# 131-берене. Телекоммуникациялык сервистерди берүү - Документ: [Кыргыз Республикасынын](https://aqlex.ai/kg/doc/230029914) - Документтеги орду: 16-глава - Толук аталышы: Кыргыз Республикасынын 2025-жылдын 31-июлундагы № 178 Кыргыз Республикасынын Санарип Кодекси - Актынын түрү: Кодекс - Номери: 178 - Кабыл алынган күнү: 31.07.2025 - Статусу: Күчүндө - Редакциянын күнү: 31.07.2025 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 31.07.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын, 131-берене (31.07.2025 редакциясы) - https://aqlex.ai/kg/doc/230029914/st-131 --- 1. Эгерде пайдалануу макулдашуусунда башкасы түздөн-түз көрсөтүлбөсө, телекоммуникациялык сервистер күнү-түнү көрсөтүлөт. Телекоммуникациялык сервистерди берүүчүлөр телекоммуникациялык сервистердин санариптик туруктуулугун камсыз кылуу, ошондой эле аларды берүүдө үзгүлтүккө учуроолорду өз убагында аныктоо жана жоюу боюнча чараларды көрүүгө милдеттүү. 2. Телекоммуникациялык сервистерди берүүчүлөр телекоммуникациялык сервистерди берүүдө үзгүлтүктөргө алып келиши мүмкүн болгон оңдоо-алдын алуу жумуштары жөнүндө пайдалануучуларга аларды жүргүзүү башталганга чейин кеминде 3 жумуш күн калгандан мурда өзүнүн сайтында же тиркемесинде маалымдоого милдеттүү. 3. Телекоммуникациялык сервисти берүүгө таасирин тийгизүүчү авариялар же башка инциденттер келип чыккан учурда, сервис берүүчү өзүнүн сайтында же тиркемесинде пайдалануучуларга инцидент тууралуу, анын сервиске таасири жана аны четтетүүнүн пландалган мөөнөттөрү жөнүндө маалымдашы керек. 4. Телекоммуникациялык сервистерди пайдалануучуларга күнү-түнү техникалык колдоо көрсөтүлөт. Берүүчү өзүнүн сайтында же тиркемесинде техникалык колдоо көрсөтүү кызматынын байланыш маалыматын жайгаштырууга милдеттүү. 5. Эгерде телекоммуникациялык сервистин наркы аны пайдалануунун көлөмүнө жараша эсептелсе, берүүчү өзүнүн сайтында же тиркемесинде телекоммуникациялык сервисти пайдалануунун көлөмүн эсептөө үчүн колдонулуучу эсептөө тутумунун модели жана даярдоочусу жөнүндө маалыматтарды жарыялоого милдеттүү. 6. Эгерде Кыргыз Республикасынын мыйзамдарына ылайык күчүнө кирген эл аралык келишимде башкача белгиленбесе, Кыргыз Республикасынын аймагында телекоммуникациялык сервистерди берүүдө Бишкектин эсептик-отчеттук убактысы колдонулат. --- Мурунку берене: [130-берене](https://aqlex.ai/kg/doc/230029914/st-130) Кийинки берене: [132-берене](https://aqlex.ai/kg/doc/230029914/st-132)