Камсыздандыруу уюмдары тарабынан камсыздандыруу (техникалык) резервдерин жайгаштыруу Эрежелери (Кыргыз Республикасынын Министрлер Кабинетинин токтомуна)

1-тиркеме

(Кыргыз Республикасынын Министрлер Кабинетинин 2025-жылдын 5-ноябрындагы № 719 токтомуна)

Камсыздандыруу уюмдары тарабынан камсыздандыруу (техникалык) резервдерин жайгаштыруу ЭРЕЖЕЛЕРИ

1. Ушул Камсыздандыруу уюмдары тарабынан камсыздандыруу (техникалык) резервдерин жайгаштыруу эрежелеринде (мындан ары - Эрежелер) камсыздандыруу (техникалык) резервдерин жайгаштыруу деп камсыздандыруу (техникалык) резервдерин жабуу (камсыз кылуу) эсебине кабыл алынуучу активдер түшүнүлөт.

2. Ушул Эрежелер камсыздандыруу (техникалык) резервдерин жабуу (камсыз кылуу) эсебине кабыл алынуучу активдерге карата талаптарды белгилейт.

3. Камсыздандыруу (техникалык) резервдерин жабуу эсебине кабыл алынуучу активдер ишенимдүүлүк, кайтарымдуулук, кирешелүүлүк, ликвиддүүлүк жана диверсификация шарттарын канааттандырууга тийиш.

4. Камсыздандыруу (техникалык) резервдерин жабуу эсебине активдердин төмөнкү түрлөрү кабыл алынат:

1) Кыргыз Республикасынын мамлекеттик баалуу кагаздары, муниципалдык баалуу кагаздар;

2) Кыргыз Республикасынын фондулук биржаларында листингдин эң жогорку жана андан кийинки категорияларында турган баалуу кагаздар (мамлекеттик жана муниципалдык облигациялардан тышкары);

3) ушул пункттун 2-пунктчасында көрсөтүлгөндөрдөн тышкары, ушул Эрежелердин 3-пунктунун талаптарына шайкеш келген баалуу кагаздар;

4) коммерциялык уюмдардын капиталына катышуу укугу (акционердик коомдорду, акыркы 3 жыл ичинде кирешелүү иши бар үлүштүк инвестициялык фонддордун инвестициялык үлүштөрүн кошпогондо, чарбалык шериктештиктердеги жана коомдордогу үлүштөр);

5) банктын талаптагыдай эмес ишкердик бедели жөнүндө күбөлөндүргөн маалымат жок болгондо банктык кызмат көрсөтүүлөр рыногунда эки жылдан кем эмес чыгашасыз иш жүргүзгөн жана мурдагы эки отчеттук мезгил үчүн тышкы аудитордун оң корутундусу бар банктардагы салымдар (депозиттер);

6) кыймылсыз мүлк;

7) кайра камсыздандыруучулардын камсыздандыруу (техникалык) резервдериндеги үлүшү;

8) бир кайра камсыздандыруучунун камсыздандыруу (техникалык) резервдериндеги үлүшү (билдирилген, бирок жөнгө салынбаган чыгымдардын резервиндеги кайра камсыздандыруучулардын үлүшүнөн тышкары);

9) кайра камсыздандырууга кабыл алынуучу тобокелдиктер боюнча сыйлыктардын депосу;

10) милдеттүү мамлекеттик камсыздандыруу келишимдери боюнча камсыздандырылуучулардын дебитордук карызын кошпогондо, камсыздандырылуучулардын, камсыздандыруу ортомчуларынын камсыздандыруу сыйлыктары (төгүмдөрү) боюнча дебитордук карызы;

11) милдеттүү мамлекеттик камсыздандыруу келишимдери боюнча камсыздандырылуучулардын дебитордук карызы;

12) кайра камсыздандыруу жана кошо камсыздандыруу операциялары боюнча кайра камсыздандыруучулардын, кайра камсыздандырылуучулардын жана камсыздандыруучулардын дебитордук карызы;

13) күрөө милдеттенмесин милдеттүү түрдө тариздөө менен зайымдар;

14) накталай акча, банктардагы эсептердеги акча каражаттары;

15) алтын жана күмүш куймалары;

16) Кыргыз Республикасынын резиденттери болуп саналбаган кайра камсыздандыруучулардын үлүшүн кошпогондо, Кыргыз Республикасынын аймагында жайгашкан камсыздандыруу резервдерине тиешеси жок камсыздандыруу (техникалык) резервдерин жабуу эсебине кабыл алынуучу активдер.

