Нарзан айыл аймагынын айылдык кеңешинин 2025 –жылдын 14-мартындагы № 01-3/29 «Балдардын укугун жана кызыкчылыгын камсыздоо боюнча 2025-жылдын I-кварталында аткарылган иштери тууралуу» токтому

НАРЗАН АЙЫЛ АЙМАГЫНЫН АЙЫЛДЫК КЕҢЕШИНИН ТОКТОМУ

2025 –жылдын 14-марты № 01-3/29

Балдардын укугун жана кызыкчылыгын камсыздоо боюнча 2025-жылдын I-кварталында аткарылган иштери тууралуу

Кыргыз Республикасынын Балдар Кодексинин 20-беренесинин негизинде Нарзан айыл өкмөтүнүн социалдык суроолор боюнча бөлүмүнүн балдардын укугун жана кызыкчылыгын камсыздоо боюнча 2025 жылдын I -кварталында аткарылган иштери тууралуу маалыматын угуп жана жаштар иштери, спорт, маданият жана социалдык маселелер боюнча комиссиясы корутундусун талкуулап сессия,

ТОКТОМ КЫЛДЫ:

1. Нарзан айыл өкмөтүнүн социалдык суроолор боюнча бөлүмүнүн балдардын укугун жана кызыкчылыгын камсыздоо боюнча 2025-жылдын I-кварталында аткарылган иштери тууралуу маалыматы эске алынсын.

2. Нарзан айыл өкмөтүнүн социалдык суроолор боюнча башкы адисине:

- укук коргоо органдары, райондук билим берүү бөлүмү, социалдык өнүгүү башкармалыгы менен биргеликте укук бузууларды, суициддерди, балдарга карата үй-бүлөлүк зордук зомбулуктун алдын алуу боюнча иш-чаралар системалуу жүргүзүлсүн.

- балдардын укуктарын жана кызыкчылыгын камсыз кылуу боюнча жүргүзүлүп жаткан иш-чаралар жөнүндө квартал сайын Нарзан айылдык кеңешке маалымат берип турсун.

3. Жооптуу катчы бул токтомду Кыргыз Республикасынын юстициясынын Чүй-Бишкек башкармалыгына каттоо үчүн Кыргыз Республикасынын ченемдик укуктук актыларынын Мамлекеттик базасына киргизүү үчүн жөнөтүлсүн.

4. Токтомдун аткарылышын көзөмөлдөөнү Нарзан айыл өкмөтүнүн башчысы И.Э.Оскомбаевге жүктөлсүн.

Төрага

Т.К. Кулжанов