# Ош шаардык кеңешинин 2022-жылдын 15-ноябрындагы № 88 "Ош шаарындагы көп кабаттуу үйлөрдү техникалык жактан тейлөө кызматын көрсөтүү акыларынын тарифтерин бекитүү жөнүндө" токтому - Толук аталышы: Ош шаардык кеңешинин 2022-жылдын 15-ноябрындагы № 88 "Ош шаарындагы көп кабаттуу үйлөрдү техникалык жактан тейлөө кызматын көрсөтүү акыларынын тарифтерин бекитүү жөнүндө" токтому - Актынын түрү: Постановление - Номери: 88 - Кабыл алынган күнү: 15.11.2022 - Статусу: Күчүндө - Редакциянын күнү: 15.11.2022 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 15.11.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Ош шаардык кеңешинин 2022-жылдын 15-ноябрындагы № 88 "Ош шаарындагы көп кабаттуу үйлөрдү техникалык жактан тейлөө кызматын көрсөтүү акыларынын тарифтерин бекитүү жөнүндө" токтому (15.11.2022 редакциясы) - https://aqlex.ai/kg/doc/230032653 --- ОШ ШААРДЫК КЕҢЕШИНИН ТОКТОМУ ОШ ШААРДЫК КЕҢЕШИНИН XIV СЕССИЯСЫ (V ЧАКЫРЫЛЫШ) 2022-жылдын 15-ноябрындагы № 88 Ош шаарындагы көп кабаттуу үйлөрдү техникалык жактан тейлөө кызматын көрсөтүү акыларынын тарифтерин бекитүү жөнүндө Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 34-беренесинин жана “Ош шаарынын статусу жөнүндө” мыйзамынын 15-беренесин жетекчиликке алып, “Ош шаарынын муниципалдык турак-жай” коммуналдык башкармалыгынын башчысы Ж.Эргешовдун маалыматын угуп жана талкуулап, Ош шаардык Кеңешинин транспорт, жылуулук-энергетикалык комплекс, муниципалдык чарба жана байланыш маселелери боюнча туруктуу депутаттык комиссиясынын 2022-жылдын 4-ноябрындагы №14 чечимин, ошондой эле сессиянын жүрүшүндө депутаттар тарабынан айтылган сунуштарды эске алып, Ош шаардык Кеңеши токтом кылат: 1. Ош шаарындагы көп кабаттуу үйлөрдү техникалык жактан тейлөө кызматын көрсөтүү акыларынын тарифи 2023-жылдын 1-январынан баштап турак жай менчик ээлерине 1 чарчы метр аянтка бир ай үчүн – 3 сом өлчөмүндө бекитилсин (тиркеме тиркелет). 2. Депутаттардын Ош шаардык Кеңешинин 2011-жылдын 16-июнундагы №238 “Ош шаарындагы көп кабаттуу үйлөрдү техникалык жактан тейлөөнүн баасынын прейскурантын бекитүү жөнүндө” токтому 2023-жылдын 1-январынан баштап күчүн жоготту деп эсептелсин. 3. Токтом мыйзамда каралган тартипте катталсын (Р.Кулов) жана жалпыга маалымдоо каражаттарына жарыялансын (Ч.Абдиев). 4. Токтомдун аткарылышын көзөмөлдөө Ош шаардык Кеңешинин транспорт, жылуулук-энергетикалык комплекс, муниципалдык чарба жана байланыш маселелери боюнча туруктуу депутаттык комиссиясына (М.Маматов) жүктөлсүн. Төрага С.С.Назылбеков Ош шаардык Кеңешинин 2022-жылдын 15-ноябрындагы кезектеги XIV сессиясынын № 88 токтомуна тиркеме Техникалык жактан тейлөө боюнча жүргүзүлүүчү оңдоп түзөө иштерине (байланыш (коммуникация), көп кабаттуу үйлөрдүн жер төлөөсү, чатыры, подьезди, үйдүн маңдайы (фасад) коюлуучу баалар № Күндөлүк оңдоолорду көрсөтүү түрлөрү Жалпы аянттын кв.метринин тарифи 1. а) суу түтүктөр түйүнү б) саркынды суу түйүнү в) жылуулук түйүнү г) электр түйүнү 0,60 0,90 0,60 0,10 Жалпысы: 2 сом 20 тыйын 2. а) турак үй кирмеси (подьезд) б) турак үй маңдайы (фасад) в) турак үй чатыры 0,30 0,20 0,30 Жалпысы: 80 тыйын Бардыгы: 3 сом Ош шаардык Кеңешинин аппарат жетекчиси И.Э.Абдыраимов