5. Эгерде Кыргыз Республикасынын камсыздандыруу чөйрөсүндөгү мыйзамдарында жана Кыргыз Республикасы катышуучу болуп саналган, мыйзамда белгиленген тартипте күчүнө кирген эл аралык келишимдерде башкача каралбаса кайра камсыздандыруучунун үлүшүн алып салганда камсыздандыруу (техникалык) резервдеринин каражаттарынын 80 пайызынан кем эмеси Кыргыз Республикасынын аймагында инвестицияланууга тийиш.

6. Камсыздандыруучулар өздөрүнүн камсыздандыруу (техникалык) резервдеринин каражаттарын ушул Эрежелерде каралгандан башкача түрдө жайгаштыра албайт.

7. Камсыздандыруу уюмунун ишинин ушул Эрежелердин 3-пунктунда саналган принциптерге шайкештиги ушул Эрежелерге тиркелген активдердин жана резервдердин түзүмдүк катышынын таблицасында көрсөтүлгөн түзүмдүк катыштарды аткаруу менен аныкталат.

Камсыздандыруу (техникалык) резервдерин жабуу эсебине кабыл алынуучу активдердин жалпы наркы камсыздандыруу (техникалык) резервдеринин суммалык чоңдугунун кем болбоого тийиш.

8. Таблица боюнча катыштарды эсептөөдө активдердин наркы деп алардын баланстык наркы түшүнүлөт.

Камсыздандыруу уюмдары тарабынан камсыздандыруу (техникалык) резервдерин жайгаштыруу эрежелерине тиркеме

Активдердин жана резервдердин түзүмдүк катыштарынын ТАБЛИЦАСЫ

№

Камсыздандыруу (техникалык) резервдерин жабуу эсебине берилген активдер

1

Кыргыз Республикасынын мамлекеттик баалуу кагаздары, муниципалдык баалуу кагаздар

Камсыздандыруу (техникалык) резервдеринин суммалык чоңдугунун 10% кем эмес

2

Кыргыз Республикасынын фондулук биржаларында листингдин эң жогорку жана андан кийинки категорияларында турган баалуу кагаздар (мамлекеттик жана муниципалдык облигациялардан тышкары)

Камсыздандыруу (техникалык) резервдеринин суммалык чоңдугунун 30% ашпаган жана бир эмитенттин үлүшүнө 25% ашпаган

3

Ушул таблицанын 2-пунктунда көрсөтүлгөндөрдөн тышкары, Эрежелердин 3-пунктунун талаптарына шайкеш келген баалуу кагаздар

Камсыздандыруу (техникалык) резервдеринин суммалык чоңдугунун 20% ашпаган жана бир эмитенттин үлүшүнө 20% ашпаган

4

Коммерциялык уюмдардын капиталына катышуу укугу (акционердик коомдорду, акыркы 3 жыл ичинде кирешелүү иши бар үлүштүк инвестициялык фонддордун инвестициялык үлүштөрүн кошпогондо, чарбалык шериктештиктердеги жана коомдордогу үлүштөр)

Камсыздандыруу (техникалык) резервдеринин суммалык чоңдугунун 10% ашпаган

5

Банктык талаптагыдай эмес ишкердик бедели жөнүндө күбөлөндүргөн маалымат жок болгондо банктык кызмат көрсөтүүлөр рыногунда эки жылдан кем эмес чыгашасыз иш жүргүзгөн жана мурдагы эки отчеттук мезгил үчүн тышкы аудитордун оң корутундусу бар банктардагы салымдар (депозиттер)

