# Кыргыз Республикасынын 2025-жылдын 14-августундагы № 495 "Ташкөмүр" жоопкерчилиги чектелген коомун Таш-Көмүр шаарынын мэриясынын муниципалдык менчигине өткөрүп берүү маселелери жөнүндө" токтому

- Толук аталышы: Кыргыз Республикасынын 2025-жылдын 14-августундагы № 495 "Ташкөмүр" жоопкерчилиги чектелген коомун Таш-Көмүр шаарынын мэриясынын муниципалдык менчигине өткөрүп берүү маселелери жөнүндө" токтому
- Актынын түрү: Постановление
- Номери: 495
- Кабыл алынган күнү: 14.08.2025
- Статусу: Күчүндө
- Редакциянын күнү: 14.08.2025
- Тексттин тили: кыргыз тили
- aqlex'теги барагы: <https://aqlex.ai/kg/doc/230032211>
- Расмий булак: <https://cbd.minjust.gov.kg/7-44994/edition/38149/ru>
- Башка тилдеги тексти (Markdown): <https://aqlex.ai/doc/230032211.md>

> Текст расмий булактын маалыматы боюнча 14.08.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын 2025-жылдын 14-августундагы № 495 "Ташкөмүр" жоопкерчилиги чектелген коомун Таш-Көмүр шаарынын мэриясынын муниципалдык менчигине өткөрүп берүү маселелери жөнүндө" токтому (14.08.2025 редакциясы) - https://aqlex.ai/kg/doc/230032211

---

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 14-августу № 495

"Ташкөмүр" жоопкерчилиги чектелген коомун Таш-Көмүр шаарынын мэриясынын муниципалдык менчигине өткөрүп берүү маселелери жөнүндө

Мамлекеттик үлүш катышкан чарбалык коомдорду натыйжалуу башкаруу максатында, "Мамлекеттик мүлктү ишенимдүү башкаруу жөнүндө" Кыргыз Республикасынын Мыйзамынын 14-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик белгиленген тартипте:

1) "Ташкөмүр" жоопкерчилиги чектелген коомунун мамлекеттик үлүшүнүн 96,94 пайызын Таш-Көмүр шаарынын мэриясынын муниципалдык менчигине өткөрүп берсин;

2) ушул токтомдон келип чыгуучу зарыл болгон чараларды көрсүн.

2. Таш-Көмүр шаарынын мэриясына белгиленген тартипте төмөнкүлөр сунушталсын:

1) "Ташкөмүр" жоопкерчилиги чектелген коомунун мамлекеттик үлүшүнүн 96,94 пайызын муниципалдык менчикке кабыл алуу;

2) ушул токтомдун 1-пунктунда көрсөтүлгөн "Ташкөмүр" жоопкерчилиги чектелген коомунун мамлекеттик үлүшүнүн 96,94 пайызын андан ары ээликтен ажыратпоо жана аны жергиликтүү коомчулуктун кызыкчылыгында пайдалануу;

3) ушул токтомдон келип чыгуучу зарыл болгон чараларды көрүү.

3. Кыргыз Республикасынын Министрлер Кабинетинин 2021-жылдын 24-декабрындагы № 341 "Кыргызиндустрия" ачык акционердик коомун түзүү жана Кыргыз Республикасынын Өкмөтүнүн жана Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү жөнүндө" токтомуна төмөнкүдөй өзгөртүү киргизилсин:

жогоруда көрсөтүлгөн токтом менен бекитилген Уставдык капиталдарындагы акциялардын (үлүштүн) мамлекеттик пакети "Кыргызиндустрия" ачык акционердик коомуна ишенимдүү башкарууга өткөрүп берилүүчү чарбалык коомдордун тизмесинде:

- 7-пункт күчүн жоготту деп таанылсын.

4. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

5. Бул токтом расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Министрлер Кабинетинин Төрагасы

А.А. Касымалиев