# Кыргыз Республикасынын Министрлер Кабинетинин 2026-жылдын 22-январындагы № 21 “Электр кыймылдаткыч менен моторлуу транспорт каражаттарына карата тарифтик жеңилдиктерди бөлүштүрүүнүн жол-жобосун бекитүү жөнүндө” токтому

- Толук аталышы: Кыргыз Республикасынын Министрлер Кабинетинин 2026-жылдын 22-январындагы № 21 “Электр кыймылдаткыч менен моторлуу транспорт каражаттарына карата тарифтик жеңилдиктерди бөлүштүрүүнүн жол-жобосун бекитүү жөнүндө” токтому
- Актынын түрү: Постановление
- Номери: 21
- Кабыл алынган күнү: 22.01.2026
- Статусу: Күчүндө
- Редакциянын күнү: 17.08.2026
- Тексттин тили: кыргыз тили
- aqlex'теги барагы: <https://aqlex.ai/kg/doc/230039287>
- Расмий булак: <https://cbd.minjust.gov.kg/230039287/edition/45705/ru>
- Башка тилдеги тексти (Markdown): <https://aqlex.ai/doc/230039287.md>

> Текст расмий булактын маалыматы боюнча 17.08.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын Министрлер Кабинетинин 2026-жылдын 22-январындагы № 21 “Электр кыймылдаткыч менен моторлуу транспорт каражаттарына карата тарифтик жеңилдиктерди бөлүштүрүүнүн жол-жобосун бекитүү жөнүндө” токтому (17.08.2026 редакциясы) - https://aqlex.ai/kg/doc/230039287

---

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 22-январындагы № 21

Электр кыймылдаткыч менен моторлуу транспорт каражаттарына карата тарифтик жеңилдиктерди бөлүштүрүүнүн жол-жобосун бекитүү жөнүндө

(КР Министрлер Кабинетинин 2026-жылдын 17-августу № 553 токтомунун редакциясына ылайык)

2014-жылдын 29-майындагы Евразия экономикалык бирлиги жөнүндө келишимдин 43, 45-беренелерине, Евразия экономикалык комиссиясынын Кеңешинин 2025-жылдын 5-декабрындагы № 111 чечимине, Бажы бирлигинин Комиссиясынын 2009-жылдын 27-ноябрындагы № 130 “Евразия экономикалык бирлигин бирдиктүү бажы-тарифтик жөнгө салуу жөнүндө” чечиминин 7-пунктунун 7.1.81-пунктчасына, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрллер Кабинетине караштуу Мамлекеттик бажы кызматы 8703 80 000 3 жана 8703 80 000 5 коду менен классификацияланган электр кыймылдаткыч менен моторлуу транспорт каражаттарын ташып келүүнү жүзөгө ашырган жак, ушул жак ташып келген көрсөтүлгөн товарлардын саны жана алардын наркы жөнүндө маалыматтарды камтыган документти берүү боюнча ыйгарым укуктуу мамлекеттик орган болуп аныкталсын.

2. Кыргыз Республикасынын Министрллер Кабинетине караштуу Мамлекеттик бажы кызматы:

1) тарифтик жеңилдик берүүдө Евразия экономикалык комиссиясынын Кеңешинин 2025-жылдын 5-декабрындагы № 111 «Электр кыймылдаткыч менен моторлуу транспорт каражаттарынын айрым түрлөрүнө карата Бажы бирлигинин Комиссиясынын жана Евразия экономикалык комиссиясынын Кеңешинин айрым чечимдерине өзгөртүүлөрдү киргизүү жөнүндө» чечимин, Евразия экономикалык комиссиясынын Кеңешинин 2026-жылдын 9-июлундагы № 79 «Бажы бирлигинин Комиссиясынын 2009-жылдын 27-ноябрындагы № 130 чечиминин 7-пунктунун 7.1.81-пунктчасына өзгөртүү киргизүү жөнүндө» чечимин жетекчиликке алсын;

2) бул токтомдун 1-пунктунда көрсөтүлгөн документти берүү тартибин өзүнүн чечими менен бекитсин;

3) товарларды ташып келүүнү жүзөгө ашырган жактардан арыз келип түшкөн күндөн тартып 3 (үч) календардык күндөн кечиктирбестен, бул токтомдун 1-пунктунда көрсөтүлгөн документти берсин.

(КР Министрлер Кабинетинин 2026-жылдын 17-августу № 553 токтомунун редакциясына ылайык)

3. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

4. Бул токтом расмий жарыяланууга тийиш жана Евразия экономикалык комиссиясынын Кеңешинин 2025-жылдын 5-декабрындагы № 111 “Электр кыймылдаткыч менен моторлуу транспорт каражаттарынын айрым түрлөрүнө карата Бажы бирлигинин Комиссиясынын жана Евразия экономикалык комиссиясынын Кеңешинин айрым чечимдерине өзгөртүүлөрдү киргизүү жөнүндө” чечими күчүнө кирген күндөн тартып күчүнө кирет.

“Эркин-Тоо” мамлекетик расмий газетасынын 2026-жылдын 23-январындагы № 4 (3764) саны менен жарыяланган.

| Кыргыз Республикасынын Министрлер Кабинетинин Төрагасы | | А.А. Касымалиев |