Кыргыз Республикасынын Илим, жогорку билим берүү жана инновациялар министрлигинин «Кыргыз Республикасынын Илим, жогорку билим берүү жана инновациялар министрлигинде коррупциялык тобокелдиктер келип чыгуучу учурлардын жана жагдайлардын тизмесин бекитүү жөнүндө» буйругу

КЫРГЫЗ РЕСПУБЛИКАСЫНЫН ИЛИМ, ЖОГОРКУ БИЛИМ БЕРҮҮ ЖАНА ИННОВАЦИЯЛАР МИНИСТРЛИГИНИН БУЙРУГУ

2025-жылдын 4-ноябры № 261 Кыргыз Республикасынын Илим, жогорку билим берүү жана инновациялар министрлигинде коррупциялык тобокелдиктер келип чыгуучу учурлардын жана жагдайлардын тизмесин бекитүү жөнүндө

Кыргыз Республикасынын Илим, жогорку билим берүү жана инновациялар министрлигинде коррупцияга каршы чараларды актуалдаштыруу жана коррупциялык тобокелдиктерди башкаруу максатында, Кыргыз Республикасынын "Мамлекеттик жарандык кызмат жана муниципалдык кызмат жөнүндө" Мыйзамынын 20-беренесинин 4-бөлүгүнө, Кыргыз Республикасынын Министрлер Кабинетинин 2023-жылдын 3-мартындагы №115, "Кыргыз Республикасынын Министрлер Кабинетинин айрым ченем жаратуу ыйгарым укуктарын мамлекеттик органдарга жана жергиликтүү өз алдынча башкаруу органдарына өткөрүп берүү жөнүндө" токтомуна, Кыргыз Республикасынын Министрлер Кабинетинин 2023-жылдын 31-майындагы №293 "Мамлекеттик жарандык кызмат жана муниципалдык кызмат жөнүндө" Мыйзамын ишке ашыруу боюнча айрым чаралар тууралуу жөнүндө” токтомуна ылайык буйрук кылам:

1. Кыргыз Республикасынын Илим, жогорку билим берүү жана инновациялар министрлигинде коррупциялык тобокелдиктер келип чыгуучу учурлардын жана жагдайлардын тиркелген тизмеси бекитилсин.

2. Министрликтин түзүмдүк жана ведомстволук бөлүмдөрүнүн жетекчилери коррупциялык тобокелдиктерди азайтуу жана минималдаштыруу боюнча туруктуу ишти камсыз кылышсын.

3. Коррупциянын алдын алуу маселелери боюнча ыйгарым укуктуу өкүлү:

1) үч жумушчу күндүн ичинде ушул буйруктун көчүрмөсүн Кыргыз Республикасынын ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтсүн;

2) күчүнө кирген күндөн тартып үч жумушчу күндүн ичинде буйруктун көчүрмөсүн маалымат үчүн Кыргыз Республикасынын Президентинин Администрациясына жана Кыргыз Республикасынын Башкы прокуратурасына (коррупциянын алдын алуу боюнча ыйгарым укуктуу орган) жөнөтсүн.

4. Кыргыз Республикасынын Министрлер Кабинетине караштуу Интеллектуалдык менчик жана инновациялар мамлекеттик агенттигинин 2023-жылдын 31-июлундагы №166 буйругу күчүн жоготту деп таанылсын.

5. Ушул буйруктун аткарылышын контролдоону өзүмө калтырам.

6. Ушул буйрук расмий жарыяланган күндөн тартып жети күн өткөндөн кийин күчүнө кирет.

Министр

Б. Орозов

Кыргыз Республикасынын Илим, жогорку билим берүү жана инновациялар министрлигинин 2025-жылдын 4-ноябрындагы № 261 буйругу менен бекитилди Тиркеме

Кыргыз Республикасынын Илим, жогорку билим берүү жана инновациялар министрлигинде коррупциянын келип чыгуу коркунучу бар болгон учурлардын жана кырдаалдардын ТИЗМЕСИ

№ п/п

Мамлекеттик органдын функциялары/кызматтык ыйгарым укуктары*

Коррупциянын келип чыгуу коркунучу бар учурлар жана кырдаалдар

Коррупциялык тобокелдик категориясы: системалуу (реалдуу), потенциалдуу, кырдаалдык

Коррупциялык тобокелдиктин деңгээли (жогорку, орточо, төмөн)

Структуралык бөлүмдүн аталышы

Коррупция тобокелдигине кабылган кызматтар

Башка мамлекеттик органдарда / жергиликтүү өз алдынча башкаруу органдарында коррупциялык тобокелдиктин пайда болушу мүмкүнбү (эгер болсо, кайсынысында экендиги көрсөтүлсүн)

