Ош шаардык кеңешинин 2025-жылга Ош шаардык Кеңешинин “Ош шаарында таштандыларды ташып чыгаруу үчүн жыйымдын ставкасын бекитүү жөнүндө” №31 токтомуна өзгөртүү киргизүү жөнүндө токтому

ОШ ШААРДЫК КЕӉЕШИ ТОКТОМ Ош шаардык кеңешинин VI-чакырылышынын кезексиз VI сессиясы

2025-жылдын 27-февралы №19 Ош шаардык Кеңешинин 2022-жылдын 10-февралындагы “Ош шаарында таштандыларды ташып чыгаруу үчүн жыйымдын ставкасын бекитүү жөнүндө” №31 токтомуна өзгөртүү киргизүү жөнүндө Кыргыз Республикасынын “Салык эмес кирешелер жөнүндөгү” Кодексинин 74, 75 жана 76-беренелерин, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 34-беренесин жетекчиликке алып, Ош шаардык Кеңешинин 2022-жылдын 10-февралындагы “Ош шаарында таштандыларды ташып чыгаруу үчүн жыйымдын ставкасын бекитүү жөнүндө” №31 токтомуна өзгөртүү киргизүү жөнүндө Мамлекеттик салык кызматынын Ош шаары боюнча башкармалыгынын башчысы. А.Сатыбалдиевдин маалыматын угуп жана талкуулап, Ош шаардык Кеңешинин бюджет, экономика жана өнөр-жай маселелери боюнча туруктуу депутаттык комиссиясынын 2025-жылдын 17-февралындагы №1 чечимин эске алып, Ош шаардык Кеңеши токтом кылат:

1.Ош шаардык Кеңешинин 2022-жылдын 10-февралындагы “Ош шаарында таштандыларды ташып чыгаруу үчүн жыйымдын ставкасын бекитүү жөнүндө” №31 токтомуна төмөндөгүдөй өзгөртүүлөр киргизилсин; -1-пункттун:

1-пунктчасындагы “ар бир кызматкерден эсептик көрсөткүчтүн 50 пайыз өлчөмүндө” деген сүйлөм “ар бир кызматкерден бир эсептик көрсөткүчтүн 100 пайыз өлчөмүндө” деген сүйлөм менен алмаштырылсын. 3-пунктчасындагы “ар бир кызматкерден эсептик көрсөткүчтүн 50 пайыз өлчөмүндө” деген сүйлөм “ар бир кызматкерден бир эсептик көрсөткүчтүн 100 пайыз өлчөмүндө” деген сүйлөм менен алмаштырылсын.

2.Токтом мыйзамда каралган тартипте катталсын жана жалпыга маалымдоо каражаттарында жарыялансын.

3. Токтом жарыяланган күндөн баштап күчүнө кирет.

4.Токтомдун аткарылышын көзөмөлдөө Ош шаардык Кеңешинин бюджет, экономика жана өнөр-жай маселелери боюнча туруктуу депутаттык комиссиясына (К.И.Шайиев) жүктөлсүн.

Төрага

Б.Т.Баетов