Кыргыз Республикасынын Министрлер Кабинетинин «Кыргыз Республикасынын жалпы билим берүү уюмдарын бюджеттик каржылоо маселелери жөнүндө» токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 29-январы № 34

Кыргыз Республикасынын жалпы билим берүү уюмдарын бюджеттик каржылоо маселелери жөнүндө

Билим берүү секторунда финансылык ресурстарды пайдалануунун натыйжалуулугун жогорулатуу максатында, “Билим берүү жөнүндө” Кыргыз Республикасынын Мыйзамынын 50-беренесине, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Төмөнкүлөр бекитилсин:

1) Кыргыз Республикасынын жалпы билим берүү уюмдарынын чыгымдарын түзүү жана аткаруу тартиби 1-тиркемеге ылайык;

2) Кыргыз Республикасынын жалпы билим берүү уюмдарын бюджеттик каржылоо ченемдерин аныктоонун методикасы

2-тиркемеге ылайык;

3) Кыргыз Республикасынын жалпы билим берүү уюмдарын бир жылга бир билим алуучуга карата (эмгек акы төлөө фондусуз жана коммуналдык чыгымдарсыз) бюджеттик каржылоонун ченемдери 3-тиркемеге ылайык;

4) Ченемдик каржылоонун механизми жайылтылбаган Кыргыз Республикасынын жалпы билим берүү уюмдарынын тизмеги

4-тиркемеге ылайык.

2. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2011-жылдын 20-сентябрындагы № 563 “Кыргыз Республикасынын жалпы билим берүү уюмдарын каржылоонун ченемдик принцибине которуу жөнүндө” токтому;

2) Кыргыз Республикасынын Өкмөтүнүн 2013-жылдын 30-майындагы № 302 “Айыл аймактарынын жана шаарлардын жергиликтүү бюджеттеринен каржылануучу билим берүү уюмдарын Кыргыз Республикасынын Билим берүү жана илим министрлигинин аймактык бөлүмдөрү аркылуу республикалык бюджеттен каржылоого которуу жөнүндө” токтомунун 2-пунктунун үчүнчү, төртүнчү жана бешинчи абзацтары;

3) Кыргыз Республикасынын Өкмөтүнүн 2017-жылдын 28-декабрындагы № 843 “Кыргыз Республикасынын жалпы билим берүүчү уюмдарын бюджеттик каржылоо маселеси жөнүндө” токтому;

4) Кыргыз Республикасынын Өкмөтүнүн 2021-жылдын 4-майындагы № 182 “Кыргыз Республикасынын Өкмөтүнүн 2017-жылдын 28-декабрындагы № 843 “Кыргыз Республикасынын жалпы билим берүүчү уюмдарын бюджеттик каржылоо маселеси жөнүндө” токтомуна өзгөртүү киргизүү тууралуу” токтому.

3. Бул токтом расмий жарыяланган күндөн тартып жети күн өткөндөн кийин күчүнө кирет.

«Эркин-Тоо» мамлекеттик расмий гезитинин 2026-жылдын 3-февралындагы № 7 (3767) саны менен жарыяланды

Кыргыз Республикасынын Министрлер Кабинетинин Төрагасы

А.А. Касымалиев