Камсыздандыруу (техникалык) резервдеринин суммалык чоңдугунун 50% ашпаган

6

Кыймылсыз мүлк

Өмүрдү камсыздандыруу боюнча камсыздандыруу (техникалык) резервдеринин суммалык чоңдугунун 30% ашпаган жана өмүрдү камсыздандыруудан башка камсыздандыруу боюнча камсыздандыруу (техникалык) резервдеринин суммалык чоңдугунун 20% ашпаган

7

Кайра камсыздандыруучулардын камсыздандыруу (техникалык) резервдериндеги үлүшүнүн суммалык чоңдугу (билдирилген, бирок жөнгө салынбаган чыгымдардын резервиндеги кайра камсыздандыруучулардын үлүшүнөн тышкары)

Өмүрдү камсыздандыруу боюнча камсыздандыруу (техникалык) резервдеринин суммалык чоңдугунун 95% ашпаган жана билдирилген, бирок жөнгө салынбаган чыгымдарды кошпогондо, өмүрдү камсыздандыруудан башка камсыздандыруу боюнча камсыздандыруу (техникалык) резервдеринин суммалык чоңдугунун 95% ашпаган

8

Бир кайра камсыздандыруучунун камсыздандыруу (техникалык) резервдериндеги үлүшүнүн максималдуу чоңдугу (билдирилген, бирок жөнгө салынбаган чыгымдардын резервиндеги кайра камсыздандыруучулардын үлүшүнөн тышкары)

Камсыздандыруу (техникалык) резервдеринин суммалык чоңдугунун 25% ашпаган

9

Кайра камсыздандырууга кабыл алынуучу тобокелдиктер боюнча сыйлыктардын депосу

Камсыздандыруу (техникалык) резервдеринин суммалык чоңдугунун 50% ашпаган

10

Милдеттүү мамлекеттик камсыздандыруу келишимдери боюнча камсыздандырылуучулардын дебитордук карызын кошпогондо, камсыздандырылуучулардын, камсыздандыруу ортомчуларынын камсыздандыруу сыйлыктары (төгүмдөрү) боюнча дебитордук карызы

Өмүрдү камсыздандыруу боюнча камсыздандыруу (техникалык) резервдеринин суммалык чоңдугунун 5% ашпаган жана өмүрдү камсыздандыруудан башка камсыздандыруу боюнча иштеп табылбаган сыйлыктардын резервинин суммалык чоңдугунун 50% ашпаган

11

Милдеттүү мамлекеттик камсыздандыруу келишимдери боюнча камсыздандырылуучулардын дебитордук карызы

Милдеттүү мамлекеттик камсыздандыруу келишимдери боюнча иштеп табылбаган сыйлыктардын резервинин суммалык чоңдугунун 100%

12

Кайра камсыздандыруу жана кошо камсыздандыруу операциялары боюнча кайра камсыздандыруучулардын, кайра камсыздандырылуучулардын жана камсыздандыруучулардын дебитордук карызы

Камсыздандыруу (техникалык) резервдеринин суммалык чоңдугунун 50% ашпаган

13

Күрөө милдеттенмесин милдеттүү түрдө тариздөө менен зайымдар

Камсыздандыруу (техникалык) резервдеринин суммалык чоңдугунун 30% ашпаган

14

Камсыздандыруунун жүргүзүлгөн түрлөрү боюнча камсыздандыруу суммаларын учурдагы төлөө үчүн банктагы алыш-бериш эсебиндеги накталай акча жана калдык

Камсыздандыруу (техникалык) резервдеринин суммалык чоңдугунун 5% кем эмес

15

Алтын жана күмүш куймалары

Камсыздандыруу (техникалык) резервдеринин суммалык чоңдугунун 15% ашпаган

16

Кыргыз Республикасынын резиденттери болуп саналбаган кайра камсыздандыруучулардын үлүшүн кошпогондо, Кыргыз Республикасынын аймагында жайгашкан камсыздандыруу резервдерине тиешеси жок камсыздандыруу (техникалык) резервдерин жабууга кабыл алынуучу активдердин суммалык наркы

Камсыздандыруу (техникалык) резервдеринин суммалык чоңдугунун 10% ашпаган