# Кыргыз Республикасынын Президентинин 2026-жылдын 9-февралындагы № 31 "Кыргыз Республикасынын Президентинин 2021-жылдын 24-ноябрындагы № 532 "Суу жана жер ресурстары боюнча улуттук кеңеш жөнүндө" Жарлыгына өзгөртүүлөрдү киргизүү тууралуу" Жарлыгы - Толук аталышы: Кыргыз Республикасынын Президентинин 2026-жылдын 9-февралындагы № 31 "Кыргыз Республикасынын Президентинин 2021-жылдын 24-ноябрындагы № 532 "Суу жана жер ресурстары боюнча улуттук кеңеш жөнүндө" Жарлыгына өзгөртүүлөрдү киргизүү тууралуу" Жарлыгы - Актынын түрү: Указ - Номери: 31 - Кабыл алынган күнү: 09.02.2026 - Статусу: Күчүндө - Редакциянын күнү: 09.02.2026 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 09.02.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Президентинин 2026-жылдын 9-февралындагы № 31 "Кыргыз Республикасынын Президентинин 2021-жылдын 24-ноябрындагы № 532 "Суу жана жер ресурстары боюнча улуттук кеңеш жөнүндө" Жарлыгына өзгөртүүлөрдү киргизүү тууралуу" Жарлыгы (09.02.2026 редакциясы) - https://aqlex.ai/kg/doc/230039578 --- КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ 2026-жылдын 9-февралы № 31 Кыргыз Республикасынын Президентинин 2021-жылдын 24-ноябрындагы № 532 «Суу жана жер ресурстары боюнча улуттук кеңеш жөнүндө» Жарлыгына өзгөртүүлөрдү киргизүү тууралуу Кыргыз Республикасынын Суу кодексинин 10, 20 жана 22-беренелерине, Кыргыз Республикасынын Конституциясынын 71-беренесине ылайык токтом кылам: 1. Кыргыз Республикасынын Президентинин 2021-жылдын 24-ноябрындагы № 532 «Суу жана жер ресурстары боюнча улуттук кеңеш жөнүндө» Жарлыгына төмөнкүдөй өзгөртүүлөр киргизилсин: 1) 3-пункт төмөнкүдөй редакцияда баяндалсын: «3. Кыргыз Республикасынын Президентине караштуу Суу жана жер ресурстары боюнча улуттук кеңештин катчылыгынын функцияларын аткаруу суу ресурстары боюнча ыйгарым укуктуу мамлекеттик органга жүктөлсүн.»; 2) жогоруда аталган Жарлык менен бекитилген Кыргыз Республикасынын Президентине караштуу Суу жана жер ресурстары боюнча улуттук кеңеш жөнүндө жободо: - 5-пункт төмөнкүдөй редакцияда баяндалсын: «5. Улуттук кеңештин катчылыгынын функцияларын суу ресурстары боюнча ыйгарым укуктуу мамлекеттик орган жүзөгө ашырат.»; - 8-пункт төмөнкүдөй мазмундагы төртүнчү, бешинчи жана алтынчы абзацтар менен толукталсын: «- Кыргыз Республикасынын улуттук суу стратегиясын жактыруу жана аны 5 жылда кеминде бир жолу кайра кароо. Зарыл болгон учурда аны өзгөртүү боюнча сунуштарды Кыргыз Республикасынын Президентинин кароосуна киргизүү; - бассейндик пландардын долбоорлорун жактыруу жана аларды ар бир 5 жыл сайын кайра кароо; - суу мамилелерин жөнгө салуу боюнча иш жөнүндө ар жылдык отчетту бекитүү;». 2. Бул Жарлык расмий жарыяланган күндөн тартып жети күн өткөндөн кийин күчүнө кирет. “Эркин-Тоо” мамлекеттик расмий гезитинин 2026-жылдын 10-февралындагы № 9 (3769) саны менен жарыяланды Кыргыз Республикасынын Президенти С.Н. Жапаров