын 22-июнундагы №243 «Айыл чарба жерлеринин мамлекеттик фондунун жерлерин ижарага берүүнүн шарттары жана тартиби жөнүндө Типтүү Жобо тууралуу» токтомуна өзгөртүүлөрдү киргизүү жөнүндөгү Кыргыз Республикасынын Министрлер Кабинетинин 2025-жылдын 17-апрелиндеги №206 токтомунун негизинде Гүлчө шаарынын аймагындагы мамлекеттик фондусунун жерлерин ижарага берүү максатында Гүлчө шаарынын аймагынын жер комиссиясынын курамын бекитип жана мамлекеттик фондунун жерлеринин ижара мөөнөттөрү бүткөндүгүнө байланыштуу ошол эле жерлердин ижара акыларынын баштапкы бааларын аныктап берүү жөнүндө

Кыргыз Республикасынын Министрлер Кабинетинин 2025-жылдын 17-апрелиндеги №206 токтомунун жана Кыргыз Республикасынын «Жергиликтүү мамлекеттик администрациясы жана жергиликтүү өз алдынча башкаруу органдары жөнүндөгү» Мыйзамынын 34-беренесинин 5-пунктунун негизинде, Гүлчө шаарынынаймагындагы мамлекеттик фондунун жерлерин ижарага берүү боюнча жер комиссиясынын курамын бекитүү жана мамлекеттик фондунун жерлеринин ижара мөөнөттөрү бүткөндүгүнө байланыштуу ошол эле жерлердин ижара акыларынын баштапкы бааларын аныктап берүү боюнча жер боюнча башкы адиси Р.Какаровдун билдирүүсүн угуп жана талкуулап, Гүлчө шаарынын кеңеши

ТОКТОМ КЫЛАТ:

1. Гүлчө шаарынын мэриясынын башкы жер адиси Р. Какаровдун билдирүүсү эске алынсын.

2. Кыргыз Республикасынын Жогорку Кеңешинин 29.06.2007-жылдагы №1997-111 токтомуна ылайык, Гүлчө шаарынын аймагындагы мамлекеттик фондусунун жерлерин ижарага берүү боюнча Гүлчө шаарынын аймагынын жер комиссиясынын курамы төмөндөгүдөй болуп бекитилсин:

1. Абдиаким уулу Дайир - Гүлчө шаарынын кеңешинин депутаты, комиссиянын төрагасы

2. Убукеева Чынара - комиссиянын катчысы

Комиссиянын мүчөлөрү:

3. ¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬ Жусубалив Нурбек Абытович - Гүлчө шаарынын кеңешинин депутаты

4. Ниязбеков Нурсултан Нуралиевич - Гүлчө шаарынын кеңешинин депутаты

5. Таласбеков Султанбек Таласбекович - Гүлчө шаарынын кеңешинин депутаты

6. Сулайманова Кенжегул Айдарбековна -Гүлчө шаарынын кеңешинин депутаты

7. Кадырова Элиза –Гүлчө шаарынын мэринин орун басары

8. Какаров Рустам - Гүлчө шаарынын мэриясынын башкы жер адиси

9. К.М.Алиев – Алай райондук агрардык өнүктүрүү башкармалыгынын адиси, комиссиянын мүчөсү

10. Ашимова Гүлзат - Гүлчө шаарынын мэриясынын муниципалдык менчикти башкаруу, жерге жайгаштыруу боюнча жетектөөчү адиси, комиссиянын мүчөсү

11. Гүлчө шаарына караштуу участоктордун кураторлору, тиешелүүлүгүнө карата комиссиянын мүчөлөрү болушат.

3. Гүлчө шаарына караштуу Таш-Короо, Жылуу-Суу, Кара-Булак, Чакмак, ошондой эле Тамга-Терек, Кум-Шоро, Кара-Суу, Кайнама жана Октябрь участкаларындагы мамлекеттик фондунун жерлеринин ижарага берүү мөөнөттөрү бүткөндүгүнө байланыштуу ошол эле жерлердин ижара акыларынын баштапкы баалары төмөндөгүдөй болуп бекитилсин:

- 1,0 га кайракы айдоо жер үчүн - 500 сом болуп аныкталсын.

- 1,0 га чөп чабынды жер үчүн - 450 сом болуп аныкталсын.

4. Гүлчө шаарынын мэриясынын алдында түзүлгөн комиссиянын курамындагы айрым кызматкерлердин кызмат орду алмашкан учурда, анын ордуна келген кызматчыга жүктөлсүн.

5. Гүлчө шаарынын мэриясына караштуу Таш-Короо, Жылуу-Суу, Кара-Булак, Чакмак айылдарында, ошондой эле Тамга-Терек, Кум-Шоро, Кара-Суу, Кайнама жана Октябрь участкаларындагы мамлекеттик фондунун жайыт жерлерин ижарага берүүдө ар бир жаранга 3 га дан ашыкча жер берилбесин.

6. Кабыл алынган токтомдун мыйзам чегинде аткарылышын камсыз кылуу жагы Гүлчө шаарынын мэри Н.Э.Тажибаевге милдеттендирилсин.

Төрага:

А.Б. Самиев