Илим жана инновация чөйрөсүндө

1

Илимий изилдөөлөрдү, илимий-техникалык, инновациялык программаларды жана долбоорлорду аткарууга мамлекеттик тапшырыкты түзүү жана сынактык тандоону өткөрүү

Илимий изилдөөлөрдү жүргүзүүнүн максатка ылайыктуулугу жана республикалык бюджеттен (Илим фондунан) каржылоо (Грант) бөлүү мүмкүнчүлүгү жөнүндө атайылап негизсиз чечим кабыл алуунун натыйжасында мыйзамсыз материалдык пайдаларды (ошондой эле башка пайдаларды жана артыкчылыктарды) алуу мүмкүндүгү

Кырдаалдык

Орто

Илим башкармалыгы, ИЖБИМнин Илимий-техникалык кеңешинин мүчөлөрү

Начальник, -башкы адис, -жетектөөчү адис, -адис

Бул тобокелдиктер ИЖБИМнин, анын ичинде эксперттик кенештердин ишине гана тиешелүү болушу мүмкүн

2

Диссертацияларды коргоо боюнча диссертациялык кеңештерди түзүү жана алардын курамын бекитүү, окумуштуулук даражаларды берүү, окумуштуулук наамдарды ыйгаруу, окумуштуулук даражалардан жана окумуштуулук наамдардан ажыратуу (калыбына келтирүү) маселелерин кароо

Диссертацияларды коргоо боюнча диссертациялык кеңештин мүчөсүн бекитүү, окумуштуулук даража берүү, окумуштуулук наам ыйгаруу, окумуштуулук даражасынан же/жана окумуштуулук наамынан ажыратуу (калыбына келтирүү) боюнча алдын ала чечим кабыл алуу аркылуу мыйзамсыз материалдык (кандай гана болбосун башка жыргалчылыктар жана артыкчылыктар) үчүн мыйзамсыз чечим кабыл алуу. Эксперттик жана диссертациялык кеңештердин мүчөлөрүнүн чечимдерди кабыл алуусуна таасир көрсөтүү

Кырдаалдык

Орто

ИЖБИМге караштуу ЖАК

Төрага, төраганын орун басары, Президиумдун мүчөлөрү, аттестациялык түзүмдүк бөлүмдөрдүн жетекчилери

Бул тобокелдиктер ИЖБИМдин иш-аракеттерине тиешелүү болушу жана билим берүү уюмдарына, академиялык жана тармактык ИИИлерге караштуу диссертациялык кеңештердин иш-аракеттерин камтышы мүмкүн

3

Чет мамлекеттердин аттестациялык органдары тарабынан берилген окумуштуулук даражаларды берүү жана окумуштуулук наамдарды ыйгаруу жөнүндө документтерге нострификация (теңештирүү) жүргүзүү

Чет мамлекеттердин аттестациялык органдары тарабынан берилген окумуштуулук даражаларды берүү жана окумуштуулук наамдарды ыйгаруу жөнүндө документтерди нострификациялоону (теңештирүүнү) жүзөгө ашыргандыгы үчүн материалдык (башка кандай гана болбосун жыргалчылыктарды жана артыкчылыктарды) алуу мүмкүнчүлүгү

Кырдаалдык

Орто

ИЖБИМге караштуу ЖАК

Төрага, төраганын орун басары, аттестациялык түзүмдүк бөлүмдөрдүн жетекчилери

Бул тобокелдиктер ИЖБИМге караштуу ЖАКтын ишине гана тиешелүү болушу мүмкүн

Жогорку, орто, ЖОЖдон кийинки кесиптик билим берүү чөйрөсүндө

4

Орто жана жогорку кесиптик билим берүү чөйрөсүндөгү аккредитациялык агенттиктердин ишин таануу жана мониторинг жүргүзүү

Аккредитациялык агенттиктин мониторингинин натыйжалары боюнча таануу жана/же оң жыйынтыктар жөнүндө оң чечим (корутунду) үчүн материалдык (башка кандай гана болбосун жыргалчылыктарды жана артыкчылыктарды) алуу мүмкүнчүлүгү

Кырдаалдык

Орто

Лицензиялоо жана аккредитациялоо бөлүмү, ИЖБИМдин кызматкерлери нин ичинен Улуттук аккредитациялык кеңештин мүчөлөрү

Бөлүм башчы, -башкы адис, -жетектөөчү адис, -адис

Бул тобокелдиктер ИЖБИМдин ишине гана тиешелүү болушу мүмкүн

5

Жогорку, орто, ЖОЖдон кийинки, кошумча кесиптик билим берүү уюмдарынын билим берүү, илимий жана финансылык ишин текшерүү

Атайылап негизсиз текшерүүлөрдү жүргүзүү, текшерүүнүн натыйжалары боюнча анык эмес (жалган) корутундуларды берүү

