# КР Министрлер Кабинетинин 2025-жылдын 8-августундагы № 479 "Кургак учуктан дарылануудан баш тарткан адамдарды обочолонтуу тартибин бекитүү жөнүндө" токтому

- Толук аталышы: КР Министрлер Кабинетинин 2025-жылдын 8-августундагы № 479 "Кургак учуктан дарылануудан баш тарткан адамдарды обочолонтуу тартибин бекитүү жөнүндө" токтому
- Актынын түрү: Постановление
- Номери: 479
- Кабыл алынган күнү: 08.08.2025
- Статусу: Күчүндө
- Редакциянын күнү: 08.08.2025
- Тексттин тили: кыргыз тили
- aqlex'теги барагы: <https://aqlex.ai/kg/doc/230030522>
- Расмий булак: <https://cbd.minjust.gov.kg/7-43830/edition/36150/ru>
- Башка тилдеги тексти (Markdown): <https://aqlex.ai/doc/230030522.md>

> Текст расмий булактын маалыматы боюнча 08.08.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Министрлер Кабинетинин 2025-жылдын 8-августундагы № 479 "Кургак учуктан дарылануудан баш тарткан адамдарды обочолонтуу тартибин бекитүү жөнүндө" токтому (08.08.2025 редакциясы) - https://aqlex.ai/kg/doc/230030522

---

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 8-августу № 481

Кургак учуктан дарылануудан баш тарткан адамдарды обочолонтуу тартибин бекитүү жөнүндө

Калктын санитардык-эпидемиологиялык бакубатчылыгын камсыз кылуу, Кыргыз Республикасынын аймагында кургак учуктун жайылышын алдын алуу, "Кыргыз Республикасында жарандардын саламаттыгын сактоо жөнүндө" Кыргыз Республикасынын Мыйзамынын 117-беренесинин 2-бөлүгүн ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кургак учуктан дарылануудан баш тарткан адамдарды обочолонтуу тартиби тиркемеге ылайык бекитилсин.

2. Бул токтом Кыргыз Республикасынын Саламаттык сактоо министрлигинин тиешелүү жылдарга бекитилген бюджетинин алкагында ишке ашырылат деп белгиленсин.

3. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

4. Бул токтом расмий жарыяланган күндөн тартып он күн өткөндөн кийин күчүнө кирет.

“Эркин-Тоо” мамлекетик расмий газетасынын 2025-жылдын 12-августунда № 60 (3716) жарыяланды.

Кыргыз Республикасынын Министрлер Кабинетинин Төрагасы

А.А. Касымалиев