Кырдаалдык

Төмөн

ИЖБИМдин жогорку, орто, ЖОЖдон кийинки кесиптик билим берүү башкармалыгы

Начальник, -башкы адис, -жетектөөчү адис, -адис

Бул тобокелдиктер ИЖБИМдин ишине гана тиешелүү болушу мүмкүн

6

Жогорку, орто, ЖОЖдон кийинки кесиптик билим берүү жана кошумча кесиптик билим берүү программаларынын билим берүү ишин лицензиялоо боюнча иш-чаралар

Тиешелүү лицензияны берүү жөнүндө оң чечим чыгаруу үчүн арыз ээлери менен түз байланышта болуп, материалдык пайда (ошондой эле башка артыкчылыктар жана жеңилдиктер) алуу аракеттерди жасоо мүмкүнчүлүгү

Кырдаалдык

Жогорку

ИЖБИМдин лицензиялоо жана аккредитациялоо бөлүмү

Бөлүм башчы, -башкы адис, -жетектөөчү адис, -адис

Бул тобокелдиктер ИЖБИМдин ишине гана тиешелүү болушу мүмкүн

Интеллектуалдык менчик чөйрөсүндө

7

Интеллектуалдык менчик объектилерине коргоо документин берүүгө өтүнмөлөрдү кароо жана алар боюнча чечим кабыл алуу

Өтүнмөнү карап чыгуунун тартибин атайылап бузуу, анын ичинде экспертизаны талаптагыдай жүргүзбөө, интеллектуалдык менчик объектисине коргоо документин берүү же берүүдөн баш тартуу жөнүндө негизсиз чечим кабыл алуу

Кырдаалдык

Орто

ИЖБИМдин Экспертиза башкармалыгы, Автордук укук жана чектеш укуктар башкармалыгы

Начальник, бөлүм башчы, -башкы адис, -жетектөөчү адис

Бул тобокелдиктер ИЖБИМдин ишине гана тиешелүү болушу мүмкүн

8

Автордук укук жана чектеш укуктар объектилерин пайдалангандыгы үчүн автордук сый акы төлөөчүлөр менен лицензиялык келишимдерди (макулдашууларды) түзүү

Автордук сый акы төлөөгө милдеттүү жаңы аныкталган жак менен лицензиялык келишим (макулдашуу) түзүүдөн баш тартканы үчүн же мындай келишимди атайылап төмөндөтүлгөн автордук сый акы ставкасында түзгөнү үчүн материалдык пайда (ошондой эле башка артыкчылыктар жана жеңилдиктер) алуу мүмкүнчүлүгү

Кырдаалдык

Жогорку

ИЖБИМдин Автордук укук жана чектеш укуктар башкармалыгы

Башкармалыктын начальниги, инспектирлөө бөлүмүнүн башчысы, бөлүмдүн инспекторлору

Бул тобокелдиктер ИЖБИМдин ишине гана тиешелүү болушу мүмкүн

9

Автордук жана чектеш укуктардын ээлеринин мүлктүк укуктарын жамааттык негизде башкаруучу уюмду түзүүгө макулдук берүү

Автордук жана чектеш укуктардын ээлеринин мүлктүк укуктарын жамааттык негизде башкаруучу уюмду түзүүгө макулдук берүүдөн негизсиз баш тартуу

Кырдаалдык

Төмөн

Автордук укук жана чектеш укуктар башкармалыгы, ИЖБИМ комиссиясынын мүчөлөрү

Башкармалыктын начальниги, бөлүм башчы жана бөлүмдүн башкы адиси

Бул тобокелдиктер ИЖБИМдин ишине гана тиешелүү болушу мүмкүн

Мамлекеттик сатып алуулар чөйрөсүндө

10

Мамлекеттик сатып алуулардын жол-жоболорунун сакталышын контролдоо жана мамлекеттик сатып алуулардын ачык-айкындуулугун камсыз кылуу

Мамлекеттик сатып алуулардын жол-жоболорун жүзөгө ашырууда жашыруундуулуктун талаптарын атайылап бузуу, анын ичинде техникалык жана баалык маалыматтарды бөтөн адамдарга ачуу, белгилүү (конкреттүү) жеткирүүчүгө спецификацияларды атайылап түзүү

Кырдаалдык

Орто

ИЖБИМдин финансылык-экономикалык пландоо жана мамлекеттик сатып алуулар бөлүмү

Бөлүм башчы жана бөлүмдүн башкы адиси, жетектөөчү адиси

Бул тобокелдиктер ИЖБИМдин ишине гана тиешелүү болушу мүмкүн

/документтин аягы/

Колдонулган кыскартуулар:

ИЖБИМ

Кыргыз Республикасынын Илим, жогорку билим берүү жана инновациялар министрлиги

ЖАК

Жогорку аттестациялык комиссия

ИИИ

Илимий-изилдөө институту